JOSHUA 11:15 - DEENA BAIBÉL (BSI)

¹⁵ Ruutum bí bíkke agérem ibina Mosime políkto. Mosi bí Joshuame poyan sulíkto. Dekedem Joshua bí igeto. Mosike teyolo Ruutum ke políknam agér atel koteng iakmape, ato takamem Joshua bí apíírupe ipíng líkto.

JOSHUA 11:15 Iomraidhean Croise

2 ODONG 30:12

Shédí bí Judah kídílo agér gérla, ami kídíke aapíem lekomola, bíkke míínamem igedope, roja kelang ruutum kídíke lulígnamem igedope imoto.

SANNAM 33:50

Jordan rotkon Jerikoke kékon Moab yiibelo Mosi me Ruutum bí poto,

SANNAM 33:52

delo noluke keralok among delo duuna ami kídí tabungem monbín langka. Buluke moi-muang inam, elíng mimang takam emlang arem murti tabungem delokke buluke kumpom kídíem nyokmo langka.

MATI 23:23

“Aromana ukil kídía delokke Pharisi kídía, nolu gérmang daklangka! Nolu takéé lokke, murkong lokke, kési képa lokke delokke ampunlokke dohombagem bidung. Depe idakkom nolu ayonlokke gomlong kídí jonnam, yaasam delokke míngke sunamem bomgap mang. Nolu méélamke agom kídar sim kerangke simteng mepakmape ige penamkuai.

LUKKE ATNAM TATPONA DOOYINGE 11:42

“Pharisi kídía, nolu ankí kenoyé, kapeila nolu baganlok lenna angu angu oying ogé dohom bagem bidula, aro bedangem delokke Shédíke ayangem míípamang. Kerang kesim mepak mape simmin nolu igepene.

TOMLÍKNAM 20:20

Ngo nolukepe aipena atíem pogot mape pola nolum takam ami kangkolo ekum ekumlo luyilto dem nolu kénsudung.

TOMLÍKNAM 20:27

Kapeila ngo Shédíke míínam tabungem pogotmape nolum pokanbito.

POBENG BINAM 12:32

“Ngokke lulígnam takam sim nolu igelangka. So abídyang laalíkmapeka, delokke laapakpete mapeka.”

POBENG BINAM 31:3

Ruutum noluke Shédíbí agísue noluke kerape konggeboyé. Bí eke elokke ami kídíem noluke kerang kerape nyokmola, buluke asi-amongem nolu dungabomyé. Ruutum ke pokampe Joshuakom noluke kerape elo konggeyé.

POBENG BINAM 31:5

Edílo Ruutum bí bulume noluke alag aralo bilíkyédí, delo ngokke pokampakpe nolu bulum ilangka.

POBENG BINAM 31:7

Delo Mosibí Joshuame Israel ami takam keralo tomala poto, “Aapí-aange rallangka, delokke miga-miramlangka. Kapeila Ruutum bí ingkona amongem buluke buku kídílo bipe emla togesutodí, delo among delo ami kídar sim no gíabope aido, delokke asi-among deme buluke yége-dagge supenam legape bulume orpan subipe aiyé.

POBENG BINAM 4:2

Ngokke lulígnam kídílo atí itemmapeka delokke atíyang koteng ipakmapeka. Ngokke nolum binam Ruutum noluke Shédíke lulígem nolu tatla igelangka.

POBENG BINAM 4:5

“Ruutum ngokke Shédíke ngome lulígnampe, nolum takam ayon kídí emlang lulígnam tabungem ngo poyilto. Noluke laala bompeko asi-among delo pííyéme, nolu dekedem aipe igap gelangka.

POBENG BINAM 7:2

edílo Ruutum noluke Shédíbí, dem ami kídídem nolukíng melígla, delokke nolu bulum ikumla iyédí, delo nolu bulum apíírupe nyokyinmope aido. Bulume atí ayang mapeka delokke angong-arum ibosumapeka.

JOSHUA 1:7

Aapíe edíírupe mínggapla míídíí sulangka. Ngok agér ibina Mosike nolum binam ayon kídí tabungem, berokpe igelangka. Noluke gítíng-yétíng takamlo, ai-kamporudope ayon kídí delokke lakbík pelang lakképe pele-pelkurla imapeka.

JOSHUA 11:12

Ruutum me agér ibina Mosike tuubupe, Joshua bí doolung takamem aabomla, deke delokke roja kídíem moka kayinla, midum atel koteng turmomape iyin gooto.

JOSHUA 11:14

Doolung kídí delokke míínam ekuserang kídí emlang, taro kídíem, Israel kídíe buluke supe bomsii suyintoku. Idola tani emdan midum atel koteng turmomape petyin berokto.

JOSHUA 11:16

Sikepe irongem, sim asi-among tabung sim Joshua bí laayinto: línggíngke adi among, Negeb takam emlang deke delokke yiibe kídíem, Goshenke moolop takamdem, anggodanke díítum takam dem, sokkodanke Arabah mopyang abuung demlang Israel lokke díítum takam emlang deke delokke yiibe among takamem;

1 SAMUEL 15:11

“Ngo Saul me rojape imonamem bursu dungku; ngokke lok angu danpe gíla, ngok lulígem tatmape bí ikai.” Samuel yagorupe adírla, yoh ruubung dem Ruutum kelo kapgusuto.