JOSHUA 10:40 - DEENA BAIBÉL (BSI)

⁴⁰ Dekepeila Joshua bí asi among takamem laayinto. Bí adi among emlang sokkodan Negeb amongem delokke yiibelo duuna among takam emlang delokke roja kídíem ikumyin geyéla, midum atel koteng turmomape ngakína yar-yardem nyokyinmoto. Sikesim Ruutum Israelke Shédíke pokam pakpe iyin goto.

JOSHUA 10:40 Iomraidhean Croise

1 ROJA KÍDÍ 15:29

Bíkke roja irongpak delo bí Jeroboam ke edung-erang takamem moka kayinto. Shiloh doolung lokke Ruutum me agér ibina kaaluna miri Ahijah ke nappalok Ruutum ke agom potonam adupe legí-sigang si iyinkai. Jeroboam ke ali-atod, edung-erang kídí tabungem midum atel koteng turmomape petyinto.

NEHEMIAH 9:24

Delok legape otíng-oyin kídíe delo among delo aalangkula among dem yébomto. No delo among delo duuna Kanaan ami kídíem buluke rumkínglo meto, delokke bulum kape ipe mííyédí dekepe idope buluke roja kídíem, delokke among delo duuna opín takamem buluke alag aralo melíkbito.

MIRILUNGGU 9:17

Shédíme mepaksuna, takam atímana kepe sinamde buluk gípekue.

GÍLEN KUNAM 34:12

Noluke entíng-gítílo, sok among sokke ingkon amiemkom daapong atí ibo sumapeka. Depe inamko kamílo, noluke legape dekede nolum batjém kupena etku-eda pekom ipelo.

SANNAM 13:17

Kanaan amongem rokang goodope bulum lulígdo deme Mosi bí bulume sipe políkto, “Sokkodan Negeb amosok gíla línggíng dan dííte amongpe gígoolangka.

POBENG BINAM 1:7

Depeila nolu sokke gílangkula, Amorit kídíke adi among danpe, delokke Arabah lokke dei-degong ami kídí dungko adi amonglo, yiibe amolo, Negeblo delokke siyéng robeng kídí lokke ila, Kanaan amonglo, delokke ila Lebanon pelang korong bottena, Euphrates loope magoola gígolangka.

POBENG BINAM 2:34

Dekepe ido delo ngolu bulume mime-milope, ome-oope, tani turna atel koteng kaimadupe nyokkak berokmoto.

POBENG BINAM 7:24

Buluke roja kídíem noluke alag aralo bí melígyé. Nolu bulume mokala, taleng rumkíng so buluke amíne kaimadope iyé. Noluke mirolpe sékote ilana kamayé. Bulum takamem nolu nyokyinmoyé.

JOSHUA 10:35

Bulu longe ateleme doolung dem laala Lakhishem kape kísa itodí deke pakpe doolung delo midum atel koteng turmomape takamem petyinto.

JOSHUA 10:37

Bulu doolung demlang ayir agongke doolung kídídem laala, doolung delokke rojem lang ami takamem petyinto. Eglonlo inam kísa midum atel koteng bulu turmomape doolung dem apíírupe nyokyinmoto.

JOSHUA 10:39

Bulu doolung demlang ayir-agongke doolung kídídem laala, midum atel koteng turmomape petyinto. Bulu apíírupe nyokyinmoto. Bulu Hibron doolung kelang Libnah doolungke rojem lang ami kídíem kape kísa itodí deke pakpe Debir demte ito.

JOSHUA 11:16

Sikepe irongem, sim asi-among tabung sim Joshua bí laayinto: línggíngke adi among, Negeb takam emlang deke delokke yiibe kídíem, Goshenke moolop takamdem, anggodanke díítum takam dem, sokkodanke Arabah mopyang abuung demlang Israel lokke díítum takam emlang deke delokke yiibe among takamem;

JOSHUA 12:8

Anggodanke adi among kídí delang deke delokke dííte legaplo duuna among kídí, sanggoke Arabah among delang yiibe kídíde, sokkoke Negeb among delang yépol mooruk among kídí takamde. Sikesim Hittit, Amorit, Kanaan, Perijjit, Hibit delokke Jebus ami kídíe yébomtuai.

JOSHUA 18:21

Pínmík-ramík miyongpe Bénjamin opínlo si doolung kídísi kato: Jeriko, Beth Hoglah, Emek Kejij,

JOSHUA 6:17

Sim doolung simla, doolung arang sokke ato-siro takamem, Ruutum ke amanpe petkut alope aiyé. Notii Rahab melang bíkke ekum aranglo duuna kídí petomem melangka, kapeila ngoluke magro rokana annyidem bí rumnyok bito.

JOSHUA 8:2

Jeriko emnam doolung delokke rojem, no kape kísa itodí, dekepe Ai doolung demlang, doolung delokke rojemte no iyé, idola so irum so dan nolu doolung delokke ekuserang kídí emlang simon-sili kídíem agíke supe bomsing suladoku. Doolung méélam dan delok bulu mamam sudope mimagem aabomdope irusulangka.”

JOSHUA 8:27

Israel kídíe, Joshuame Ruutumke pokampe, Ai doolung delokke turna taro kídí emlang ekurang kídíem, agí-agíke supe orbosula bomyinto.

JOSHUA 9:24

Bulu bím poyansuto, “E mite migom, noluke entíng-gítíng takamlo, asi-among takam sim nolu yébomdope, delokke sikeso duuna ami takamem nyokyin modope, Ruutum noluke Shédíbí Mosi me lulígto. Ruutumke lulígnampe ato-siro takame ilenkai. Sikepe ilennamem ngolu airupe jikki-rokpakpala dekepe ngolu nome yatto. Ngolu nolum yagorupe peso-rían geto. Ngoluke yénamem noluke keralo mesiisupe emla dekepe ngolu ito.