JOSHUA 10:26 - DEENA BAIBÉL (BSI)

²⁶ Depe emla Joshua bí roja kídídem mokala, esing pilngo kolo pakto. Buluke simang kídíem yume adeng loope daktímoto.

JOSHUA 10:26 Iomraidhean Croise

2 SAMUEL 21:6

Dekepeila, bík otíng-oyinlok milokong kínítko ngolume bitoka. Ngolu dem Ruutum ke ullensunam roja Saul ke doolung Gibeahlo Ruutum ke keralo ogsulyé.” “Ngo bulume nolum biyé,” emla Dabid poyansuto.

2 SAMUEL 21:9

Dabid bí Gibeon ami kídarem bulum bito. Bulu Ruutum ke keralo ogsulla, midum kíníd de lekope sibosuto. Dekepe bulum peddo delo ayag-aliem isi lendokuai.

ESTHER 2:23

Pokannam agom dem edílo íngkí-bengkíla arodope gaglentodí, delo mumbal annyi dem sulpom bobelo paksulto. Delokke sim legang takam sim rojake keradelo legang atkumko kitablo atlíkto.

MIRILUNGGU 149:7

Angu opín kídíem ikumdope, delokke amikídíem ingéédope,

MIRILUNGGU 18:41

Bulu igul matala kapyé, idola delo sékote iturna kamayé, bulu Ruutum bíkkíng kabbisuyé, idola bulum bí tatbimayé.

SANNAM 25:4

Ruutum bí Mosime poto, “Ekena ami kídíke miro tabungem laala, Ruutum ke marlínge Israel aralok gídokupe, bulum Ruutum ke kangkolo lang takamke keralo mokala lengkan langka.”

MATI 27:25

Ami takamde pokai, “Bíkke maadumem ngolukílang ngoluke ome-oo kídí teyolo duumo langka.”

JOAN 19:31

Depe idudelo de iruu saarudí longe, delokrongem longe konde Sabbath longe kootíre. Kapeila Judai ami kídíe Sabbath longelo, simadem krosslo melíkmang; iname bulu aledem dírpala simadem laayipe emla Pilatkíng roguto.

GALATIA 3:13

Kristo bí agíe ngoluke legape gérmang gela ayon aralo nyokku penam lokke ngolum relentoku; kapeila sim sikepe atbitung, “Esiilo paksulnam mipíde gérmane.”

JOSHUA 8:29

Bí, Ai doolung lokke rojadem esing kolo paksul geyéla, adeng loope simang amíldem dekepe daktímoto. Doonyi uadelo, Joshua ke polík kolok bíkke amíldem laalangkula, doolung yabgo eyab pakdelo joolíkpala mepakto. Delokrodem bulu simang teyong delo língkum bottenako kumlíkto. De silo peteng dekepe duudungada.

KEBANG RUUTUM KÍDÍ 8:21

Depe inamem kaala, Jebah lang Jalmunna Gideonme poto, “No agísue aala ngonyime pakatoka. Mine amide mine amike agérem ila sudung.” Depe emkolok Gideon bí bínyim mokala, bínyike uut simon alínglo paknam lunggu tadok kídíem laato.

1 SAMUEL 15:33

Samuel pokai, “Nokke yoksae kapekísa deddína aneme koo kaimadope imotodín, dekepe, mime aralo nokke anekom koo kaimayé.” Dekepe empala bí Agagme Gilgal lokke runggu keradelo patung-payungto.