JOSHUA 10:13 - DEENA BAIBÉL (BSI)

¹³ Delo opín-buang kídíe agí miru kídí teyolo, edoem rayan suyinkuma teteloope, doonyie asoope dakpobito, delokke pooloe dakyabito. Dekedem Jasherke kitablo atkumla metung. Doonyie longe raadang delo asoope dakpobito, delokke longe abung kokai uamato.

JOSHUA 10:13 Iomraidhean Croise

2 SAMUEL 1:18

sim miri sim Judah ami kídíem luyil dope lulígto. (Sim Jasarke kitablo attung.)

2 ROJA KÍDÍ 20:10

“Abír-ayoem gíto sudope inamde ipoodung. Dem penem, lekor íyingko gíkut sudope imolangka,” emla Hejekiah poto.

ESTHER 8:13

Delokke Jihudi kídíe buluke miru kídíem delo longe delo iyan sudope iruupe, delokke legape among takamlo ayonpe medope, delokke ami takamlo pokandope emla orgopenam ukum kakot kídídem iruulento.

JOBKE KITABE 9:7

Bí doonyi sanamem itumlane, delokke takarem angun kamadope ilane.

MIRILUNGGU 148:3

Bím ríngge langka, doonyielang pooloe; bím ríngge langka, angunna takar kídíe.

MIRILUNGGU 19:4

depe ilate buluke adude tani gíída tabuso gígongkai, delokke buluke agome among kéényung miyonglo gígongkai. Doonyi kepe Shédí bí taleng telo dungkengko ibito.

ISAIAH 24:23

Delo longe delo pooloe kaamoyé, delokke doonyie angun ngunyimayé, kapeila Ralyayalumna Ruutum bí rojape iyé. Bí Jirusalemke Jayon Díítum teyolok ruutum bomyé, delokke ami kídíem yégebona kídíe bík angun-abéem kaayé.

ISAIAH 38:8

Ahajke líísak ebang monamlo doonyi ugyumem lekor íyingko gílat sudokupe imoyé.’ ” Depe poro delo doonyi ugyum de lekor íying ko gílat sutoku.

JOEL 2:10

Buluke kerang-kerangpe amonge ton-gedung, delokke talenge beleng gedung. Doonyie lang pooloe kaamo gedung, delokke takar kídíeteng angun geyimang.

JOEL 2:31

Doonyiem kaamo moyéku, delokke pooloem iyyi kísa líímoyé. Dekedem reyub runam, Ruutum ke botteruna longe píímang adape iyé.

JOEL 3:15

Doonyiem lang pooloem kaamo moyé, delokke takare angun yimayé.”

HABAKKUK 3:11

Nokke pugí byarna asirem kaala, delo gíníng yaari asirem kaala, taleng telokke doonyiela pooloe tekíngla daggeto.

SANNAM 21:14

Dekepe ila Ruutum ke mimak kitaplo sikepe podung, “Supha goorangke Waheb doolung, delo yiibe, delokke Arnon korong,

SANNAM 31:2

“Israel kídí teyolo atímape inam legape Midian kídíem edo ralang kuka. Depe irongem nome nokke buku-nekulo langaayéku.”

MATI 24:29

“De ebín longe kídarde píírong pagem, doonyie rurukyé, delokke poolue angun biyimayé; takare taleng telok oletyé, delokke taleng telokke atí kídare engenyé.

MATI 5:45

delomin nolu teyong amolokke Abuke oope iyéne. Atímana kelang ainake teyolo bí agí doonyiem saamodung, delokke deena deemana annyi kepete pedong omodung.

LUKKE ATNAM TATPONA DOOYINGE 18:7

Delokke Shédíkíng longe yohpe kapguna kídíem bí bíkkelo ullennam amikídí legape jonnam agérem gérbi mayénía? Bí bulum mepak yélanga?

TOMLÍKNAM 2:20

Doonyie ruage iyé delokke poolue iyyi kísa yalíyé. Ruutumke bottena angun runa longelokke píímang adape depe iyé.

JOSHUA 10:11

Beth Horon bedang delok buluke Ajekahpe Israel keralok dugge dungkuem, Ruutum bí botteruna tapílok buluke teyolo gejém moto. Delo longe delo Israel kídí lokke gíníng-yoksa lok pemílo tapílok buluke bojéyang amie siyinkai.

JOSHUA 10:14

Tanike agomem Ruutum bí tatbila, agínpe ikímanam sikena longeko kato, delokke keralote sikepe ikí hénying kímang. Israel ke makpépe Ruutum bí mimagem ito.

BEROK BINAM 21:23

Taondem angundope doonyi demangkom poolo míímang, kapeila Shédíke angun ralname delok angunsue, delokke Mérbénode sokke merusue.

BEROK BINAM 6:10

Bulu agome bottepe polenkai, “Edíí yalumna Ruutum, deena delokke arona! Nokke among teyoso taniem bisar ikumang adape delokke ngolum petnem ingéé yansu kumang adape edítko adolyéne?”

BEROK BINAM 6:12

Akké napena siil dem bí iyayédem ngo kanggapto. Mooton tarone tonkai. Sobén amítlok omnam muun kísape doonyie yorange ikai, poolo tabunge yalí líísi ikai,

BEROK BINAM 8:12

Appi napena teyong kotokide bíkke bikul tapungem mutto. Delo doonyi lokke, poolo lokke, delokke takar ole angum lokke olekonem ruruge igedope mutto. Longelokke ole angum lokke olekone angun kayimang, delokke yohlokkete dekepe ikai.

KEBANG RUUTUM KÍDÍ 16:28

Delo Samson Ruutum me kumsuto, “E Ruutum Shédí, ngome míípa sulangka. E Shédía, lekoda ngome ralnamem ruubilangka. Ngokke nyokkana amig annyi legape, kídnam atellok, Philistain kídí teyolo, ngome edoem ramo langkuka.”

KEBANG RUUTUM KÍDÍ 5:2

Ruutum me yidgedung, Israelke ruutum kídare mimak iperung emla mínggapkai. Ami kídí tabunge ashépe togesuyinto.