JOSHUA 10:12 - DEENA BAIBÉL (BSI)

¹² Ruutum ke Israel alag aralo Amorit kídíem rulíkdo longe delo, Israel daadi takam keralo Ruutum me Joshua bí kumdola poto, “E doonyi, Gibeon teyolo asoope dakpolangka, E poolo, Aijalon yiibe teyolo dakyalangka.”

JOSHUA 10:12 Iomraidhean Croise

2 SAMUEL 2:12

Abner lang Ishboshethke ruutum kídíe, Mahanaim lok gíla Gibeonlo aato.

2 ROJA KÍDÍ 20:10

“Abír-ayoem gíto sudope inamde ipoodung. Dem penem, lekor íyingko gíkut sudope imolangka,” emla Hejekiah poto.

2 ROJA KÍDÍ 20:11

Delo Isaiah bí Ruutum me gogla, bí abír-ayoem lekor íyingkope Ahaj rojake pínam bangkor delok gíkut sumotoku.

2 ROJA KÍDÍ 20:9

Isaiah poyansuto, “Si Ruutum ke iyodpe iyé. Bí ingkuem pébi sutudí dem ibiyé: Abír-ayoem lekor íyingko gíto sumopía ma gíkut sumopía?”

1 ODONG 8:13

Beriah lang Shemah bínyi Aijalon luunelo duuna erang lokke ruutumpe yébola, Gath luunelo duuna ami kídíem monpakboto.

2 ODONG 11:10

Jorah, Aijalon, delo Hebron, Judah delo Benjamin doolung kídí demte etor torgoola meto.

JOBKE KITABE 9:7

Bí doonyi sanamem itumlane, delokke takarem angun kamadope ilane.

MIRILUNGGU 148:3

Bím ríngge langka, doonyielang pooloe; bím ríngge langka, angunna takar kídíe.

MIRILUNGGU 19:4

depe ilate buluke adude tani gíída tabuso gígongkai, delokke buluke agome among kéényung miyonglo gígongkai. Doonyi kepe Shédí bí taleng telo dungkengko ibito.

MIRILUNGGU 74:16

Longe dekom nokke, yoh dekom nokke; no doonyiemlang pooloem duubangkolo melíkto.

ISAIAH 28:21

Perajim Díítum lolang Gibeon yiibelo inam kísa Ruutum bí mimak momín suyé. Kapeila bíkke irisinyo agérem, tanike kangkén manam agérem bí iperung emla mííbomnamem bí iyé, delokke ipíng ruyé.

ISAIAH 38:8

Ahajke líísak ebang monamlo doonyi ugyumem lekor íyingko gílat sudokupe imoyé.’ ” Depe poro delo doonyi ugyum de lekor íying ko gílat sutoku.

ISAIAH 60:20

Nokke ankí-kenodí longe kaimayé, Doonyi emlang pooloem pemílo pakyape agínpe kayarna, nokke angunpe Ruutum ngo iyé.

JEREMIAH 28:1

Judah lokke Jedekiah rojake dítak appi kolang poolo pilngo nape roja ido dítak atel delo, Gibeon doolung lokke Ajjur ke oo kaaluna miripe ina Hananiah bí Kumkeng Ekum delo deddína bosi maglíng kerang delo lang miri kídarke keranglo ngome sikepe podo:

AMOS 2:9

“Ngo buluke keralo Amorit em petpakto. Bí bodonge sidar esing kísa ituai, delokke ok esing kísa toltuai; idolateng ngo bík ayém teyolok ipakto, delokke bík appírem rumkílok gurpakto.

AMOS 8:9

Ngokke, doonyiem longe raadalo olup mola, amongem longelo kaamo modí moodíe píídak. Ngo, Ruutum Shédí bí polen sudung.

HABAKKUK 2:20

Idola Ruutum bí bíkke deena Kumkeng Ekumlo duudung; dekepeila tani among takame bíkke keralo eetet-dengompe duulangka.

HABAKKUK 3:11

Nokke pugí byarna asirem kaala, delo gíníng yaari asirem kaala, taleng telokke doonyiela pooloe tekíngla daggeto.

JEKHARIAH 2:13

Tani takama, Ruutum ke keralo eetet-dengompe duulangka, kapeila bí bíkke deena dungkolok aadung.

POBENG BINAM 17:3

mimekone demangkom milokongkone abíd uyu kídíem demangkom doonyiem demangkom pooloem demangkom taleng telokke takar kídíem kumsudung,

POBENG BINAM 4:19

Edílo nolu taleng telo kaadusula, doonyiem, pooloem, takar emlang taleng telo dakna abíd ato-siro em kaayédí, delo nolu bulume kumsupe emla delokke bulum agér gérbipe emla aang omapeka. Dekepe idope abíd opín-buang amilo Ruutum noluke Shédíbí ruulíkto.

JOSHUA 10:13

Delo opín-buang kídíe agí miru kídí teyolo, edoem rayan suyinkuma teteloope, doonyie asoope dakpobito, delokke pooloe dakyabito. Dekedem Jasherke kitablo atkumla metung. Doonyie longe raadang delo asoope dakpobito, delokke longe abung kokai uamato.

JOSHUA 19:42

Shaalbim, Aijalon, Ithlah,

JOSHUA 21:24

Aijalon, delokke Gathrimmon.

KEBANG RUUTUM KÍDÍ 12:12

Depe yéborodem bí sila, Jebulun among lokke Aijalon doolunglo bím yuto.

KEBANG RUUTUM KÍDÍ 5:20

Siserake mirupe taleng telokke takar kídíe agí dakkollo dakdola, mimak imínsuto.

1 SAMUEL 12:18

Dekepeila Samuel kumto, delokke delo longe deloi Ruutum bí pedong emla doomír-yaariem melíkto. Delo takam amie Ruutum melang Samuelme pesoto.

1 SAMUEL 14:31

Delo longe delo Israel kídíe Philistain kídíem Mikmash lokke ila Aijalon loope mimak ila ikumto. Delo ami kídarde yagorupe kenolok adung-apééto.