JOSHUA 10:10 - DEENA BAIBÉL (BSI)

¹⁰ Gibeonlo bulume Ruutum bí akén-ayén moyimape, Israel keralo imola, Israel kídíe bulume botterupe ikumto. Israel kídíe bulume Beth Horonpe gína bedang delok monbomla, Ajekha lolang Makkedah loope pamín geto.

JOSHUA 10:10 Iomraidhean Croise

2 SAMUEL 22:15

Bí bíkke epugem apla, bík miru kídíem dukpan-dukran sumoto; bí yaari garnam lok bulum dugyin moto.

1 ROJA KÍDÍ 9:17

Deme Solomon bí lekoda doolung dem ireptoku.) Bíkke agér yébonam kídíem yébola Sokko Beth-Horon emte ireptoku delokke,

2 ODONG 14:12

Ruutum bí Ethiopia ami kídardem Asa melang Judah ami kídídem ikum moto; delokrodem Ethiopia kídíde dugnyok gekaku.

2 ODONG 25:13

Dekepe idung delo Amajiahke mimaklo gíbomape gílat sumokunam Israel sipaying kídíde Samari lok ila Beth Horon pénsamlo Judah doolung duuna kídídem mimakpe aabomla, amiem jarumko petto, delo deddína ekuserang emte laato.

MIRILUNGGU 18:14

Bí epugem aplíkto, delo mirue dukpan suto, bí yaarilok latla bulum monpansuto.

MIRILUNGGU 44:3

Nokke amikídíe amodem yoksalok ikummang; bulu agí ralnamlok ikummang; de nokke pauar loklang tolnam lokmin, nokke ayala dunggul kolokmin ikumde ikane.

MIRILUNGGU 68:14

Tolna yalum Shédíke roja kídíem, Salmon díítelo monpan sulíkduem delo tapamem omoto.

MIRILUNGGU 78:55

Bí dungkusuna, among delokke ami kídíem monpakto; bí buluke amodem Israel opín kídílo pansubito delokke buluke ekumem bíkke ami kídíem bito.

ISAIAH 28:21

Perajim Díítum lolang Gibeon yiibelo inam kísa Ruutum bí mimak momín suyé. Kapeila bíkke irisinyo agérem, tanike kangkén manam agérem bí iperung emla mííbomnamem bí iyé, delokke ipíng ruyé.

ISAIAH 30:30

Ruutum bí agíke angun-abéna agomem, bíkke yaaripe garna alagem, bíkke gumtíkna marnamem, líídor tapíem, delokke pedongem ami takame kaayin-tatyin dupe lengkan suyé.

JEREMIAH 34:7

Dekepe podu delo Babilon lokke rojake maglíng kídíde Jirusalem emlang Judah lokke abíd doolung kídíem mimak ibomto. Dekepe ido delo líísak etorpe torgosula ina Lakhish elang Ajekah doolung annyi petomde miru alag aralo aamangada, idola demte mirue gargo bomto.

JEKHARIAH 14:3

Kerang yétonam longe kídí kísape, delo Ruutum bí dem opín kídardem mimak imín sudope gílenyé.

POBENG BINAM 7:23

Ruutum noluke Shédíbí bulum noluke alag aralo melíkla, bulume mamam sumola akén-ayén yimadope imola, buluke nyokyinmang teteng dem iyarmoyé.

JOSHUA 10:11

Beth Horon bedang delok buluke Ajekahpe Israel keralok dugge dungkuem, Ruutum bí botteruna tapílok buluke teyolo gejém moto. Delo longe delo Israel kídí lokke gíníng-yoksa lok pemílo tapílok buluke bojéyang amie siyinkai.

JOSHUA 10:28

Joshua bí delo longe delo Makkedah doolungdem laato. Doolung delokke roja demlang mipil-miyong ami kídíem petyin berokto. Midum atel koteng bí turmomato. Jeriko rojem bí kape kísa itodí, deke kísapakpe bí Makkedah roja demte bí ito.

JOSHUA 10:9

Gilgallok yoh rubungem enla, Joshua bulume mamam sudupe mimak iyabomto.

JOSHUA 11:8

Miru kídí deme Ruutum bí Israel alag aralo ruulíkto. Israel maglíngde bulum mimak delo ikumla, línggíngdanke Misrephoth Maim lolang Sidon loope, delokke sanggo danke Mijpah yiibe loope gílangkula midum atel koteng turmomape petyinto.

JOSHUA 12:16

Makkedah, Bethel,

JOSHUA 15:35

Jarmuth, Adullam, Sokoh, Ajekah,

JOSHUA 15:41

Gederoth, Beth-dagon, Namaah, delokke Makkedah. Si tabung si idumsula doolunge amé borope íying kolang akkéko kato.

JOSHUA 16:3

anggodanpe oilangkula Japhlet ami kídíke dungko amongem pííla, Beth Horonke rumkídan yiibelo píílík langaala Among Raadang Siyéng loope píílíkto.

JOSHUA 16:5

Sikesi Ephraim opín lokke pínmík- ramíkpe, asi among paaname: Buluke among rísude sanggodan Atharoth Addar lok ilenla Beth Horonke teyolo pííla,

JOSHUA 21:22

Kibjaim delokke Beth Horon.

KEBANG RUUTUM KÍDÍ 4:15

Edílo Barak bí mimakpe iyabomtodí, delo Sisera melang bíkke maglíng dem delokke guré gaari kídí dem akén-ayén yimadope Ruutum bí imoto. Sisera bí guré gaari delok oila dugnyokgeto.

KEBANG RUUTUM KÍDÍ 4:16

Idola Barak bí, guré gaari kídí emlang maglíng dem Haroseth haggoyimpe monmín geto. Siserake maglíng dem ami atel koteng turmomape yoksa lok pakayinto.

KEBANG RUUTUM KÍDÍ 5:20

Siserake mirupe taleng telokke takar kídíe agí dakkollo dakdola, mimak imínsuto.

1 SAMUEL 13:18

Makpé konde Beth-Horon danpe, delokke angum nanade, rísu delo, asi-among emla yépol moorugem kaatok sudola duuto.

1 SAMUEL 17:1

Judah lokke Sokoh emnam luune kolo Philistain kídíe mimak ipe emla gídumsula, Sokoh kelang Ajekahke pénsam Ephes Dammim emnam moolop kolo notkoem ito.