JOSHUA 1:9 - DEENA BAIBÉL (BSI)

⁹ Aapíe edíírupe mínggapla míídíí sulangka emla ngokke lulík namem míípa sulangka. No ingkolo yégoyédí, deke takamlo Ruutum nokke Shédí ngo, nokkíng yémín gedung, depeila no aapíe amé mapeka delokke pesomapeka.”

JOSHUA 1:9 Iomraidhean Croise

KEYUM KERO 28:15

Kaatola, ngo nokkíng yémín gela, no ingko-ingkolo yégo yédí, ngo nom gagbom ayaryé, delokke so among so aalat boyéku; kapeila nom potonam kídísim ipíngmang tetedem, ngo nokkelo yémín geyé.”

KEYUM KERO 39:2

Ruutum bí Joseph kelo yémín gela bí edíí-sirípe ilento, delokke bíkke Ijipt lokke ruutum ekumlo bí duuto.

KEYUM KERO 39:3

Bíkke teyolo Ruutum yémín gela, bíkke agér tabulo edíí-sirí namem, bíkke ekum ruutumde kaala,

2 SAMUEL 13:28

Delo Absalom bík béérang kídídem lulíkto, “Amnon bí yagorupe apong tííla sédukyém kaabomlangka, delo edílo ngo políkyédí, delo bíme mokalangka.”

1 ODONG 28:20

Dabid roja bíkke oo Solomonme poto, “Aapíe edíílangka, delokke mínggaplangka. Agérem ilenlangka, delokke ingkuemteng itum kosumapeka. Ngokke agér gérbinam Ruutum Shédíbí nokkíng yémín geyé. Bí nom mepakmayé, idola bíkke Kumkeng Ekumlo nokke agér ipenamem iyindo loope nokkíng duumín geyé.

2 ODONG 15:7

Idola nolu aapíe botte langka! Noluke agér gérnam legape amanem paayé.”

MIRILUNGGU 46:7

Maglíngke Ruutum bí ngolukíng dung; Jakobke Shédí bí ngoluke duusi sukenge.

ISAIAH 41:10

Nolu pesomapeka. Ngo nolukíng yémín gedung. Ngo noluke Shédíe. Nolu aapí-aange améng mapeka. Nolum ngo ralmoyé, delokke igulyé. Nolum ngokke deena alag sok gagdíng bomyé.

ISAIAH 43:1

E Jakob nolum pílenna, E Israel nolum ruulenna, Ruutum bí sikepe podung: “Pesomapeka, ngo nolum ipítto. Nolum ngo amín lok gogla tomto, nolu ngokke.

ISAIAH 43:5

“Nolu atí peso mapeka, kapeila ngo nolukíng duumín dung. Ngo nolume, delokke noluke ome-oo kídíem sanggo-anggodan tabunglok laadum suyé.

ISAIAH 8:12

“Ami kídarke mirupe rukup-rulatla bonying ibosuko delo, no bonying agom lumapeka. Buluke pesorían kolo, note yagorupe pesorían mínmapeka.

DANIEL 10:19

Bí pokai, “Shédí bí nome ayang aloodung, delok legape ingko atí emkom no míídír mapeka demangkom peso mapeka.” Edílo bí sim potodí, ngo bojéyape toldope ansuto, delo ngo poto, “E ruutum, no ingkoko lupe míídudí deme polangka. No ngome gepo yadokupe itoku.”

HAGGAI 2:4

Depe idakkom, supak lokke nolu sékokom aapíe bengal mapeka. Agérem ralnampe gérlangka, kapeila ngo nolukíng duumíndung.

HAGGAI 2:5

Edílo nolu Ijipt among lokke gílen tokudí, ngo nolukíng agínpe duumín geyé emla togesuto. Ngo supakpete nolukíng duumíndung, dekepeila nolu peso mapeka.

TOMLÍKNAM 4:19

Idakkom Pitorlang delokke Joan bí pobosukai, “Shédíme megeyéla noluke agomem tatbi namde Shédíke keralo ainamía aimanamía, dem nolu agí agísue míngkí sulangka.

POBENG BINAM 1:21

Kaatola Ruutum noluke Shédíbí, nolum amodem tolík bitung, dekepe ila Ruutum noluke buku kídíke Shédíke pokampe, nolu gíla asi amongdem laalangka. Nolu aapíe améng mapeka, demangkom pesomapeka.’

POBENG BINAM 20:1

“Edílo noluke miruem mimak imínsupe emla noluke gílen yém, nolu miru lokke guré kídíem, gaari kídíem delokke nolum pemílo bojéyape maglíng kídíem kaayédí, delo nolu pesomapeka. Kapeila, nolum Ijiptlok laalenkuna Ruutum noluke Shédíbí, nolukíng yémín geyé.

POBENG BINAM 31:23

Nunke oo Joshuame Ruutum bí sime lulígto, “No aapí-aange ralla miga-miramlangka. Buluke keralo pésula among biyé emla ngokke togesunam among delo, no Israel kídíem gíbolangka, delokke ngo agísuete nokkíng yémín geyé.”

POBENG BINAM 31:28

Depeila ngokke kerang so noluke opín-buang takamke miro kídí emlang migom kídíem gogdum suyinlangka. Ngo buluke takam tatkolo sim agom-aang kídar sim pokandola ngo among-talengem tomla dem kaana-tatnape idope buluke atímangem lengkan biyé.

JOSHUA 1:10

Delo Joshua bí, Ruutum kídíem notko miyonglo gígomola, sikepe pogomoto.

JOSHUA 1:17

Ngolu Mosike agom-aangem kape kísa tattodí, delok kísape nokke agom-aangemte tatyé. Mosike teyolo kape kísa Ruutum nokke Shédíbí katodí, deke kísape nokkíng bí yéyar míndak langka.

JOSHUA 1:18

Nokke ruutum yétaem séko bulu mirupe iyédí, demangkom nok lulíknam agomem tatmayédí, deme petpakpe aido. Aapíe edíírupe mínggapla míídíí sulangka.”

JOSHUA 10:25

Delo Joshua bí bulum poto, “Nolu aapí-aange améla pesomapeka. Aapí-aange ralla miga miramlangka. Noluke mimak imín supenam miru kídílo sikepemin Ruutum bí iyéne.”

JOSHUA 10:8

Ruutum bí Joshuame poto, “Bulume atí pesomapeka. Bulu sékote nok keralo dakka sulamayé, kapeila nok alag aralo ngo bulume rulígto.”

JOSHUA 3:7

Ruutum bí Joshuame poto, “Ngo Mosi kíng kape kísa yémín getuadí, dekepe nokkíng ngo yémín gedung emla, ami takame kéndope, Israelke amig keralo nome ngo silo botterupena amikope kaadope ikanbiyé.

JOSHUA 6:27

Dekepe Ruutum bí Joshua kíng duumín gela, bíkke miram amíne among takamlo gíyin gooto.

JOSHUA 8:1

Ruutum bí Joshua me poto “No aapí-aange amémape delokke atí pesokamape, nokke maglíngem gíbola, Ai doolungem mimakpe aabomlangka. Ngo nok alag aralo, Ai doolungem, doolung delokke rojem, doolung delokke ami kídí emlang, asi amongem ruulíkbiyé.

KEBANG RUUTUM KÍDÍ 6:14

Ruutum bí bíme kaasudola lulíkto, “Nokke ralnam takam dem gelangala gílangka, delokke Midian kídílok Israelem mopít langka. Ngo agísue nome melíkdung.”

1 SAMUEL 10:7

Sike iyod kídí si edílodín nokkíng iyéne, Shédíke pokorpe takam atoem ilangka.