JOSHUA 1:8 - DEENA BAIBÉL (BSI)

⁸ Noluke kumsuko takamlo, ayon kitap sime pori ayardope mínggap gelangka. Sime longe yohpe pori ayarlangka, delokke ayon kitap so atnam takamem atel koteng mepakmape, iyar gedope mínggap gelangka. Depe imílo noluke gítí-yétínglo, nolu ai-kampola arda bosuyé.

JOSHUA 1:8 Iomraidhean Croise

KEYUM KERO 24:63

Longe arot kondem Isaakbí aríklo, asoope kumsukape emla gílen duem, uut kídíke angkunamem bí kaato.

2 ODONG 26:5

Shédíme pesodola bíme poyilna Jekhariahke yédudelo bí Shédíme matato; delokke edíloope bí Ruutum me matatodín, Shédíbí bíme edíng moto.

MIRILUNGGU 119:11

Nom ipéésumadope emla nokke ngiitomem ngokke aangso ngo bomgapdung.

MIRILUNGGU 119:15

Ngo nokke luyilem poridung, nokke luyilem ngo kangkí tatkídung.

MIRILUNGGU 119:97

Edítko nokke ayon ngiitomem ngo ayadune! Si ngokke loodípe míítíbomname.

MIRILUNGGU 119:99

Luyilbona takamem pemílo ngo kényadung, kapeila ngo nokke ngiitomem igedung.

MIRILUNGGU 19:14

E Ruutum, ngokke lííne líírenge ngom iturne; ngokke nappang agomelang aapí-aanglok kumsunamsi nokkelo torík subape idaklangka.

MIRILUNGGU 40:10

Nokke iturkunam agérem ngo aapí araso gebum sumang. Ngo nokke míngkeng emla igulem poge ayardung, nokke ngolum míída sunam, delokke duuyarna ayang legangem baane duusumlo pomape asoope duunyokmang.

NGIITOM SIRUNG 3:1

Ngokke ua, ngokke luyilem mitpan sumapeka. Ngokke políknam agérem agínpe iyar gelangka.

ISAIAH 59:21

“Ngokke pedan, si ngokke bulukíng ibosunam daaponge, emla Ruutum bí podung: Nolukíng yémín gena ngokke Aid bí, delokke noluke nappalo ngok agom-aang ilíknam kídíde, edílokom nolu kelok gíkumayé, delokke dekede noluke ome-oo kídílo; noluke oten-sirek loope agínpe duuyaryé.” Sikepe Ruutum bí agomem polendung.

MATI 12:35

Aina amie kumsulok aina atíem laalen bidung, delokke atímana amie atímana kumsulok aimana atíem laalen bidung.

MATI 28:20

delokke bulum ngokke ngiitom tomnam takamem luyilla, ige molangka. Delokke berokrupe ngo nolukíng yéyin longelope duuyar mínyé.”

MATI 7:21

“Ngome ‘Ruutume Ruutume’ emla goktína miyode teyong amolo píímayé, idola teyong amolo duuna ngokke Yayike míínamem inademin pííyéne.

MATI 7:24

“Delok legape ngokke sim agom kídar sim tatna mipíde delokke dekedem igenade lííreng teyolo ekum mojina kísadung.

LUKKE ATNAM TATPONA DOOYINGE 11:28

Bí poyansuto, “Idola Shédíke agomem tatla delokke dem igena kídíde gérne.”

JOAN 13:17

Supak nolu sim atí kídísim kénkai, nolu sikesim imílo ayang igulem paayé.

JOAN 14:21

“Séko bulu ngokke ngiitomem bomla delokke dekedem igedudi, bímin ngom ayane. Séko ngom ayadudí bím ngokke Yayi bí ayayé, delokke ngote bím ayayé delokke agíem lengkan subiyé.”

EPHESIA 4:29

Tatnyinam agomem lubo sumapeka, idakkom tatna kídíem aina agérem bidope, akonke pííram adulok igul bosupenam agomem pobo sulangka.

POBENG BINAM 29:8

Ngolu buluke amongem laala deme Reuben kídí emla Gad kídíem delokke Manassehke opín arotkonem orlíkto.

POBENG BINAM 29:9

Noluke ato-siro agér-anam iko tabunglo ai-kamporudope, nolu daapong sokke ayon kídíem ansula bomgaplangka.

POBENG BINAM 30:14

Nolu aipe igedope agom kídísi noluke aapí-aang delolang noluke nappang kídar delo kala noluke anín kídí delomin kadune.

POBENG BINAM 31:11

Ruutum ke moolop tonam delo edílo Ruutum noluke Shédíme Israel takame kumsukape emla aayédí, delo ami kídílo rikan bilangka.

POBENG BINAM 31:24

Ayon sokke agom-aang kídíem ilen lokke ila iyin loope kitap kolo Mosibí atyinlíkla,

POBENG BINAM 5:1

Mosibí Israel takamem tomdumsula poto, “E Israel kídía, noluke tatkolo ngokke pokan binam siloke ayon takamem tatlangka. Dekedem kénlangka delokke igelangka.

POBENG BINAM 5:29

Bulu dekepe aapí-aange geyarduamílo, bulu agínpe ngome arope mííla ngokke agomem tadbiduamílo edítko aiyan. Depe bulu iduamílo buluke teyolo lang buluke oten ome-oo kídílo ato takame ai-kampope iyaryai.

POBENG BINAM 5:32

“Depeila Ruutum noluke Shédíke nolume lulígnam kídíem ansula igelangka; dekedem korboola lakképe demangkom lakbíkpe gímapeka.

KOLOSIA 3:16

Kristoke ngiitomem edíírupe noluke aanglo duumorupe aido. Míngkeng miriem, kumnam joonam delokke deena miriem lubo sulangka; Shédíkelo noluk aanglo yidgenam miriem lubo sulangka.

JOSHUA 1:7

Aapíe edíírupe mínggapla míídíí sulangka. Ngok agér ibina Mosike nolum binam ayon kídí tabungem, berokpe igelangka. Noluke gítíng-yétíng takamlo, ai-kamporudope ayon kídí delokke lakbík pelang lakképe pele-pelkurla imapeka.

JOSHUA 8:34

Ayon kitaplo atlíknam utepooro agom kídíemla, béénam kídí agom takamem itaksula ayonlo igepenam idong takamem atlíknamem, mipil takame tatyin dupe, Joshua bí borope rikan biyinto.

BEROK BINAM 22:14

“Séko bulu agíke egem etbín dudí bulu gérne, bulu turnam bina esing ayém dobaane delokke luyablok taonlo aabane.