JOSHUA 1:7 - DEENA BAIBÉL (BSI)

⁷ Aapíe edíírupe mínggapla míídíí sulangka. Ngok agér ibina Mosike nolum binam ayon kídí tabungem, berokpe igelangka. Noluke gítíng-yétíng takamlo, ai-kamporudope ayon kídí delokke lakbík pelang lakképe pele-pelkurla imapeka.

JOSHUA 1:7 Iomraidhean Croise

1 ROJA KÍDÍ 2:2

“Tani among sok ngo gídakku. Nok aapí-aange edíílangka, mijin-hakjinla yélangka.

1 ROJA KÍDÍ 2:3

Ruutum nokke Shédíbí ingkuem lulígyédín dem ilangka. Mosike ayonlo atnam takamem igelangka. Depe imílo nokke yétíng takamlo, agér itíng takamlo no utepooroem paayé.

2 ROJA KÍDÍ 22:2

Josiah bí Ruutum ke kaabang dope yéla, bík buku Dabidke yénam pakpe, lakké-lakbíkpe ngéngkup-ngélatmape jonnampe yéto.

1 ODONG 22:13

Ruutumke Israel ami legape Mosi kíng bilíknam ayondem aipakpe no yégeboyémílo no yéjiboyé. Aapíe mínggapla edíílangka, delokke peso atí kamapeka, delokke míímé sumapeka.

2 ODONG 15:7

Idola nolu aapíe botte langka! Noluke agér gérnam legape amanem paayé.”

2 ODONG 26:5

Shédíme pesodola bíme poyilna Jekhariahke yédudelo bí Shédíme matato; delokke edíloope bí Ruutum me matatodín, Shédíbí bíme edíng moto.

JOBKE KITABE 1:8

Ruutumbí Soitanme poto, “Ngome agér ibina Jobme no kaadunía? Tani among araso bík kísape míngkeng suna delokke aina ami kamang. Bí Shédíme pesola atímana agérem ansula imanako.”

MIRILUNGGU 80:19

E Ruutum Tolna yalum Shédía, ngolum yaasamtoika, delo ngolu turyéku.

NGIITOM SIRUNG 4:27

Atí manem mepak langka, delokke jonnampe gílangka. Aina bedalokke lekor kokom gípel mapeka.

NGIITOM SIRUNG 8:20

Ngo yéjinam beda delok gídung, tetena bedanglok ngo gímíndung.

DANIEL 10:19

Bí pokai, “Shédí bí nome ayang aloodung, delok legape ingko atí emkom no míídír mapeka demangkom peso mapeka.” Edílo bí sim potodí, ngo bojéyape toldope ansuto, delo ngo poto, “E ruutum, no ingkoko lupe míídudí deme polangka. No ngome gepo yadokupe itoku.”

SANNAM 27:23

Delo bím, Ruutum ke Mosi kíng poyilnam tuubupe bík teyolo Mosi bí agí alagem leelígla, bím yétítne, emla pokanto.

POBENG BINAM 11:8

“Depeila siloke ngokke lulígnam tabung sim nolu igelangka. Depe imílo, Jordanem koola noluke yébompeko asi-among delo gípe nolu ralnam kayé delokke deme yébomlayé.

POBENG BINAM 12:32

“Ngokke lulígnam takam sim nolu igelangka. So abídyang laalíkmapeka, delokke laapakpete mapeka.”

POBENG BINAM 28:14

Ngokke siloke lulígnam arasok nolu angukon uyu kídíem ipak ila, leképe demangkom lebíkpe gípatsula atel koteng ipéésula imapeka.”

POBENG BINAM 29:8

Ngolu buluke amongem laala deme Reuben kídí emla Gad kídíem delokke Manassehke opín arotkonem orlíkto.

POBENG BINAM 29:9

Noluke ato-siro agér-anam iko tabunglo ai-kamporudope, nolu daapong sokke ayon kídíem ansula bomgaplangka.

POBENG BINAM 31:7

Delo Mosibí Joshuame Israel ami takam keralo tomala poto, “Aapí-aange rallangka, delokke miga-miramlangka. Kapeila Ruutum bí ingkona amongem buluke buku kídílo bipe emla togesutodí, delo among delo ami kídar sim no gíabope aido, delokke asi-among deme buluke yége-dagge supenam legape bulume orpan subipe aiyé.

POBENG BINAM 4:2

Ngokke lulígnam kídílo atí itemmapeka delokke atíyang koteng ipakmapeka. Ngokke nolum binam Ruutum noluke Shédíke lulígem nolu tatla igelangka.

POBENG BINAM 5:32

“Depeila Ruutum noluke Shédíke nolume lulígnam kídíem ansula igelangka; dekedem korboola lakképe demangkom lakbíkpe gímapeka.

JOSHUA 1:1

Ruutum me agér ibina Mosike sirongem, Mosime igulna Nun ke oo Joshuame Ruutumbí poto,

JOSHUA 1:8

Noluke kumsuko takamlo, ayon kitap sime pori ayardope mínggap gelangka. Sime longe yohpe pori ayarlangka, delokke ayon kitap so atnam takamem atel koteng mepakmape, iyar gedope mínggap gelangka. Depe imílo noluke gítí-yétínglo, nolu ai-kampola arda bosuyé.

JOSHUA 1:9

Aapíe edíírupe mínggapla míídíí sulangka emla ngokke lulík namem míípa sulangka. No ingkolo yégoyédí, deke takamlo Ruutum nokke Shédí ngo, nokkíng yémín gedung, depeila no aapíe amé mapeka delokke pesomapeka.”

JOSHUA 11:15

Ruutum bí bíkke agérem ibina Mosime políkto. Mosi bí Joshuame poyan sulíkto. Dekedem Joshua bí igeto. Mosike teyolo Ruutum ke políknam agér atel koteng iakmape, ato takamem Joshua bí apíírupe ipíng líkto.

JOSHUA 23:6

Depeila Mosike ayon kitablo atnam kídíem aipakpe ansu bomdola igap gelangka. Deke delokke ayon atel koteng igemape imapeka.