JOSHUA 1:5 - DEENA BAIBÉL (BSI)

⁵ Joshua nokke turdu tetedem, sékokom nome ikummayé. Mosi kelo ngo kape kísa yémín getodí, delok kísa nokkíng ngo duumín geyé. Nom ngo edílokom mepak sumayé, delokke nokkíng agínpe ngo yéyar mínyé.

JOSHUA 1:5 Iomraidhean Croise

KEYUM KERO 39:2

Ruutum bí Joseph kelo yémín gela bí edíí-sirípe ilento, delokke bíkke Ijipt lokke ruutum ekumlo bí duuto.

1 ROJA KÍDÍ 1:37

Ruutum bí kapekísa ngokke ruutum roja nokkíng yémín getodí, dem pemílo pakyape Solomon kíng bí yémín gela bíkke roja palengem, ngokke ruutum roja nom pemílo pakyape edíímodakyika.”

1 ROJA KÍDÍ 11:38

No airupe ngok agom-aangem tatbiyémílo, ngok ayon lok yéyémílo delokke ngom agér ibina Dabid ke ségu pakpe ngokke lulígem aipakpe tatbila ngome arope míímoyémílo, nokkíng ngo agínpe yémín geyé. Nom ngo Israel ke rojape imola, Dabid ke teyolo kape kísa ngo itodí, dekepe nok amíllok lenna oten siirek loope Israelke rojape iyardope ngo ibiyé.

1 ROJA KÍDÍ 6:13

Ngo ngokke Israel ami kídí aralo yémín gela nokke Kumkeng Ekum mobom duunam so ngo duuyé, delokke ngo edílote ngok ami kídíem mepakmayé.”

1 ROJA KÍDÍ 8:57

Ngoluke neku-buku kídí teyolo kape kísa bí yémín getodí delok kísape Ruutum ngoluke Shédíbí ngoluke teyolokom yémín gelangka. Bí ngolum mepaksula demangkom ngolu kelok mooteng kumapeka.

1 ODONG 28:20

Dabid roja bíkke oo Solomonme poto, “Aapíe edíílangka, delokke mínggaplangka. Agérem ilenlangka, delokke ingkuemteng itum kosumapeka. Ngokke agér gérbinam Ruutum Shédíbí nokkíng yémín geyé. Bí nom mepakmayé, idola bíkke Kumkeng Ekumlo nokke agér ipenamem iyindo loope nokkíng duumín geyé.

MIRILUNGGU 46:11

Ruutum bí ngolukíng dung; Jakobke Shédí bí ngoluke duusi sukenge.

GÍLEN KUNAM 3:12

Shédí poyansuto, “Ngo nokkíng yémín geyé, ngo nom melíkdung emla lengkan nana iyode: Ijipt lok no ami kídíem laalen rongkuem so dííte so no Shédíme kumsuyé.”

ISAIAH 42:16

Migmana kídíke kénkímangko, bedalok ngo bulum gíboyé. Buluke kerang-keralo, kaamuem angunpe ngo ige bola, delokke kobung-korung amongem gípo dope iboyé. Sikesi ngokke iyé emla toge suname, delokke ngo dekedem iram mape iyé.

JEREMIAH 1:8

Bulum atí pesomapeka, kapeila ngo nokkíng yémín geyé, delokke nome mopítyé, emla Ruutum podung.”

DANIEL 11:16

Mimak magaana Siria amide bíkke míínampe bulume iyé, delokke bím atí dakka sulana kamayé. Bí Pébisunam Among delo edíípe duulíkyé, delokke takamde bík ralnam aralo duuyé.

MATI 28:20

delokke bulum ngokke ngiitom tomnam takamem luyilla, ige molangka. Delokke berokrupe ngo nolukíng yéyin longelope duuyar mínyé.”

PAULKE ROMKÍDÍLO ATNAM SITHIE 8:31

Demílo, sim tatla ingkuem ngolu poyansupe! Shédí bí ngolukepe idumílo, séko ngolum míílo laayéne?

PAULKE ROMKÍDÍLO ATNAM SITHIE 8:37

Demang, so atí takamso ngolum ayana bíkkelok ngolu apíípe ikumdung.

POBENG BINAM 20:1

“Edílo noluke miruem mimak imínsupe emla noluke gílen yém, nolu miru lokke guré kídíem, gaari kídíem delokke nolum pemílo bojéyape maglíng kídíem kaayédí, delo nolu pesomapeka. Kapeila, nolum Ijiptlok laalenkuna Ruutum noluke Shédíbí, nolukíng yémín geyé.

POBENG BINAM 20:4

Kapeila Ruutum noluke Shédíbí nolukíng gímín gela noluke miruem, noluke legape mimak momínsula, nolum ikumboyé.’

POBENG BINAM 31:23

Nunke oo Joshuame Ruutum bí sime lulígto, “No aapí-aange ralla miga-miramlangka. Buluke keralo pésula among biyé emla ngokke togesunam among delo, no Israel kídíem gíbolangka, delokke ngo agísuete nokkíng yémín geyé.”

POBENG BINAM 4:31

bí asampe ayana Shédíko, bí nolum mepakmayé, demangkom nyokmomayé. Noluke buku kídílo bíkke daapong ibosula pésulíknam dem bí kényimape imayé.

POBENG BINAM 7:24

Buluke roja kídíem noluke alag aralo bí melígyé. Nolu bulume mokala, taleng rumkíng so buluke amíne kaimadope iyé. Noluke mirolpe sékote ilana kamayé. Bulum takamem nolu nyokyinmoyé.

2 TIMOTHI 4:17

Idakkom Shédí bí ngokke danpe ralto delokke ngokkelok takam Mipak ami kídíe taddope ngiitomem pogoo dope ngom tolnamem bito. Delokke ngom sipe kolokke mosiitoku.

HIBRU 13:5

Panggang dogang mílílo míítí mapeka, delokke nolu ingkuem paadudí delo ashépe míírísula yélangka kapeila Shédí bí sikepe pobitung, “Edílokom nom ngo mepakmayé, edílokom nom ngo melutmayé.”

JOSHUA 1:17

Ngolu Mosike agom-aangem kape kísa tattodí, delok kísape nokke agom-aangemte tatyé. Mosike teyolo kape kísa Ruutum nokke Shédíbí katodí, deke kísape nokkíng bí yéyar míndak langka.

JOSHUA 1:9

Aapíe edíírupe mínggapla míídíí sulangka emla ngokke lulík namem míípa sulangka. No ingkolo yégoyédí, deke takamlo Ruutum nokke Shédí ngo, nokkíng yémín gedung, depeila no aapíe amé mapeka delokke pesomapeka.”

JOSHUA 10:8

Ruutum bí Joshuame poto, “Bulume atí pesomapeka. Bulu sékote nok keralo dakka sulamayé, kapeila nok alag aralo ngo bulume rulígto.”

JOSHUA 21:44

Buluke buku kídílo togesunam adupe Ruutum bí buluke aapí-aangem eetet moto. Buluke miru kídar teyolo Ruutum bí bulum ikum moyin kolok, buluke miru kídí arang lok sékoteng mirolpe rollen lamato.

JOSHUA 3:7

Ruutum bí Joshuame poto, “Ngo Mosi kíng kape kísa yémín getuadí, dekepe nokkíng ngo yémín gedung emla, ami takame kéndope, Israelke amig keralo nome ngo silo botterupena amikope kaadope ikanbiyé.

JOSHUA 6:27

Dekepe Ruutum bí Joshua kíng duumín gela, bíkke miram amíne among takamlo gíyin gooto.

KEBANG RUUTUM KÍDÍ 2:18

Ruutum bí, kebang ruutum kídílo yémín gela kebang ruutum kídíke turdu tetedem bulume miru kídíke alaglok mopítto. Kapeila bulume tujét-saayétla yébona miru kídíke aralo bulu adír along gela ankí-kítíto. Depeila buluke teyolo Ruutum bí ayasutoku.

KEBANG RUUTUM KÍDÍ 6:16

Ruutum bí poyansuto, “Ngo nokkíng yémín geyé. Midum atelem petnam kísa Midian kídíem no petyinyé.”

1 SAMUEL 10:7

Sike iyod kídí si edílodín nokkíng iyéne, Shédíke pokorpe takam atoem ilangka.