JEMS 5:7 - DEENA BAIBÉL (BSI)

⁷ Demílo bíro kídía, Ruutumke angkuma tetengem donggap getoka. Kénsu langka, arík inekom aríklok aina ali ayé lenpenam legape edítko gédí donggup pedong legape yémgapla toyadun!

JEMS 5:7 Iomraidhean Croise

JEREMIAH 5:24

Bulu buluke aapílo edílokom, ‘Toodí yamolo amli aranem idope, asi-asarem moodíem kadope, ruyar bina Ruutum ngoluke Shédíme pesola bíkke lottalo yélaju,’ emla pobosukímang.

HOSIA 6:3

Kaju ngolu Ruutum me kénpe mííyar langkuju. Roh doonyi arsang kísa bí ngolukíng aayérung, gédí ponggoke pedonge ola kédéngem asi balnam kísape, bí aayérungku.”

JOEL 2:23

“E Jayonke ami kídía, ashéng langkuka; kapeila bí nolum kaabom dola, pedongem lobolo omoyéku, delokke dígín-díyupe pedong moodíeme kayar moyéku.

JEKHARIAH 10:1

Gédí-ponggolo pedong odope Ruutum kíng kumlangka; Ruutum bímin doomugem kamola amoso pedongem tani takamlo omola, delokke arík-anam lokke neyi-neyang kídíem yayingmone.

MATI 16:27

Legade Tanike Ue bíkke teyong kotoki kídíem yébosula bíkke Abuke angun ralnamlo aadak kubong delokke delomin mipilem mipil ikorlok amanem biyékune,

MATI 16:28

Ngo nolum aropakpe podung, so dakna ayokone Tanike Ue bíkke amolo aadokupe kaasuma tetengem simape duune kayé.”

MATI 24:27

Legade sanggo danlok yaarie latyémílo uadan lokom píídung, deke kísape Tanike Ue aadakkuem iyé.

MATI 24:44

Dekepe iname nolu leemosula duuperung aido, kapeila Tanike Ue noluke míínam sudímang moodílo angkupeke.

LUKKE ATNAM TATPONA DOOYINGE 18:8

Nolum ngo podung, bí buluke jonnam agérem menape kaabiyé. Depe idokom Tanike Ue pííyém, bí tani amoso míngkengem paayékudí?”

LUKKE ATNAM TATPONA DOOYINGE 21:27

Depe iduem Tanike Uem ralnamrupe delokke erkí gedope doomuglok aadakkupe bulu kaapayé.

LUKKE ATNAM TATPONA DOOYINGE 8:15

Idola moone kédelo olíknade agomem talla aapí arolok mínggap bomla, ardape ayém ééna kídíe.

JOAN 21:22

Jisu bí bím pobito, “Ngokke angkumang tetengem bí turla duupo yépe emla ngo míímílo de nokkepe ingkokone? Ngokkíng gímín gelangka!”

JOAN 21:23

Sok legalok, bíro kídí aralo si luyilsuna si siyi mayé nayike emla agom agome lento. Idokom Jisu bí bím siyimayé emmangai; “Ngo bím ngokke aalat kumangem turla duuyépe emla míímílo, de nokkepe ingko kone?” emlamin bí potone.

PAULKE ROMKÍDÍLO ATNAM SITHIE 15:4

Legade yémgap loklang Dooying kitab lokke luír poír kolok ngolu míínam sunamem paadope emla kerape atnam takam dem ngolum luyil poyilnape attung.

PAULKE ROMKÍDÍLO ATNAM SITHIE 2:7

Aina agérem mínggapla ila angun ralnamem míngge namem delokke nyokyi manamem matana kídíem turyar namem biyé.

1 KORINTH 1:7

Delok legape lengkan kupenam Ruutum Jisu Kristome nolu erappe toyala duuname nolu aid amanlo píírammang.

GALATIA 5:5

Idola míngke sukolok ngolu ernam rupe aidlok yéjiinamem paayé emla míínamsula toyala dung.

GALATIA 6:9

Ngolu aina agérem loobak mamílo, moodí arolo ngolu aliem paasuyéku.

POBENG BINAM 11:14

bí dígín-díyu lolang gédí-ponggolo noluke among delo pedong omola, nolu ali-ayém, asi-apongem, olib télem gaipe isi-sasidope imoyé.

KOLOSIA 1:11

Nolu takam pauarlok, depe emnamde nolu jémduk gela edíírupe donggap dola, ashéla

1 THESALONIKA 1:3

Noluke míngkelok lenna agérem, noluke ayanglok ankípe ingéé sunamem delokke ngoluke Ruutum Jisu Kristokelo míínam sunamlok erappe donggap namem, ngoluke Shédí delokke Abuke keralo míípang suyardung.

1 THESALONIKA 2:19

Kapeila, Ruutum Jisuke aadokulo bík keralo ngoluk míínam sunam, ashéng demangkom erbom bomkeng ngoluke angun dumblube ingkueda? De nolu manía?

1 THESALONIKA 3:13

Ngoluke Ruutum Jisu bí bíkke deena opéé em aabola aayékuem ngoluke Shédí delokke Abuke keralo deenape delokke imem kamape yédope emla noluke aangem bí ralmo daklangka.

HIBRU 6:15

Delokrongem yémgapla toyaname bí pébisunamem paato.

JEMS 4:11

Bírokídía, lukaa bosu mapeka. Séko akonem lukang luyééla demang kom bím bisar dudí de amide ayonem aksudung delokke bisar idung. No edílo ayonem bisar dudí, dem igena amipe imang, idola bisarna amipemin idune.

JEMS 5:10

Bíro kídara, adírduem luyii sunape, Ruutumke agomem pogebina, kaalu kangorna kídíke jémgap genamem míngkítoka.

JEMS 5:3

Noluke uun areme ínpakdung. Buluke ínnamdei nolum lengkan sudung delokke eme kísape noluke adínem dodung. Nolu yéyin longe kepemin sérangem mekumtune.

2 PITOR 3:4

Bulu sikepe luyé, “Ingkolodí bíkke pébisunam angkuname? Ngoluke abukídíe sinyogoo kabong, pílen ballendak delokke ila takam atíe akampe dung.”