JEMS 4:4 - DEENA BAIBÉL (BSI)

⁴ Míngke pííramna amikídía, tani amosokke angong arumde Shédíkelo mirue, dem kénmanía? Séko bulu tani gíída sokke angong arumem mííbadudí bí Shédíke mirupe ine.

JEMS 4:4 Iomraidhean Croise

KEYUM KERO 3:15

“Ngo mime sokkelang nok pénsamlo, delokke nok otíng-oyin lolang, mime sokke otíng-oyinlo mirupe imoyé. Bí nom dumponglok itjépyé, delokke no bím ledulok payé.”

MIRILUNGGU 21:8

Rojade bíkke miru takamem umyé; bím kangkina takamem bí umyé;

MIRILUNGGU 50:18

Doppyona kaanam takamem no angong ipe míídung, delokke abír ina kídílo yébosudung.”

MIRILUNGGU 73:27

Kaalangka, nokkelok mootena kídíe berokpe nyokyéku; nom míngkesumana kídíem no petyinyéku.

ISAIAH 57:3

Idola moya-montrong ina, abír-ayo, delokke notiipe ina kídíke ome-oo kídí nolu, kebang kerang so aalangka.

JEREMIAH 2:2

“Jirusalem ami takamke tatkolo, gíla sim polangka: Nokke mimum koope idungem, no ngome arorup míngkesula, ngonyike nyamram ití-igo delo nokke ngome yagorupe mííbomla, atí-sirí lelíkmangko amolok, delokke yépol mooruklo, ngokkíng gímín genamem, ngo míípasudung.

JEREMIAH 9:2

Ah! ngo yépol mooruk amolo ippoko kaduamílo, ngok ami kídílok gínyokgela dunyok geduape. Kapeila bulu takam abír-ayo mílílo itígoola, míngkesumana milungeke.

EJEKIEL 16:32

Agí miloem míísumape mibo-miyingem míílatla abír ibosuna mime kísa no inako.

HOSIA 3:1

Ruutum bí ngome, “Gílangkula, notiipe ila akonem míítí bosuna nokke mimedem no laalang kula, nokke ayangem bím lengkan langkuka. Kapekísa Ruutum bí, angukon uyu kídílo míítí bosula, erengna onggur ayéme mimanglo ipak líkgoolate Israel kídíem ayadudí dekepe nokom, nokke mimeme ayang langkuka,” emla lulígdo.

MATI 12:39

Bí poyansukai, “Mirul amielang abír ina siirume irisinyo iyodem matadunía! Idakkom Kaaluna Miri Jonahme binam iyod kékonlo séko mekom iyod ibimayé.

MATI 16:4

Mirulna delokke abír ina siirume irisinyo iyodem matadung, idakkom séko mekom Jonahme iyod binam kékondelo iyod bimayé.” Jisu bí delo bulum megeyéla gítoku.

MATI 6:24

“Sékote ruutum annyi aralo agér ilamang. Bí akonem míímala delokke akonem mííyala iyérung, demangkom bí akondelo mínggapyé delokke akonem mepakyé. Nolu Shédí melang murkongem kumpe sulamang.

LUKKE ATNAM TATPONA DOOYINGE 19:27

Idokom buluke teyolo ngom roja imolímana mirukídíem so langaala ngokke keralo petpakto.’ ”

JOAN 15:19

Nolu tani among sokkepe ituamílo, si nolum agíke kísape ayasuyai. Idola nolu tani among kepe imang; idakkom ngomin nolum tani amosok tomlentune. Depe ilamin tani amonge nolum akdune.

JOAN 17:14

Nokke agomem ngo bulum bito delokke tani amonge bulum kangkito. Legade, ngo kape kísa tani among sokke mape idudí dekepe bulukom tani among sokke yimang.

JOAN 7:7

Tani amonge nolum belum mang, idola ngom belumdung kapeila sokke atímana agér inamem ngo hakii bidung.

PAULKE ROMKÍDÍLO ATNAM SITHIE 5:10

Kapeila, Shédíke mirupe idungem, bíkke Oolokke sinamlok ngolum bíkkíng laadum sutung kumílo, laadum supala, bíkke turnamlok edítko ngolu turyékun!

PAULKE ROMKÍDÍLO ATNAM SITHIE 8:7

paab aapíde Shédíkelo mirupe idung. Si Shédíke ayonlo tolík pete sumang demangkom dekepe ipete ilamang.

1 KORINTH 1:20

Ingkolo kénna tanie? Ingkolo atjiibone? Ingkolo so longeso pokor poor bolane? Tani among sokke kénnamem Shédí bí mide dope ruumanía?

1 KORINTH 1:21

Legade Shédíke kénnamem tani among kénnam sulok bím kénpímang iname, arope míína kídílo turdo kupe emla pogoo binam tani amosokke gompak agom memin Shédíme míípo motungkune.

GALATIA 1:10

Ngo supak tanike mííbang penam amiemía, Shédíke mííba namemía matadune? Demangkom ngo taniem mííyum sumope emlangía idune? Ngo taniem ashéyépe emla idung tetemílo, ngo Kristoke bééramang.

JEMS 1:27

Ngoluke Abu Shédíke tonam, imem kamana aropak dormode si: opan kuem delokke meyéng kídíem buluke arééduem kanggul igul namde delokke agísuem tani adín yénam lokke mosing sunamde.