JEMS 3:9 - DEENA BAIBÉL (BSI)

⁹ Ayo soge ngolu ngoluke Ruutum delokke Abume yidna ladung delokke sogei Shédíme gesudope pínam tani kídarem, ngolu pénadung.

JEMS 3:9 Iomraidhean Croise

KEYUM KERO 5:1

Simoko Adamke otíng-oyine. Edílo Shédíbí taniem pítodí delo tanime bí Shédíme gesudope pílento.

KEYUM KERO 9:6

Taniem Shédíme gesudope píto, depeila séko amiko mokayédí, bímkom amikone mokayéku.

2 SAMUEL 16:5

Edílo roja Dabid Bahurimlo píítodín, delo Saul ke ali-atod lok ako, Gera ke oo Shimei, bím kaaríksupe gílenla, bík teyolo béélíkdola aato.

2 SAMUEL 19:21

Jeruiah ke oo Abishai polento, “Shimei me petpe aiyé, kapeila bí Ruutum ke rojape ullen sunamem béélíkto.”

1 ODONG 29:10

Tabung kebang bampom delo Dabid roja Ruutumme yidgedola poto, “Ngoluke buku Jakobke Ruutum Shédía, nome agín keepelang agínpe yidyar gedaklangka!

1 ODONG 29:20

Delokrongem Dabid bamdumsuna dem poto, “Ruutum noluke Shédíme yidgelangka!” Delo bampomde Ruutum buluke buku kídíke Shédíme yidgeto, delo bulu tabunge gubadola Ruutum melang roja emteng mínggeto.

MIRILUNGGU 10:7

Bíkke nappadelo béénam rolname melí-yaddonge delokke iríde bíísétdung; bí belumnam agom lukolo aabandung.

MIRILUNGGU 108:1

E Shédía, ngo apíípe míídíísudung, ngo miri lula nom rínggeyé! Ngokke aidem uttoika.

MIRILUNGGU 145:1

Ngokke Shédí, delokke Roja nokke bottena amínem ngolu pogong geyé; ngo nom agínpe yidyaryé.

MIRILUNGGU 145:21

Ngo agínpe Ruutum me rínggeyé, bíkke pílennam turna atí takame, bíkke deena amínem agínpe ríngge daklangka.

MIRILUNGGU 16:9

Delok legape ngokke aangsi ashédung, delokke ngokke aapí si erdung; ngo edíírupe míísu dung.

MIRILUNGGU 30:12

Dekepe ila ngo asoope duumayé; ngo nom rínggeyéku E Ruutum, no ngokke Shédíe, ngo nom agínpe yidgeyé.

MIRILUNGGU 34:1

Ngo Ruutum bím rego takamlo koyityé, ngo meyimape bím rínggeyé.

MIRILUNGGU 35:28

Delokrongem ngo nokke aronamem pogeyé, delokke loodíke ngo nom rínggeyé.

MIRILUNGGU 51:14

E Shédía, ngokke turkeng Shédía, apmem-pamem pekolokke ngom mopít toika, delo ngo nokke deena agérem pogong geyé.

MIRILUNGGU 57:8

Ngokke aide gereplangka! Ngokke tapung taode gereplangka! Ngo doonyiem utyé!

MIRILUNGGU 59:12

Paabde buluke nappalo duusudung, buluke agom takamde paabsue; agíem kekímpe míísukolo bulu olík sudaklangka.

MIRILUNGGU 62:4

Nolu bím edíípe mííbomnam amolokke laayikupe emla míídung; nolu menam lunamem lungampe míítídung. Nolu teyonglok lubéé em ludung, idola noluk aange bím béédung.

MIRILUNGGU 63:4

Ngokke turdung tetedem ngo nom yidgeyé; ngokke alage lengondola nom kumyé.

MIRILUNGGU 71:24

Delo ngo nokke aina igulem loodípe pogeyé, kapeila ngom míílo aabomna kídídem no ikumto, delokke annying sumoto.

NGIILU TUUNA 7:22

Kapeila nokom amiem bojéko lupu-luléto emla agíe kénsudung.

ISAIAH 29:13

Ruutum bí podung, “Si ami kídar si ngome kumsukape aadung, idola buluke agom-aange are kamang. Bulu nappang petom lok yidgedung, delokke buluke aapí-aange ngokke lok mooteng dung. Buluke ngome kumsunamde abídmang, tanike idong-iyon ségu mílíeke.

MATI 26:74

Delokrongem bí agíem pélík sudola buluke keralo poto, “Ngo dem amidem kénmarung!” Dekepe idopagem peroge kokkai.

MATI 5:44

Idakkom ngo nolum podung; nokke miruem ayalangka delokke nolum iréénem kumbi langka,

TOMLÍKNAM 2:26

Delok legape ngokke ainasi ashédung delokke ngokke amíl site míínam sukolo duuyé.

PAULKE ROMKÍDÍLO ATNAM SITHIE 3:14

Buluke nappade béénam rolnam mílípe idung.

1 KORINTH 11:7

Milode dumpong tungkom supemane; kapei la bí Shédíke mimange delokke angun ralname.

EPHESIA 1:3

Kristokíng mipíem Shédíke yétalo aid amanlok ayang igul bina ngoluke Ruutum Jisu Kristoke Abu, Shédíme yidge daklangka.

JEMS 1:27

Ngoluke Abu Shédíke tonam, imem kamana aropak dormode si: opan kuem delokke meyéng kídíem buluke arééduem kanggul igul namde delokke agísuem tani adín yénam lokke mosing sunamde.

JEMS 3:10

Nappang atelruu sok yidnam elang péname lendung. Ngokke bíro kídía depe ibo sumapeka.

1 PITOR 1:3

Kaju ngoluke Ruutum Jisu Kristoke Abu Shédíme yidlaju. Kapeila bíkke bottena yaasam ayalok Jisu Kristome sikolok gerep molangkula bí ngolum aní turnamem bitung. Si ngolukíng are kana mííbom namem apíí modung,

KEBANG RUUTUM KÍDÍ 9:27

Buluke ríkséng kídílo bulu gíla, onggur ayém pílla, deke delok apong ila, buluke uyu kumpom delo adeng-apeko ito. Buluke dekepe tííla dola idungem, bulu Abimelekme lupu luléto.