JEMS 3:6 - DEENA BAIBÉL (BSI)

⁶ Ayo sikom eme kísadung, amíl olesokke ayosi tani amoso piyyang lerínge. Si tani niiposim ibulbone turnam yékorem emelo melíkbone, delokke agísue doorum líísam amolo emepe rompak kosupene.

JEMS 3:6 Iomraidhean Croise

2 SAMUEL 16:20

Absalom Ahithopel me poto, “Supak íngkona agérko idope no ngolum poyilyéne?”

2 SAMUEL 19:43

Israel ami kídíe emyansuto, “Ngolu rojalo tarong íyingko kadung; delokke kékon loteng, nolum pemílo Dabid ke teyolo ngolu botteyape tobaadung. Kape nolu ngolum mepak yangkan? Roja em langa dokupe kerang-kerangpe pogene ngolumanía?” Idola tokér sukolo Judah lok ami kídíe Israel ami kídíem pemílo miga-miramyato.

2 ODONG 13:17

Abijah lang bíkke sipaying kídíde Israel ami kídardem ikum-ilila ila, gairuna sipayingem 500,000 ko petto.

MIRILUNGGU 140:3

Buluke ayode tabí kísape asum aar kadung; buluke agom de bítpyor asum aar kísadung.

MIRILUNGGU 64:3

Bulu agí ayuem yoksa ratna kísape ratmodung, delokke epuk ruunam kísape, kaníína agom pope emla ruubomdung.

NGIITOM SIRUNG 15:1

Remakpe poyan suname marlíngem remak modungku, idola tolnam agome utsamodung.

NGIITOM SIRUNG 16:27

Aimana amikídíe amiem atímape inamem matadung; buluke agom kídar dete atímana mílíe.

NGIITOM SIRUNG 6:19

menam hakii bimín sunam, delokke angong arum gooralo yényi yéso ilenbona ami kídíde.

NGIITOM SIRUNG 7:5

Bulu nom akon méngem imem supe kolokke, ponom lunomna mime lokke moote moyé.

ISAIAH 30:27

Kaatola mootenggam elo Ruutumke angun-abé ralnamem lengkankai. Bíkke marlílok emela míkkíe doomugpe ilenkai. Bík agome meyope gulenkai.

ISAIAH 50:11

Idola eme rína takam nolu, eme meru bomla rítí goona nolu, gítí gootola, noluke eme nolum gusu yéku. Ruutum bí agísue dekepe imoyé, nolu adír aloola anka suyéku.

JEREMIAH 20:10

Ngo deddína, “Bím ripot laju, migomlo ripot laju,” emla luru bosunam agomem tatpadung. Ngokke rego mipííso reyubname píídung. Ngokke ngoojung angong kídíete, ngokke olet namem kaatadung. “Bíme yatkup ladope, depe irongem bíme umla, ngoluke edoem bík teyolo ralaju,” emla bulu lubosudung.

JEREMIAH 28:16

Dekepeila Ruutum bí sipe podung: Nome tani among sokke laabín díkue píídak. No Ruutum ke mirupe ngiitom siggong kolok, sinyingke dítak araso no siyé.”

LEBITIKA 24:11

Depe lumín sudodem Ijipt abu kelang Israel ane lok onam ami de, Ruutum me bééla, lupu-luléto. Depeila bulu bíme Mosi kelo aaboto. (Ami delokke ane amíne Shelomith, bí Dan opín lokke Dibri ke ome.)

SANNAM 25:2

Mime kídíde bulum uyu ipak ila gíídí-siipe doman kolo tomla, bulu Moab kídí kelo domín-tíímín gela buluke uyuem kumsu bosuto.

SANNAM 31:16

Bulu mino Balaamke luyilem tatla Israel kídíem Ruutum ke kerang lok mooteng mokune. Depe Peorlo ikolok Ruutum ke ami kídí teyolo itung-iréngem paayin moto.

MATI 12:24

Idakkom Pharisi kídíde dem tayyédem bulu poto, “Si Biljebub, uyu ruutum lokmin Bí uyuem monpak nana ralnamem paatune.”

MATI 5:22

Idakkom ngo nolum podung, séko agí bíruem marmín suyédí bí kebang ikosuyé. Séko agí bíruem atí loorímang emyédí bím baane kebangke ajéng ikepe iyé. Idakkom séko ‘No mide yaoe!’ emyédí eme írko doorum líísam amolo ajéngem anggeyé.

MARK 7:15

Luyulokke tani aralo aanade ingkuete bím deema momang. Dem penem tani aapí aralokke, luyulo lenna demin taniem deema modune.”

LUKKE ATNAM TATPONA DOOYINGE 16:24

Dekepe iname bí Abrahamme poto, “Yayi Abraham, ngom ayatoyika delokke Lajarme bíkke lakkéngem asilo ningnyom pala ngokke ayuem reyiidope doodíem dílík motoka, kapeila ngo so mepomso mola ruimang.”

TOMLÍKNAM 20:30

Noluke araru sulokke ami kídíete luyilsuna kídíem agíkelo langkam supe emla aruem ibulne lenyé.

TOMLÍKNAM 5:3

Delo Pitor bí pokai, “Anania, kapeila Soitane nokke aapí aangem duubomla, nokke among konamlok nokke murkong paanam ayokonem agísukepe leesula, no Deena Aidem yaddune?

TOMLÍKNAM 6:13

Bulu menam hakiiem lengkanto, delokke sikepe pokuubito, “Si ami si deena Kumkeng Ekum emlang ayonem popéé sumape agom pomadí kamang.

POBENG BINAM 13:6

“Nolu lang noluke buku kídíe kumkímanam uyuem kumsudope noluke aralo, bírokone demangkom noluke mííbosunam mime demangkom noluke ue demangkom ome demangkom ngojung rekkide nolum lunom-ponomla idagakom,

TITON 1:11

Bulum lutum rungkupe aido, kapeila agí panggang dogalok buluke pope manam atíem poyilla bulu buluke ekum erang tabungem nyokmodak.

JEMS 2:7

Nolum bitonam aina amínem bulu atímape lugene nolu dem kénsu manía?

JEMS 3:7

Takam angu angu simon sili, kebung pettang, tabí tayo, delokke asilo turna atí takamem tanie yébolado

2 PITOR 3:3

Kerayalumpe, nolu sim kénsurupe aido, depe emnamde yéyin longe telo ngiléé solééna amikídíe ngiléé solééla, agíke atímana paab aapí míídulok yéne lenyé.

3 JOAN 1:10

Dekepe ila ngo aayémílo, ngo bí ingkuem idudí dem tatkípe, ngoluke teyolo luge poge mílílo idung emdung. Delo lurí porí petemang bí bíro kídíem aipe torík irík sutomang. Bí kaarík lurík supe namemte imato delokke depe inakídíe mondoli lokke megéé dungku.

BEROK BINAM 12:9

Dragonem elpak letto, de konnying mennyingke tabípe ina, tani among tabungem yadnyokna Uyue demangkom Soitan embomname. Bímlang delokke bíkke lekope bíkke kotoki kídíem tani among teyoso geletto.

BEROK BINAM 13:14

Kerangke monkír adumpe bím irisinyo iyod ilanana pauarem bikolok bí amoso duuna ami kídíem yatto. Yoksalok tarí paketnam idola turla duuna kerangke monkírdem míngge nape bí bulum mimangko modope lulíkto.

BEROK BINAM 18:23

Meru angune nokkelo lekoda edílokom angun yimayé. Duune makbo agom nokkelo edílokom tatpang yimayé. Nokke pesikoret inakídíde tani amosokke bottena amiekíai. Nokke jadu montrong agomlok takam opín kídíem gínyokboto.”

BEROK BINAM 19:20

Idakkom monkírdem umto, delokke bíkke lekope bíkkepe irisinyo iyod ibona mena kotokidem umtaksuto. Sok irisinyo sokmin monkír lokke soktam gena kídíem delokke monkír lokke mimangem kumsuna kídíem bí yadnatone. Annyidem turdope salparlok eme dorna mepomlo yoplíkto.