JEMS 3:2 - DEENA BAIBÉL (BSI)

² Ngolu takam angu angu bedalo imem sudung. Akone bíkke agom pokolo edílote pomem kamang emmílo bí aropakna tanie, bí agí amílem aipakpe mosing sulayé.

JEMS 3:2 Iomraidhean Croise

1 ROJA KÍDÍ 8:46

Edílo nok ami kídíe nome kangkidope paab iyédí, delokke midum atelkoteng paab imana kamayédí, delokke buluke dekena paab legape no marla bulum itung-irédope miru alaglo no ruulíkla; delo miru kídíde bulum abílpe kénpíng yimanam amonglo umbomlangkula iyédí,

2 ODONG 6:36

Edílo ami kídíe nome ipusilééla paab agér imana atel koteng kaimape iyédín, delo no bulum marbomla takamem miru alaglo bilíkyé. Delo bulum miru kídare umla bomnyok yéku.

JOBKE KITABE 15:13

No Shédíme marbomdung, delokke bím mepakdung.

MIRILUNGGU 34:13

Demílo atímana agom ponam delokke menam yadnamem melangka.

MIRILUNGGU 39:1

Ngo poto, “Ngokke yédu-yébyang tabunglo ansula yéyé, atímana ami kídí dagguyém, ngokke paab nappasim pomem sumomayé.”

NGIITOM SIRUNG 10:19

No edítko pobyan suyédí dekeko pomem sudung. Nolu kénsuna tanipe idu mílo tatbumla duuyé.

NGIITOM SIRUNG 13:3

No ingkuem podudí dem ansulangka, delokke agí yénamem mosing sulangka. Podu-poyu kénsumape pona amie agíem pokat sudung.

NGIITOM SIRUNG 20:9

Séko ngok aapíe berokdung, delo paabe essangkaku emla polayén?

NGIITOM SIRUNG 21:23

No ebínla yélímamílo, no ingkuem podudí dem ansula polangka.

NGIILU TUUNA 7:20

Tani among so deenamrupe yéla paab kamana ami atel kokom kamang.

ISAIAH 64:6

Ngolu takame deemana amipe iyinkai. Ngoluke deena agér tabung dete, belumnam ege yana kísa idung. Ngolu anne sanna kísa idung, delokke ngoluke paabe asar kísa ngolume mutpak dung.

LEBITIKA 13:39

miride dekedem kangípe aiyé. De alop kídíde aro-sirope yasimayé mílo de emmumna abuk lensuname; iname de amide deedung.

MATI 12:34

Nolu tabí opín kídía kape kísa nolu agíe atímape inade aina agomko pokényéne? Legade aapí ainalok míngat emmin nappalok polendune.

MATI 12:37

Legade noluk agomsulok nolum mesam biyé, delokke noluke agomsulok nolum ajéng iyé.”

PAULKE ROMKÍDÍLO ATNAM SITHIE 3:10

Dooying kitabe podung: “Sékoteng tanie deena kamang.

PAULKE ROMKÍDÍLO ATNAM SITHIE 7:21

Dekepe iname si ayon si sikepe agér gérdung: ngo aina atíko ipe emla míímílo, atímane delopak ngokkíng yémíndung.

1 KORINTH 9:27

Idakkom ngokke dooyingem angulo pogoo rongem, ngo agíe agí amílem mogíbsula agí abílpe mesudung, delo ngo agíe amanem paabamape imayé.

GALATIA 3:22

Idakkom Dooying kitabe podung tani among tabuu si paab lokke patek gooralo duuyindung, dekepe iname pébisunam amandem Jisume arope míngkesuna kídílo bidope itung.

GALATIA 5:17

Kapeila adín lokke akorde Aid akorlo gyabmang, delokke Aid lokke deteng adín akorlo gyabmang. Bínyi akmín sudung depe iname no ingkuem ipe míídudí dem ila momang.

KOLOSIA 1:28

Depe iname ngo Kristome mipillo pogoodung. Ngolu mipilem Kristokelo milo aro dokupe emla mipilem kénnamlok poyildung delokke lurat poratdung.

KOLOSIA 4:12

Noluke aralokke akon delokke Kristo Jisuke béérangkon, Epaphra bí salamem bidung. Bí agínpe noluke legape noluke míínamem paayé emla berokdope delokke kénbee sula, Shédíke míínamlo edíípe yégapdope kumnamem yébom sudung.

HIBRU 13:21

bíkke mínggíngem inadope aina agér legape takam, delokke Jisu Kristo kelok ingkuem bí mííba dudí, dem agérdem ngoluke gooralo bí idak langka. Kristokíng angun ralname yépenam takamlope duuyar daklangka. Amen.

JEMS 1:26

Séko agíem dormo amiko emla míísudola, agí ayuem ségappe motum sumadudí bí agísuem yadsudung delokke bíkke dormode are kamang.

JEMS 1:4

Yémge namde berokrupe nolum peebemola atí pííram momadope apíí modung.

JEMS 2:10

Kapeila séko amie tabung ayonem bomdung idola legang atelkolok tupsu dudí bí ayonem ipéé sunam imemlo doodung.

1 PITOR 3:10

Legade, “Séko turnamem ayange emla míídudí delokke aina longem kaalídudí bí atímanam lokkemang menam yadnam agomlokke agí ayuem mosiisupe aido.

1 PITOR 5:10

Idakkom anyongoko noluke adír rongem, Kristoke lekope duuyarna angun ralnamem paabo sudope nolum tomlenna takam lokke yanggongem bina Shédí bí agíe nolum mosingyéku delokke nolum tolnam ralnamem bila apíí moyéku.