JEMS 3:13 - DEENA BAIBÉL (BSI)

¹³ Séko noluke aralo gyan kala milo arodudí? Bím bíkke aina yékorlok, míngíí bosudola agér gérnam gyanlok lengkan sumotoka.

JEMS 3:13 Iomraidhean Croise

GALATIA 5:23

remel delokke agíem mosiisunam. Sikesim akpena ayon kamang.

JEMS 3:17

Idakkom teyong telok tokna gyande kera yalumpe deenam; delokrongem dengepe yébo sulínam, míípe míngor, tolík ilík bosunam, apíípe yaasamnam delokrongem aina ayé éénam, leko aapí genam delokke jégapnam.

MATI 5:5

Dengomna kídíde gérne; kapeila bulu tani gíídangem ruutum bomyé!

KOLOSIA 3:12

Nolu Shédíke amie; bí nolum ayatung delokke nolum bí agíkepe ullen sutung. Demílo berokpe nolu aapílo ayang míípa sunam, ayang igul, remaknam remelnam delokke jémge namem duumope aido.

1 PITOR 2:12

Noluke mipak gooralo yéname sikepe aipe aido; depe emnamde edílo bulu nolum atí maneke emla gééyédí, bulum noluke aina agérem kangkén kosupe aido, delo dekepe Shédí bí aadíku longe lokom bím yidgeyé.

TITON 3:2

séko meteng iyaktope emla imapeka, aipe tatbo kénbo sulangka, delokke ami takamlo aapí remagem lengkan bolangka.

2 TIMOTHI 2:25

Séko bulu bím akdudí, bulum aiyope luyilla, aro kénnamlo gíbopena míílat sukunamem Shédí bí bulum biyé emla míínamsupe aido,

PHILIPIA 1:27

Depe epe ipekom nolu agísue Kristoke ngiitomem are kadope yélangka. Demílomin, ngokke aala nolum kaayém demangkom ngo duumape tatpít petompe idokom ngiitom lokke míngkengem lepong atellok midum atel kísape ikísula, aid atellok edíípe nolu yédope ngo kényéne.

1 TIMOTHI 6:11

Idakkom Shédíke amie sim takam sim dunggedung, idola yéjiiname, nyogapla yéname, míngkengem, ayangem, delokke remelem matadung.

JEMS 2:18

Idakkom akone, “No míngkeng kadung, delokke ngodan agérlok idung” emyépe. Ngom nokke ige manam míngkengem lengkantola delokke ngodan ngokke míngkengem nom agérlok lengkanyé.

1 PITOR 2:9

Idakkom kaamo lokke bíkke irisinyo angunlo tomlík kuna bím yidnamem nolu pokan kupena noludan roja miri attínge, deena opíne, Shédíke amieke.

JEMS 1:21

Delok legape pemek solekna aapíem delokke airumana atíem mepak sugeyéla, nolukelo binam nolum mosing kupena agomem aiyope torík sutoka.

NGIILU TUUNA 8:1

Ato-siroke legangem kénna ami petom demino kénsudune. Kénnam de bím ngilmodung, delokke mingmo kanyingem nyokmodung.

MIRILUNGGU 107:43

Ami aro kídíe sim atí kídí sim míngkípe aido; bulu Ruutumke duuyarna ayangem ankén daklangka.

1 TIMOTHI 4:12

No koo dungada emla amiem kaalo kosu mapeka, idakla agom pokolo, yédu daktoklo, ayanglo, míngkelo delokke deenamlo míngkesuna kídí kepe kaayii sukepe itoka.

2 KORINTH 10:1

Kristoke remag loklang remellok ngo, nolum kaayém “Pesogena” delokke mooteng yékuem “Miramna” Paul ngo nolum rogudung.

MATI 11:29

Nolu ngokke jungoliem getoka delokke ngokkelok kéntoka, kapeila ngo dengomnako delokke ainange remagnako, delo noluke aid legape duuno supekuem paayé.

JEMS 3:1

Ngokke bírokídíe, nolu alume poyilnape ipe emla míípe aimang, kapeila nolu kénsudung luyil poyilna ngoluke teyolo bisarem igapyé.

EPHESIA 4:2

Remagoope delokke remelope yélangka; ayanglok akone akonke egedem gebosula, jémgap bosu langka.

GALATIA 6:4

Mipile agí agérem kangkí kénkí supope aido. Demílomin agíke yidsu penam legangem matapene, dekom akonem luyiisula lupe aimang,

GALATIA 6:1

Bíro kídía, akonem paab imemdope kaayémílo, nolu aidlok yéna kídíe aiyope bím mosing tokuka. Idakkom agísuem ansulangka, demamílo nolukom imemkolo olíkpelo.

2 KORINTH 8:24

Delok legape noluke angongem delokke ngoluke nolum yidnam legangem mondoli kídíe kaasu ladope so ami kídíem lengkan sulangka.

DANIEL 2:21

Bí moodí kídí emla gédí-ponggo kídíem ruutum bomdung; bí roja kídíem tomlenne, delokke laapakne; bímin kénnam gyan emlang mííjing aapíem ruubine.

MATI 21:5

“Jayon lokke Omem potoka, ‘Kaasutola noluke roje dengepe gado teyolo emnamde gado oo teyolo reesala, nolukíng aadakku.’ ”

JEPHANIAH 2:3

Among sokke aapí-aang remelna takam nolu, séko bulu bíkke lulígnam kídíem igedudí, Ruutum kelo míílat sula aatolangku. Aina agérem gérlangka, delokke Ruutum ke keralo remel langka. Depe imílo, nolu Ruutum ke marnamem lengkando longe delo nolu itung-irénamlok mopít sulate iyépe.

JEREMIAH 9:12

Delo ngo ííto, “Séko amieda sime kénla tatkényén? Sékomemda Ruutum no poyilla lega takam sim poge bilayé emla míídun? Kapei asi-among si rukla, sékote gíla yimadupe yépol mooruk kísape ikan?”

ISAIAH 61:1

Ruutum Shédíke Aide ngokkíng dung, kapeila opanlo tatpona ngiitomem sigdope, Ruutum bí ngom pídéto. Aapí míídírna kídíem ashéng dokupe, umnam kídíeme melen kunam agomem pokan bidope, delokke pateklo duuna kídíem, laalen dokupe;

MIRILUNGGU 149:4

Ruutum bí bíkke ami kídíem mííbadung; bí dengomnem ikumnamem bila mínggedung.

JOBKE KITABE 28:28

Tanime Shédí bí podung: “Ruutumme pesonamde gyane, delokke atímang kolok míílat sulangkula yékunamde kénname.”

SANNAM 12:3

Tani gíída sokke tani aralo Mosi bí remel yalumna amikuai.

1 PITOR 3:4

Dempenem, Shédí kelo are kanarung noluke aapí aang aralok nyokyi mana nyamne aro delokke remel aapí kamponape ipe aido.

1 KORINTH 6:5

Annyii sutoka. Noluke aralo míngkesuna kídí gooralo lumín manmín sunem kénnampe lutum itum bopena kalamanía?

MATI 7:24

“Delok legape ngokke sim agom kídar sim tatna mipíde delokke dekedem igenade lííreng teyolo ekum mojina kísadung.

JEREMIAH 9:23

Ruutum bí sipe ludung: “Mirem amie miremem, miga-miramna amie miramem, kénna-paana amie kénnamem míngkímsula mííte sumapeka.

ISAIAH 60:6

Sanam yimanam uut simon alunge, Midian lokla Ephah lok pííyé. Sheba lokkete alung abam rupe uun emla nampona arí kana kídíem gíala nokkíng aayé, bulu takam Ruutum me yidgela erkí geyinyé.

NGIILU TUUNA 8:5

Séko bíkke lulígem tatdudí, bíkkelo atímana atí kamayé. Kénna amide bím íngkí-luposudí moodíem, delokke séguem kéndung.

MIRILUNGGU 45:4

Kekímrupe, ikumdope aro emlang tetengem bomgapnape dareptola, nokke ralname botterupe nom ikumboyé.

MIRILUNGGU 25:9

Bí mínggíp sunem aina bedalok gíbola, bulum bíkke míínamem luyildung.

HIBRU 13:5

Panggang dogang mílílo míítí mapeka, delokke nolu ingkuem paadudí delo ashépe míírísula yélangka kapeila Shédí bí sikepe pobitung, “Edílokom nom ngo mepakmayé, edílokom nom ngo melutmayé.”

ISAIAH 29:19

Lekoda aapí remyakpe genelang opan arééne, Ruutum Israelke deena Shédíke binam ashéngem paayéku.

1 PITOR 1:15

Idakkom nolum tomna bí kape kísa deedudí dekepe noluke lunam inam takamlo nolukom deetoka;

MIRILUNGGU 122:8

Ngokke bíro kídí, delokke angong kídíke legape ngo Jirusalemme podung, “Yéponame nolukíng duudak langka!”