JEMS 2:9 - DEENA BAIBÉL (BSI)

⁹ Idakkom nolu míngu míírang aapíem lengkan dumílo, nolu paab idung delokke ayone nolum ayonem ipatsune emla géédung.

JEMS 2:9 Iomraidhean Croise

LEBITIKA 19:15

Deepítnam agérem ipat sumapeka. Aatí-opanem míípu-mííléla miremem mííbayala imapeka, noluke kumrí-donggongem kamporupe kelíng-kebang ibosulangka.

JOAN 16:8

Edílo bí pííyédí, delo bí tani amongem delokke bisarnam legangem kénsu moyéku.

JOAN 8:46

Noluke akone ngom paab imemto emla lengkan layénía? Ngo aruem nolum pobi dumílo, kapeila nolu ngom arope míímane?

JOAN 8:9

Depe iduem, tatna kídíe abíyalumne gíge langaala, atel atel gíyin kaku, delo Jisula mime petomde ito.

TOMLÍKNAM 10:34

Delokrongem Pitor bí polento, “Aropakpe Shédí bí míngu míírang aapí gemanako

PAULKE ROMKÍDÍLO ATNAM SITHIE 3:20

Delok legape ayonem bomgappe kolok bíkke keralo séko mete yéjiinako emmayé; dempenem ayon lokmin ngolu paabem iket sudune.

1 KORINTH 14:24

Idakkom míngke sumanako demangkom tatkén manako mipile polupoor agom podungem aado emmílo, bí paab nakuamai delokke takame bím bisar yéku emla kénsu moyéku,

GALATIA 2:19

Kapeila ngo Shédíkíng turkupe emla ngo ayonlok lento delokke ayonloi nyoklíkto.

POBENG BINAM 1:17

Kebanglo akonem míílumla, lungu-lurasumape, amé botte kaamape jonnampe lubilangka. Séko memkom pesomapeka, kapeila noluke kebang lubinamde Shédí keelokmin aadun. Noluke lula sumanam kebangko kayémílo ngokkíng bomalangka, dem ngo kebangem baabiyé.’

1 JOAN 3:4

Séko paab idudí bí ayonem betdung; arolok pomílo, paabde ayon kamane.

JUDA 1:15

Bí mipil miyongem bisaryéku delokke buluke deemanam bedalok deemana agér inam takamem ajéng iyan suyéku.”