JEMS 2:1 - DEENA BAIBÉL (BSI)

¹ Ngokke bíro kídía, ngoluke Ruutum Jisuke angun ralnamlo míngkesuna kídare, míngu míírang aapíem lengkan sumapeka.

JEMS 2:1 Iomraidhean Croise

2 ODONG 19:7

Ruutum me pesodola, ansula agérem gérlangka, kapeila Ruutum ngoluke Shédíbí míílum, mííbang, delokke sépsu-paasu laanam kídíem hakjém gelamang.”

NGIITOM SIRUNG 24:23

Gyankana amikídíe sikesimte potungai. Aapí píruko gedola bisar namde ipemaname.

NGIITOM SIRUNG 28:21

Míngu ingude imeme. Idakkom ayokon kebang amie ansoona bisup aman panggalok bisarem menamlok idung.

LEBITIKA 19:15

Deepítnam agérem ipat sumapeka. Aatí-opanem míípu-mííléla miremem mííbayala imapeka, noluke kumrí-donggongem kamporupe kelíng-kebang ibosulangka.

MATI 22:16

Bulu buluke luyilsuna kídíem Herodia kídíem lekope bíkkíng melíkto. Bulu pokai, “Babue, no Shédíke bedangem poyil bodung dem ngolu kéndung.

TOMLÍKNAM 10:34

Delokrongem Pitor bí polento, “Aropakpe Shédí bí míngu míírang aapí gemanako

TOMLÍKNAM 20:21

Míílat sulangkula Shédíkelo aalangkula Ruutum Jisukíng míngke sulangka emla ngo Judai kídí emlang delokke Grik kídídem pokanto.

TOMLÍKNAM 24:24

Longo longkéko doorongem Phelík bí Judai mime, bíkke méng Drusillame aabola aatoku. Bí Paulme tomdope melíkto delokke bí Kristo Jisume míngkesuna legangem pobonam Paulke agomem bí tatgapto.

TOMLÍKNAM 7:2

Sim Stephan bí poyansuto, “Abu bíro kídía, ngokke agomem tatgap bitola! Ngokke abu Abraham bí Haranlo duumang adape, bíkke Mesopotamialo duudung adape, bíkkíng Shédíke angun ralname aato.

PAULKE ROMKÍDÍLO ATNAM SITHIE 1:11

Nolu ralgedope ngo nolum aid amanem bidope emla ngo nolum kaalínge idung.

1 KORINTH 2:8

Dem atídem sok yérum sokke ruutum kídíe kénmato, kapeila bulu kéntuamílo, erkí genam Ruutumme pansaa mayai.

POBENG BINAM 1:17

Kebanglo akonem míílumla, lungu-lurasumape, amé botte kaamape jonnampe lubilangka. Séko memkom pesomapeka, kapeila noluke kebang lubinamde Shédí keelokmin aadun. Noluke lula sumanam kebangko kayémílo ngokkíng bomalangka, dem ngo kebangem baabiyé.’

POBENG BINAM 16:19

Bulu kelíng-kebangem lungu-lura sumape, pénsam raadalok deepít bilangka. Agíem reko sumapeka. Kapeila reko sunamde kénna-paanake amigem migma mola deena amike agom-aangem germodung.

KOLOSIA 1:4

kapeila ngolu noluke Kristokíng míngkengem delokke Shédíke ami kídíem ayanamem kéndung.

1 TIMOTHI 1:19

míngkengem bomgapdola delokke aapíe berokdola, aina mimagem inalangka. Ayokone dem agom kídardem tomang delokke dekepe ila buluke míngkengem nyokmo dungku.

1 TIMOTHI 5:21

Shédí kelang Jisu Kristoke delokke deena teyong kotokike kangkolo ngo nom pokeesula podung, sim depe epekom mííba yanam mííbang mayanam agom kamape, aabo aapílok imape, tetenglok bomgap langka.

TITON 1:1

Ngo Paul agí Shédíke pakbo delokke Jisu Kristo kelo Shédíke ullennam míngkeng delokke nyogapla yénamlo gíbona aro kénnam legape tomlíknam amie.

TITON 2:13

ngoluke míínam sunam ngoluke ashédíku Longem toyala duudungem angun ralnam kana bottena Shédí delokke Turmokuna Jisu Kristo bí lenyéku.

HIBRU 1:3

Oo si Shédíke angun ralnam asire delokke bíkke ralnam agomlok takamem umbomna, Shédíme gesune. Bí paabem deesu aasu dokupe bedangem mebi geyéla, teyo telo bottena Roja Shédíke lakbíklo dungkaku.

HIBRU 12:2

Ngoluke amige, ngoluke míngkengem apíímona leríng, ashéngem keralo mebinam krosslo yémgap gena, annyingem donggena, delokke Shédíke lakbík umkélo dungkuna, Jisukíng kanggap laju.

JEMS 1:16

Ngokke bíro kídía yadko sumapeka.

JEMS 1:19

Bíro kídía! Sim mínggap gelangka, mipile laganpe tatgap gepe aido idakkom agomem lenmope aimang, delokke mení menang marsémpe aimang,

JEMS 2:3

demílo nolu aina ege galuk genadem apekrupe anbomdola, “Sina nokkepe aina umkéko” emto, idakkom opan amidem, “No elo dakto langka demangkom ngokke ale ampeng amoso duutola”

JEMS 2:9

Idakkom nolu míngu míírang aapíem lengkan dumílo, nolu paab idung delokke ayone nolum ayonem ipatsune emla géédung.

JEMS 3:17

Idakkom teyong telok tokna gyande kera yalumpe deenam; delokrongem dengepe yébo sulínam, míípe míngor, tolík ilík bosunam, apíípe yaasamnam delokrongem aina ayé éénam, leko aapí genam delokke jégapnam.

2 PITOR 1:1

Jisu Kristoke béérang delokke tomlíknam, Simon Pitorke, ngoluke kísape Shédíke yéjiinam bedalok delokke Mosing bokuna Jisu Kristo kelok gaina míngkengem pangkuna kídílo salame.

JUDA 1:16

Si ami kídísi lutek manrekla delokke akon imem matíneke; bulu agísue míngkesula delokke amiem buluke paape dopeko legape luuk poukla ineke.

BEROK BINAM 14:12

Si Shédíke ngiitomem igenalok kepe delokke Jisukíng míngkesula duuna Shédíke amikídí kepe yémgapla dongge pename.