JEMS 1:1 - DEENA BAIBÉL (BSI)

¹ Shédí kelang Ruutum Jisuke pakbo Jemske rego takamlo duuna Shédíke ami íying kolang annyi opéélo salame.

JEMS 1:1 Iomraidhean Croise

1 ROJA KÍDÍ 18:31

Depe ipala Ruutum ke, “Nokke amínem Israel emyé,” emla mínnam Jakob kelok lenna opín íying kolang annyi amínpe dabu íying kolang annyiko laala delok,

EJRA 6:17

Tosak líkkolo bulu rubo língkoko, mérem líínyiko, méroem líípiko ipak amanpe, delokke Israel ami takamke paab legape bénbo dorying kolang dornyiko, Israel opín isap adupe bito.

ESTHER 3:8

Dekepeila Hamanbí Roja Jarjesme poto, “Apit-ayit ila, delo nok among takamlok ami kídí aralo duupan-duuran sulíkna amieke kadung; buluke ayone ami abíd takam lokkelo gyabbosumang, delokke bulu rojake ayonem mínggemang. Delok legape rojabí buluke inam sim donggap genam si aimang.

GÍLEN KUNAM 24:4

Delo Ruutumke poyilnam tabung dem, Mosibí atla mesingto. Rodem rokompe bí darepla, dííte lebe delo rungguko píla, delo Israelke opín íying kolang annyiem lengkan genanape, líídung gaang íying kolang annyiko dííto.

GÍLEN KUNAM 28:21

Israelke opín tabungke amín mimangem gekan sudope elíng aména íying kolang annyi delo Jakobke oo kídí amínem píket líklangka.

GÍLEN KUNAM 39:14

Israel tabungke amín mín-gangem gekan sudope elíng aména íying kolang annyi delo Jakobke oo kídí amínem píket ketyin líkto.

EJEKIEL 12:15

“Edílo ngo bulum mibo miying among rego takamlo monpan-monran sulíkla, pitpan sugolíkyédí, delo Ruutum bí ngo emla kényéku.

LEBITIKA 26:33

Ngo nolum midu-mimakpe iyabomla, nolum mibo-miying opín kídí gooralo yépitdope monbomyé. Noluke asi amongem kurukla noluke doolung kídíem kumruk doolungpe iyinmoyé.

MATI 10:3

Philip delokke Bartholoma; Thoma delokke kajanang ulna Mati; Alphaike oo Jems delokke Thaddai;

MATI 13:55

“Si soki paleng pína oo mangía? Bíkke ane amíne Mari, emnam manía, delokke bíkke bíro kídíde Jems, Joseph, Simon delokke Juda bulu manía?

MATI 19:28

Jisu bí bulum poto, “Ngo nolum aruem pobidung, Tanike Ue bíkke angun ralna palenglo duuyékuem, atí takame anípe batyéku delo nolu ngokkíng gímín genakídí nolu Israel lokke íying kolang annyi opínem bisar dakla nolukom íying kolang annyi umkélo duuyé.

MARK 3:18

Andria, Philip, Bartholoma, Mati, Thoma, Alphaike oo Jems, Thadai, Simon Jilot

LUKKE ATNAM TATPONA DOOYINGE 22:30

delo nolu ngokke amolo ngokke dokolo dola tííla palenglo duula, midum íying kolang annyi Israel opínem bisaryé.

LUKKE ATNAM TATPONA DOOYINGE 6:15

Mati, Thoma, Alphaike oo jems, Simon Jilot,

JOAN 12:26

Séko ngom kumdudí bí ngokke méélamlo gíperung aido; delokke ngo ingkolo duududí, ngokke béérang ekom delo duumínyé. Ngom kumnadem ngokke Abue mííyum sudung.

JOAN 7:35

Judai kídíde aralo pobosukai, “Ingkolodí si ami si ngolu paalang kuma dope gíkupe míídune? Grik amolo ngoluke ami kídíe rego regolo duula Grik ami kídíem luyilko amolodí bí gíyéne?

TOMLÍKNAM 1:13

Bulu doolung pííyé kudem, teyo danpe buluke dungko ruumlo aatoku. Delo duuna kídíde, Pitor, Joan, Jemslang Andria; Philiplang Thoma, Bartholoma lang Mati, Alphaike oo Jemslang, Jelot Simon, delokke Jemske oo Juda bulu.

TOMLÍKNAM 12:17

Pitor bí bíkke alaglok bulum asoope emla ruuto delokke kape kísa Ruutum bí pateklokke laalen tokudí dem legadem pokansuto. “Jems melang bíro kídíem pokan bilangka” emla bí popala delokrongem rego konlo gíto.

TOMLÍKNAM 15:13

Buluke poyin rongem Jems bí polento; “Bíro kídía, ngokke agomem tatgap langka!

TOMLÍKNAM 15:21

Kapeila Mosike ngiitomem Sabbath longe miyolo, kumkeng ekum kídílo pori ritídung delokke taon miyolo pokan bitídung.”

TOMLÍKNAM 15:23

Bulukíng bulu rumkíngke atnam sithi sim melíkto. “Noluke bíro tomlíknam delokke bíro kídílok, Antioklo, Sirialo delokke Kilikialo duuna míngkesuna bíro Mipak kídílo salame:

TOMLÍKNAM 2:5

Depe idodelo taleng kutku sokke opín opínlok Shédíme pesona Judai amieke Jirusalemlo duudungai.

TOMLÍKNAM 21:18

Longekon delo Paul lang delokke ngolu abíde Jemsme kangaape gíto, delo mirokídí takame duuto.

TOMLÍKNAM 23:26

“Klaudio Lusio, Mite migom Gobornor Phelik; Salam:

TOMLÍKNAM 26:7

Simin ngoluke opín íying kolang annyi lokke buluke longe yohpe Shédíme kumtí kolok apíídope kaape emla míínamem pébisuname. Roje, sok míínam sunamsok legapemin Judai kídíe ngom akdune.

TOMLÍKNAM 8:1

Delok longe delokke ila botterupe Jirusalem mondoliem irééto, delokke Judia lolang Samarilo, tomlíknam kídí kékon takame byakpansuto.

PAULKE ROMKÍDÍLO ATNAM SITHIE 1:1

Kristo Jisuke béérang, tomlíknam amipe idope delokke Shédíke tatpona dooyingem pobidope tomlennam Paul kelok sim attung.

GALATIA 1:19

Ngo tomlíknam abíd kídíem kaarík sumang, Ruutumke bíro Jems petomme kaato.

GALATIA 2:12

Jems kelok amiko píímang adape bí Mipak amilo dobo tííbosuto. Idakkom edílo bulu píítodí, bí agíe ngéllat sulangkula Mipak kídí lokke dungu sulenkaku kapeila bí dínbíng iyod suna opéé kídarem pesoto.

GALATIA 2:9

Jems, Pitor delokke Joan, aane gaangpe míída sunam ruutum kídíe Shédí bí ngom sim agér sim apekrupe panbitung emla kénkai; depe iname bulu Barnaba melang ngome ngolu takam yébosuna ajone emla kangkepe alagem horíksuto. Ngolang Barnaba bí Mipak kídílo gídope emla tolík bosuto.

POBENG BINAM 28:64

“Tani among sokke kéényungkon lokke ila kéényungkon loope opín-buang daadi takamke aralo Ruutum bí nolume piyyin gooyé. Dekedelo nolulang noluke buku kídíke kénkí-pangkímanam esing lokla elínglok pínam angukon uyu kídíem nolu kumsugola dekedem agér-anam ibiyé.

POBENG BINAM 30:3

Depe ikumílo Ruutum noluke Shédíbí noluke nyokmonam asi-amongem turmolangkula, nolum ayasulangkula, nolum monpitko rego mipílok bí laadumsuyéku.

POBENG BINAM 32:26

Tani araso bulume míípasuna kaimadope ngo apíírupe nyokmope emla míítuai.

POBENG BINAM 4:27

Ruutum bí nolume mibo-miying gooralo yépit-yéyitmoyé. Ruutum ke monbínnam ami kídí aralo ami anyong petomko nolu turla duuyé.

PHILIPIA 1:1

Kristo Jisuke pakbo annyi, Paul lang Timothi, Philipilo duuna Kristo Jisume míngkesuna, yégebona delokke dikon kídílo,

2 TIMOTHI 4:21

Dígíne píímang adape so píídope rallangka. Eubul nom salamem bidung, delokke dekepe Pude, Lin Klaudia delokke bíro takamete bidung.

TITON 1:1

Ngo Paul agí Shédíke pakbo delokke Jisu Kristo kelo Shédíke ullennam míngkeng delokke nyogapla yénamlo gíbona aro kénnam legape tomlíknam amie.

1 PITOR 1:1

Jisu Kristokelo tomlíknam Pitor Shédíke ulpek lennam mibo amolo dunggoona, Pontu, Galata, Kapadokia, Asia delokke Bithunialo dunggona kídílo salame.

2 PITOR 1:1

Jisu Kristoke béérang delokke tomlíknam, Simon Pitorke, ngoluke kísape Shédíke yéjiinam bedalok delokke Mosing bokuna Jisu Kristo kelok gaina míngkengem pangkuna kídílo salame.

JUDA 1:1

Jisu Kristoke béérang delokke Jemske bíro Juda Jisu Kristoke kaabomnam delokke Abu Shédíke ayanam, tomlen kunam kídílo atname.

BEROK BINAM 7:4

Delo tupket líknam kídí isabem tatto: Israel opín takamem 144,000 ko tupto.