Zẹfanaya 3:9 - Ạḍinya Iigbia

⁹ “Kụ mị kanme weye areelhe phọ, kụ bịdi ụuḅereghi ghan ịmi bịn, kị́non ạrumugh. Oomo ạbidi kụnaghanan ghan ịmi.

Zẹfanaya 3:9 Iomraidhean Croise

Emiighom 11:1

Ẹḅel amem mọ oomo awe sịen aḅirini phọ ụḅa ghan oniin ọnhu, ọḅile oghol ghan rạraar eniin phọ egholom mọ.

Emiighom 4:26

ẠSet ạmar mọony kụ aghol ḍien ọony phọ mọ Enos. Pọ kụ amem dị awe omiigh ọmagh ghan aḍien Ọmoogh-we iigbia phọ mem ịiḅereghi.

Ạsuor 113:3

Emiigh kꞌemitenom erumuḍio kꞌesoorom, iboom ḍien Ọmoogh-we phọ.

Ạsuor 22:27

Oomo areelhe phọ kọotughian ni Ọmoogh-we phọ, kụ oḅula oḍighom nyọdi, ḅịle oomo arughunughun phọ kọoḅereghi ghan nyọdi.

Azaya 19:18

Amem mọ ạmuphe phọ ẹteeny, kọḅa ni ọnhu aHibru phọ sịphe oogh ạramha phọ Ijipt. Awe phọ ạbidi kokunyaam ghan ḍien Ọmoogh-we Oomo ịikpo. Nyeniin ẹmha phọ kokol mọ, “Ẹmha Erumuḍio phọ.”

Azaya 57:19

Mị kạngo ni ẹepho oomo awe, bụlo okpekian rꞌạbulo ọkelan! Mị kaakonom ni we phọ ạmi.

Azaya 6:7

Ọdi atirom ịidoronhu ạmi eeḅu ạnian phọ reemor bọ kụ ạḅem mọ, “Ọphon matir ịidoronhu ạna, kụ nyịidipho apum ạna mạḍua, ḅịle ịkaraph ạna mọsar ọbile.”

Jerimaya 16:19

Ọmoogh-we, nạ kụ oye phọ ruuko bọ ịmi kạḅile ụngo ịmi ịnyaam; nạ ụlhoghonaan ịmi ḍịghaagh mem ịiḅaghami. Areelhe kọḍua ni ẹpe aruukuna ade phọ kụ ọḅem ghan mọ, “Ạburude ạburude phọ ayoor ụ́moogh ịyaar omuton rụmugh ọkpe, rꞌaruru dị ị́moogh ịyaar oḍighinom.

Izikiel 37:17

Kụ ạpham ịyal phọ ịpe phọ eekuna etulom eekuna ịdi bịdi kẹtol mụdi aḍiniin ạḍipe.

Hạbakuk 2:14

Kụ olegheri-ịyaar eegu Ọmoogh-we phọ kamuza ni de phọ ịdipho ạmuum mọ amuza bọ rịphiiny phọ.

Zẹfanaya 2:11

Ọmoogh-we phọ ạdegh ni bịdi ịlo aḍiigu. Ọdi kapiemi ni ịkaaneen ạrumugh ịsien ade phọ, kụ tọrobo eelhe keeseeny ni nyọdi sịphe ade phọ ạbidi.

Zẹkaraya 14:9

Kụ Ọmoogh-we phọ agbi ọda oomo phọ ade phọ; tọrotoro oye kạaḅereghi ni nyọdi ịdipho Ẹnaan ạḅile alegheri ḍien phọ ọdi eniin phọ elegheriom mọ.

Zẹkaraya 2:11

Mem mọ ạmuphe phọ awe ịbadi areelhe kotu ni esi Ọmoogh-we phọ kụ oḍighi weye ọdi. Ọdi katugh ni sịphe igbo phọ anyina, ḅịle kẹn nyina kelegheri ni mọ ọdi kụ urom ni ịmi oru ọteeny anyina.

Matiu 12:35

Ogey oye rạkaaph ghan igey ạraraar phọ dị aakpomoghi bọ sịphe ologhi phọ ọdi kụ kamitiom; kụ ọkaraph oye rạkaaph ghan ịkaraph ạraraar phọ dị aakpomoghi bọ sịphe ologhi phọ ọdi kụ kamitiom.

Bụo ạEfesos 4:29

Ịkaaph ghan ghụn ịlo ẹgbaanyan ọghaaph lọ nyina ẹpham, esi ọloghonaan ạḍighaagh bụphe rọnaghan bọ, pịdi ikpo ọnhu phọ anyina ẹngo ghan bịdi ọninom.

Ogonanami Phọ 11:15

Ọokpaany phọ Ẹnaan amuneniom bọ oḍual phọ aphula ọkuodu phọ ọdi, kụ otebe ịlooghi ameel kꞌạke mọ, “Ịikpo ọdaam aḅirini phọ nyịidipho meḍigh ḍịghaagh Ọmoogh-we phọ ayira rꞌaKraist phọ ọdi, kụ ọdi kạda ni kꞌagee-pọ kꞌagee-pọ.”