Zẹfanaya 3:8 - Ạḍinya Iigbia

⁸ “Ikori kụ,” Ọmoogh-we phọ ạḅem, “Ikori ḍio phọ mị kaḅetenu bọ ọkpalham areelhe phọ. Mị mạnya ookpomoghi areelhe rꞌạramar kịrokiro, ọbo bịdi ologhoma ịdi ạnian ophin ologhi phọ ạmi ạrol. Oomo ade phọ kopiemiom nịan ophin ologhi ạmi.

Zẹfanaya 3:8 Iomraidhean Croise

Ạsuor 12:5

Kụ Ọmoogh-we phọ ạḅem, “Mị katu loor esi ịgbiphoghom ạbuo arukulom mọ rꞌịḅiphighu ạbuphe ekuom bọ. Mị kạtagharan bịdi ịdipho bịdi rokori ghan bọ.”

Ạsuor 123:2

Ịdipho ọony-otu aḍuom bọ ologhi ọde-otu phọ ọdi, ịdipho ọnyani-otu aḍuom bọ ologhi onhiin-otu phọ ọdi, ịduon kụ ẹdi yoor rophogh nyịna, Ọmoogh-we Ẹnaan phọ ayoor, tụtu nạ ụnma ni iyoor ighirigiir phọ ạna.

Ạsuor 27:14

Ḍuom ologhi Ọmoogh-we phọ. Mọogh omeeraam. Kátoph ologhi ạna. Ḍuom ologhi esi Ọmoogh-we phọ.

Ạsuor 37:34

Ḍuom ologhi Ọmoogh-we phọ kụ aako ghan iilogh phọ ọdi. Ọdi kaghueni ni nyịna kụ ạngaani nyịna de phọ, kụ nạ ạmiin dị mophorogh oye ạsipioghom mọ.

Ạsuor 37:7

Tọlan rꞌỌmoogh-we phọ, ạmoogh ọkparam, akori ghan nyọdi. Kạ́aḅaghamian ologhi esi oye phọ ọpo ẹnighenom bọ, oye phọ ọpo ạaghian bọ kụ raḍighi yogh bọ ọdo kịrokiro.

Ạsuor 62:1

Rꞌọkparam kụ mị akori Ẹnaan ọphel ạmi; mị aḍuom ologhi nyọdi bịn.

Ạsuor 62:5

Mị aḍuom ologhi Ẹnaan bịn; mị ạkpasi oḍuom-ologhi phọ ạmi esi ọdi.

Ạsuor 79:5

Ọmoogh-we, nạ kụghagham iyoor ologhi kꞌagee-pọ ḍụghum? Ophin ologhi ạna kaamor mụdi ạnian, ạkiom ghisigh ḍụghum?

Ạsuor 79:6

Kiton ophin ologhi ạna aphoghomiom reelhe phọ ịpe nyịna róoseeny ghan bọ, aphoghomiom we phọ ạbuphe nyịna rọ́oḅereghi ghan bọ,

Asidogh 20:22

Nạ kụ kạ́kpe ịkaraph dị oye aḍighi nyịna. Ḍuom ologhi Ọmoogh-we phọ bịn ọdi kaḍighi ni ịdi kẹnighe.

Ạḍuor Ạsuor 8:6

Kạ́miin ẹnon ẹphomoghian emuton nyẹen ạmi; epel ịlo ạmi, kạ́koman rạghaagh ọnon oye. Ẹphomoghian ẹmoogh ịikpo ịdipho aḍuugh; aḍiboom ạḍiḅeeraan ẹmoogh ịikpo ịdipho aḍuugh rꞌaloor. Retuphaan ghan kụ anem ạnian kemite kụ eemor ịdipho ạnian ọnuza.

Azaya 14:26

Ịphen kụ ịdi mị agbiighi ịlo aḅirini phọ, kụ mị mạgbuton ḍịghaagh ịlo ọlhiom areelhe phọ.”

Azaya 30:18

Kụ ghạlamo ịduon phọ ni bịn Ọmoogh-we phọ rakori ni ọnma anyina ighirigiir. Ọdi ạnya ni ọsenyaan anyina ịdi eḍighi bọ ọdi raḍighi ghan ịpe esel bọ oomo amem. Ọḅaal ologhi odianaan bụphe ọkpasi bọ ologhi ạbidi esi Ọmoogh-we phọ.

Azaya 34:2

Ọmoogh-we phọ rạkagham ni ologhi oomo areelhe rꞌoomo awe ẹgham ạbidi. Ọdi maghel bịdi aseenaan ophiemi.

Azaya 63:6

Rꞌophin ologhi ạmi, mị ạzeer bọ reelhe ạwalawalami. Mị azu ịḅaal aghuḍum mọ ạbidi ude.”

Jerimaya 10:25

Kiton ghẹlhe phọ ạna asomori reelhe phọ ạbuphe nyịna rọ́oḅereghi bọ ḅịle kẹn rꞌesi awe phọ ạbuphe ọḅitonaan bọ nyịna. Bịdi mọze weye phọ ạna; bịdi muugulemi iyoor ọmadan ọḅile opiemi eelhe phọ.

Hosia 12:6

Kụ nyịidipho, ẹemara ẹemara ạJekob, iḍuom ologhi esi Ẹnaan phọ anyina kụ eḅula esi ọdi. Isooromi loor kụ eḍighi ghan ịlo eseleman, kụ ẹmoogh ọkparam ekori ghan Ẹnaan phọ anyina ịpe ọdi kaḍighi bọ.

Joel 3:2

Mị kaakpomoghi oomo areelhe kụ ạpam bịdi atumom Eḍiiny Ọoruen. Sịphe kụ ẹdi mị kasoph ọoruen ạngo bịdi esi oomo ịpe bịdi moḍighi bọ we ạmi. Bịdi mophorogh we Ịzirel ọwalalami ịnon areelhe kụ ọbaayami Ịzirel, de phọ ạmi.

Maika 7:7

Kụ ọlo, mị kagon Ọmoogh-we phọ; rꞌoḍuom ologhi mị kakoriom ọmiin Ẹnaan, ọpo kụphel bọ ịmi. Ẹnaan ạmi kịnaghanan ni ịmi.

Hạbakuk 2:3

Lọgh esi ịge, loor esi dị kẹ̋teeny mem dị kemite. Kụ amem mọ kẹnuun ni etu, kụ ịpe mị aḍeenaan bọ nyịna kemite ni. Kẹkigh mụdi reebinya ni omite, kụ kori ni; kẹkar ri emite, kụ kéebinya.

Zẹfanaya 1:18

Ḍio dị Ọmoogh-we phọ aḍeenaan ọghagh ologhi ọdi, ghạlamo oomo asilva rꞌagol ạbidi bịn kẹ́pel bịdi. Ạnian ophin ologhi ọdi kele epiemi oomo ade phọ. Ekperenom bịn ọdi kakunughi tọrobo oye lọ odi sịen ade phọ.

Hagai 2:22

ạḅile apiemi ịtooghi areelhe phọ ạḅile akunughi ịikpo phọ ạbidi. Mị agborion yogh rughuugh-ude phọ rꞌạbuphe rokiilom bọ; ạrusu phọ kemuughu ni, kụ bụphe rokiilom bọ kọzian ni siloor.

Matiu 25:32

Kookpomoghi oomo awe sịen aḅirini phọ ọsighe ọki ghisigh ọdi, kụ ọdi agbi odi ạbidi ịyal asita, ịdipho okoriom ịga rạgbarion ghan bọ iyool-ịga phọ rꞌạrutu phọ.

2 Pita 3:10

Kụ aḍio phọ Ọmoogh-we phọ katu bọ keḍighi ekperenom ịdipho ọḅa. Ḍio phọ ạḍiphe phọ ạke phọ kạḍuanam ni ḍịgbagara ạḍiaḅa, kụ ịikpo phọ edi bọ kꞌạke kẹnuughi ni ẹḅile ẹgbo, kụ ade phọ rꞌoomo phọ ịpe ọdi kepe ni emuneen.

Ogonanami Phọ 16:1

Kụ mị ụḅile ni ạnaghan ḍịolho dị ẹḍua sịphe otu ịiḅereghi phọ ẹḅeni ghan oḍual ạruukpaany phọ mọ, “Ịki ezuughiom de phọ ghẹlhe phọ Ẹnaan odi bọ ologhi oḍual iḍukuru ạsigbagba phọ.”

Ogonanami Phọ 16:14

Bịdi phọ aruwaloor aruru dị reḍighi yogh ghan ịiḍaany. Ịraar aruwaloor phọ ịphen remite ghan kẹghi ookpomoghi oomo ạbudaam aḅirini phọ okoriom ẹgham mọ kesoor bọ ḍigbogh aḍio Ẹnaan Oomo Ịikpo phọ.