Zẹfanaya 3:7 - Ạḍinya Iigbia

⁷ Mị ugbi mọ mem mọ ọpo phọ awe phọ ạmi kụlogh ni ịmi eegu kụ omeeraam mem lọ mị aalemi ọpioman ạbidi, ḅịle mọ bịdi kóbula ịtughemi lọ mị ạtughemi. Kụ íbia bịn bịdi mọḅile ọtol ịdipho ọrol bọ kꞌemiighom mọ.

Zẹfanaya 3:7 Iomraidhean Croise

Emiighom 6:12

Ẹnaan ekiton ephogh kụ ẹmiin mọ aḅirini phọ mạphu. Oomo areten awe sịen aḅirini phọ mẹphu.

2 Krọnikuls 33:11

Kụ Ọmoogh-we phọ aḍighi ịdi bụo ịtooghi awe ẹgham Asiria ozuom Juda ẹgham. Bịdi osiph Mạnase, ọkomoghi nyọdi siḅaph, ọghoroghiom nyọdi izime, kụ ọghimom nyọdi Bạbilon.

Job 36:10

Ọdi raḍighi ghan ni ịdi bịdi kọnaghanan ọphur ạruru phọ ọdi mọ bịdi ọḍua esi ịkaraph.

Ạsuor 32:8

Ọmoogh-we phọ ạḅem mọ, “Mị karomoghiom nyịna, ạḅile ạtughemi reten phọ ịpe nạ kạdaph bọ. Mị karelhiom nyịna; ariḍien ạmi kẹ́ḍua esi ạna.

Asidogh 19:20

Nạ ạnaghan oroma kụ ameeraam ọtuugha, eniin aḍio olegheri-ịyaar kạteeny ni nyịna.

Azaya 5:4

Ịyaar isugha ni dị mị ạpiom oḍighinaan ọdi ḍụghum? Iḍighi ika nụun kụ ọdi amuum bọ rughuuny avain dị rẹlagh kụ ạwile bọ igey phọ ịpe mị rạwa bọ?

Azaya 63:8

Ọmoogh-we phọ ạḅem mọ, “Bịdi awe ạmi; bịdi ịmi kúukeleghi.” Kụ iḍighi kụ ọdi ạphel bịdi ạsighe

Jerimaya 17:23

Ạburude ạburude phọ ạbidi ịmi ụ́naghanan. Kpạripe ghụn bịdi ụḅaar ẹmhu; bịdi ịmi ụ́naghanan mụghumo ọtuugha esi ạmi.

Jerimaya 25:5

Bịdi ịḅeni ni inyina mọ ịbile ịkaraph areten phọ anyina, ẹwile oḍighi yogh ịkaraph, pịdi nyina etugh ẹkiom risigh sịen ade phọ Ọmoogh-we phọ ịngo bọ inyina rꞌạburude ạburude phọ anyina mọ ịmoogh phọ.

Jerimaya 36:3

Iini mem dị awe phọ aJuda ọnaghan ịlo oomo ophiemi phọ mị ạnya bọ oḍighi ạbidi, bịdi kọbileghi ni ịkaraph areten phọ ạbidi kụ mị kạsar ạbilenaan ẹkaraph eḍighinom mọ ạbidi rꞌạsipioghom mọ ạbidi.”

Jerimaya 38:17

Pọ kụ amem dị mị ạḅeni Zẹdekaya mọ Ọmoogh-we Egbogh Ẹnaan phọ Ịzirel mạḅem mọ, “Eḍighi ịyaar lọ nạ aphoophe rạghaagh ạngo bụo iiḍighi ọdaam-ẹmha phọ ạBabilon, kọwile ni nyịna kụ ẹmha phọ ẹphen kọ́su mun. Kọwile ni nyịna rꞌeghunotu phọ ạna.

Jerimaya 6:8

Nyina aweye aJeruselem, ịiḅaghami phọ ịphen phọ ẹphur aḅeri anyina, ịduon kụ ílho pọ mị kịḅitonaan inyina; mị kakiton ẹmha phọ anyina atene de ophugh, esi dị oye kátugh mun.”

Jerimaya 7:7

Eḍighi ịyaar lọ nyina enmia, pọ mị kameera ni nyina erugh sịen ade phọ mị ạngo bọ bụrude ạburude phọ anyina mọ ọmoogh kꞌagee-pọ phọ.

Jerimaya 8:6

Mị ulher ri rụru agey, kụ ọlo nyina ị́kaaph igey. Rꞌoniin ọnyo anyina ókiriri loor esi ịkaraph phọ anyina; rꞌoniin ọnyo anyina ópuru mọ ‘Iḍighen kụ ẹdi mị ạpioman bọ?’ Tọrotoro oye rạki ghan eten phọ ẹpe ọdi bịn, ịdipho ạsu dị rọkimom ẹgham.

Hosia 9:9

Bịdi úloghoma loor ịkaraph dị bịdi roḍighi, ịdipho amem mọ bịdi ọrol bọ ẹpe Gibia. Ẹnaan kẹetughian ni ịkaraph ạbidi kụ ẹliom bịdi.

Zẹfanaya 3:2

Ọdi kọ̋naghanan Ọmoogh-we phọ, ḅịle kőmeeraam mạlhiom. Ọdi kọ̋kpasi oḍuom ologhi ọdi esi Ọmoogh-we phọ, kọ̋lhom ọdi ọloghonaan ạḍighaagh.

Dutoronomi 4:16

ọbo nyina kẹepuan ghan bọ siloor anyina, ẹkaaghi rụmugh lọ ẹghigh oye, mꞌolephiri ọony mꞌạnir-ephoph;

1 Timoti 1:5

Ẹmhu phọ mị ạtu bọ kụ rạkaaph ịphen phọ, ịlo ọghologholomi ẹphomoghian phọ ẹpe rẹḍua ghan bọ ophooph ologhi rꞌigey ịitughian, rꞌomeeraam dị ụ́ḅaram iguegue, kụ kemite.

2 Pita 3:9

Ọmoogh-we phọ ráabinya ghan oḍighi ịlo dị aguanaan, ịdipho buniin anyina rẹetughian ghan bọ. Ọdi rạminoghom ghan ghụn ịkaraph phọ anyina, ịdi eḍighi bọ ọdi ọ́wa ophiemi rꞌoniin oye, ọdi rạwa ghan ghụn mọ oomo phọ awe phọ okiton esi ịkaraph phọ ạbidi.