Zẹfanaya 3:5 - Ạḍinya Iigbia

⁵ Kụ ọlo Ọmoogh-we phọ odi ni sịphe ẹmha phọ; ọdi raḍighi ghan ni ịlo ẹnighe, kị́lo eeph. Tọrobo ạḍiroor ọdi rạ́piom ghan, ọdi rạngo ghan iiḅi ịiruen weye ọdi. Kụ ghạlamo rꞌịduon phọ, awe ạsipioghom lọ odi roḍighi ni ịkaraph phọ kụ umugholoor ósiph.

Zẹfanaya 3:5 Iomraidhean Croise

Emiighom 18:25

Ọkar igey nạ kạze bụo aruukuan rꞌạbuo ạsipioghom mọ. Kétue emite! Nạ káḍighi ịdipho. Nạ aḍighi ịdipho, pọ mọḅar bụo aruukuan rꞌạbuo ạsipioghom mọ kụ ọliom. Ịpe kétue emite. Oogboom ịiruen oomo aḅirini phọ ạkpe ni oḍighi ạraraar dị eeleeny?”

Job 34:10

Ịnaghanan ịmi, nyina awe ọnaghan ạḍughum! Ẹnaan Oomo Ịikpo phọ kaḍighi ni ịkaraph ḍụghum?

Job 7:18

Nạ rapogh ghan nyọdi kakitonom tọrotoro ạḍiroor kạdegh nyọdi aphogh tọrotoro amem.

Job 8:3

Ẹnaan rékiton ghan iiḅi ịiruen; ọdi rạ́bile ghan oḍighi ịpe eḍighi bọ elhiom.

Ạsuor 145:17

Ọmoogh-we phọ raḍighinom ghan ruukuan oomo ịlo ọdi aḍighi, rạnma ghan ighirigiir esi oomo eḍighinom ọdi.

Ạsuor 37:6

Ọdi kagananami ni ruukuan phọ ạna kụ ẹmhu ịdipho erumuḍio; ḅịle ariliom mọ ạna ẹmhu ịdipho ootaany.

Ạsuor 92:15

Ịphen phọ eḍeenaan mọ Ọmoogh-we phọ oye aruukuan, mọ ạsipioghom ílho loor ọpo uukpereghi bọ ịmi.

Azaya 12:6

Oomo awe phọ orugh bọ sịphe Zạyon ọlo kụ ọmoor ghan! Oye Aghuḍuul phọ Ịzirel ạbugh ni, kụ ọdi odi ghan igbo awe phọ ọdi.”

Azaya 28:19

Kabugh ghan bịn ạḅile abugh, ạḍiroor etum ḍịroor. Nyina kẹkparam ghan ḍughul rꞌootaany. Tọrobo aḍimoom adom dị ẹḍua kꞌẸnaan kẹpam ghan emoom ịyaar oghiilaan!

Azaya 33:2

Ọmoogh-we, ụnma iyoor ighirigiir. Yoor mọkpasi oḍuom ologhi ayoor esi ạna. Uuko iyoor aḍio etum ḍio kụ ụphel iyoor mem ịiḅaghami.

Azaya 45:21

Itu ẹgba sighiton phọ anyina sịphe otu ịiruen; nyina ạbuphe rẹpakian bọ eepuruan sịagba phọ. Ạnhian kụ ạmiin bọ uḍien kꞌamem dị meten ịyaar dị kemite? Kạ́mi Ọmoogh-we Ẹnaan phọ rạpel ghan bọ we phọ ọdi ḍụghum? Ẹnon ẹmugh ílho.

Azaya 50:4

Ọkar Ogbogh Ọmoogh-we phọ mụtughemi ịmi ịlo ọghaaph, ẹrol dị mị ạngo ịnyaam bụphe modugh bọ. Tọrobo ạḍiroor ọdi rụngo ịmi ẹephua ọnaghan ịlo ọdi kụtughemi ịmi.

Jerimaya 3:3

Ẹpe kụ ịyaar phọ ọlophia phọ ụ́loph mun bọ, oyiririph aghozogh kẹn bịn óru. Nạ ạkar ghụn ạkigh ọnyo akunakuna; umugholoor nyịna rásiph ghan.

Jerimaya 6:15

Umugholoor asiph ni bịdi loor esi ạraraar isa phọ bịdi oḍighi yogh bọ ḍụghum? Eeye, umugholoor ósiph bịdi rꞌẹnum; bịdi úlegheri rolegheri ịlo okiriri. Kụ iḍighi kụ bịdi komeel li ịdipho ạbueri phọ momeel bọ; mem dị mị ạliom bịdi, ẹpe kụ keḍighi eekuna ạbidi. Mị Ọmoogh-we phọ kụ ụḅem.”

Jerimaya 8:12

Weye ạmi, umugholoor isiph ni inyina loor esi ạraraar isa phọ ịphen phọ nyina eḍighi yogh bọ ḍụghum? Eeye, umugholoor inyina ísiph rꞌẹnum; nyina ílegheri rolegheri ịlo okiriri. Kụ iḍighi kụ nyina kemeel li ịdipho ạbueri phọ momeel bọ; mem dị mị ịliom inyina, ẹpe kụ keḍighi eekuna anyina. Mị Ọmoogh-we phọ kụ ụḅem.”

Ịkunuma 3:23

Edi imoom ịdipho ạḍiroor, kụ amabi ólho ịdipho emitenom erumuḍio.

Izikiel 18:25

“Kụ nyina ẹḅem mọ, ‘Ịpe Ọmoogh-we phọ aḍighi bọ ísel.’ Iler rụru ịngo ịmi, nyina ạbuo Ịzirel. Nyina ẹetughian mọ eḍighinom ịyaar phọ ạmi ísel ḍụghum? Eḍighinom ẹpe anyina ghụn kụ ẹdi ísel.

Izikiel 48:35

Oomo ạḍidoony iikpe inya ịigaany ẹmha phọ ịman esugha ọonir akuḅu. Aḍien ẹmha phọ emiigh kꞌạnyiidipho kụ ẹghiom ghisigh keḍighi, “Ọmoogh-we Phọ Odi Ni Sịen!”

Hosia 14:9

Ạbulo ọmoogh ologhi ọnaghanan ịpe ọge bọ sịen, kụ bịdi ọnaghanam ḍụghum. Areten Ọmoogh-we phọ eeleeny ni, kụ awe aruukuan rọdaphan ghan kụ kọrol, abuḍighinom ịkaraph okpetaan ghan romeel loor esi dị bịdi okel reten phọ ọdi.

Hosia 6:5

Ịdipho kụ iḍighi kụ mị marom bọ riil phọ ạmi rꞌadom ọoruen rꞌoogulemi. Ịdi mị rạwa esi anyina eganana kụ eetolonu.

Maika 3:11

Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

Maika 7:9

Yoor moḍighi ni ịkaraph esi Ọmoogh-we phọ, kụ yoor kọkparagham ophin ologhi ọdi ẹnum amem. Kụ ruukuna phọ ọdi kụ eenan ni iyoor, kụ aalemi rạraar lọ eeph dị uḍighi iyoor. Ọdi kumitiom iyoor atumom esi ạḍiḅaal phọ; yoor kọtol li ọmiin mem dị ọdi kụphel iyoor.

Hạbakuk 1:3

Eeghe kụ nạ ameera bọ mọ mị ụmiin ịiḅaghami? Eeghe kụ ịdi nạ kạkparagham ọmiin ẹdo ẹkaraph eḍighinom mọ ẹphen? Oogulemi rꞌọwa asighiton kụ ikoom ịmi, kụ elephiri rꞌọruonu kụ odi tọrobo ekpisi.

Zẹfanaya 2:1

Nyina aweye eelhe dị umugholoor úlegheri, iloghoma siloor anyina,

Zẹfanaya 3:13

Awe Ịzirel lọ osugha kọ́pioman mun esi oye, ọkpe kọ́gba, ḅịle oye kóokeleghi. Bịdi kọmoogh ẹelha kụ ịyaar kẹ́ḅogh, oye kókiilaan.”

Zẹfanaya 3:15

Ọmoogh-we phọ makunughi ọliom anyina; Ọdi mạgbole oomo ạbumulogh-ḍien anyina. Ọmoogh-we phọ, ọdaam mọ Ịzirel, odianan rꞌanyina; Ịyaar ọtuan kụ oghiilaan ílho mun.

Zẹfanaya 3:17

Ẹnaan phọ anyina, Ọmoogh-we phọ odianan rꞌanyina; ịikpo phọ ọdi kụ rịngo inyina ọkpar-opu. Ọmoogh-we phọ kạmoogh ni ḍịḅeeraan esi anyina, kụ esi ẹphomoghian ọdi kụ ẹdi ọdi kịngo inyina kumoom aghuḍum. Ọdi kạmoor sụor kụ ạmoogh iboh esi anyina

Zẹkaraya 2:5

Ọmoogh-we phọ maguanaan mọ ọno rꞌaloor kụ kaḍighi iikpe ạnian dị kekitonom ẹḅile ekori ẹmha phọ ḅịle kẹn mọ ọno katugh sịphe rꞌoomo eegu phọ ọno.”

Zẹkaraya 9:9

Weye ạZayon, ịmoogh iboh, ịmoogh iboh! Nyina awe aJeruselem, ịlo ḍịolho iboh! Ịmiin, ọdaam ẹmha phọ anyina ratu ọteeny anyina! Ọdi ratumom ịikpo rꞌọkpar opu, kụ ọlo asooromi ni loor kụ aḍigh ẹnam adool — ẹnam mọ eḍighi elephiri ẹnam adool.

Elegh aLuk 12:2

Ịyaar dị eekpereghian dị kékpegherenu ílho ghan. Ịyaar dị ạaghian dị kéganana ílho ghan.

Bụo aRom 2:5

Kụ nạ ạmoogh ọokpara rꞌọkikiri ologhi. Esi ịduon phọ, nạ raakpomoghi apum kaseerian ḍio phọ Ẹnaan kegananami bọ ghẹlhe phọ rꞌịiruen aruukuan phọ ọdi.

Bụo aRom 3:26

kụ ọrugh phọ ọphon, mạtuan oḍeenaan aruukuan phọ ọdi bịn ọ́minoghom mun ịkaraph lọ awe oḍighi. Ịduon kụ ịdi Ẹnaan eḍeenaan mọ ọno rꞌaloor ọno raakuan ni, ḅịle mọ ọno rạsighe ghan ni tọrobo oye lọ ameeraam Jịzos kaḍighi oye aruukuan.

1 Bụo ạKorint 4:5

Ịduon kụ iḍighi kụ kéḅonom ghan osophonaan oye ọoruen kụ egbi ọteeny amem mọ. Ọmoogh-we phọ aru, kạsighe ni rạraar ịbooghian ufiri phọ amitiom ẹphalaḅaal, kụ agananami ịitughian phọ ịpe ạaghian bọ sịphe iloghi phọ ạbidi. Kụ ẹtuan sịphe kụ tọrobo oye ạboor Ẹnaan ḍịseph phọ ạḍiphe ẹgbaanyan bọ nyọdi.

Dutoronomi 23:14

ịdi eḍighi bọ Ọmoogh-we Ẹnaan phọ anyina ratelhe yogh ghan ni sịphe ogbo arugbogo phọ anyina, ọphel anyina rꞌọḅogh bụmulogh-ḍien phọ anyina ọngo anyina. Kụ iḍighi arugbogo phọ anyina eseleman ghan, dị kụ́miin sịphe arugbogo phọ rạraar lọ ị́nighe ogbo anyina, ọbo ọdi kịḅitonaan ghan bọ inyina.

Dutoronomi 32:4

“Ọmoogh-we phọ kụ ogbogh ọsuaram anyina; oomo areten phọ ọdi eeleeny ni, Ẹnaan anyina oye rébi ghan, ịkaraph réḍighi ghan, eseleman ni kụ aaleeny.

1 Pita 1:17

Ịdipho mem lọ nyina rẹeḅereghi Ẹnaan phọ repogh ghan bọ oḍighi ạtorobo oye kẹtuugh ịiruen esophonaan kụ nyina rẹmagh ghan bọ mọ “Ọde”, ịsighe nụun oomo phọ aghuḍum mọ anyina asugha bọ sịen ade phọ eghueniom nyọdi.