Zẹfanaya 3:4 - Ạḍinya Iigbia

⁴ Ariil phọ ụ́logha siloor eegu kụ ọpomoghian iigbegheḍiom; ariil ạrikia phọ rọopu ghan ịyaar lọ eḍighi ẹlo iigbia, kụ okiton ologh phọ Ẹnaan otene ịlo ạsuo ạbidi.

Zẹfanaya 3:4 Iomraidhean Croise

Azaya 9:15

Ikumoor rꞌikpolom awe kụ ẹmhu phọ — kụ ẹsoph phọ pọ ariil ịtughemi ọkpe phọ!

Jerimaya 23:32

Iler rụru ịphen mị Ọmoogh-we phọ rạḅem bọ! Mị akiriom ni riil phọ ạbuphe rọgba ghan bọ mạlha ọkpe phọ ạbidi. Bịdi obaga rọgba ghan mạlha ọkpe phọ ạbidi kookeleghiom weye phọ ạmi. Mị kụ bịdi útom mụghumo ọto ọngo ạbidi mọ ọghi, ḅịle kẹn bịdi úḍighi ọloghonaan ạḍighaagh esi awe phọ ạmi rꞌẹnum. Mị, Ọmoogh-we phọ, kụ mạḅem.”

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Jerimaya 8:10

Kụ iḍighi kụ mị kạsighe iizo phọ ạbidi ạngo bumoom awe, ạḅile ạsighe nmạriir phọ ạbidi ạngo bụnon awe. Tọrotoro oye, mꞌogbogh mꞌọbam, rabianan ghan ọmoogh ikpoki ịkaraph areten. Ghạlamo ariil phọ ḅịle rꞌariil ạrikia phọ kẹn bịn roogbegheḍiom ni weye.

Ịkunuma 2:14

Ariil ạna ụ́moogh ịyaar ọḅeni ạna epel ọkpe; Ạraghaaph Ẹnaan phọ ạbidi eḍighi iikeleghi ẹngo nyịna, kụ ịkaraph ạna ígananami. Bịdi oḍighi ịdi nạ agbi mọ nạ ọ́kpe okiton esi ọkaraph.

Izikiel 22:26

Ạbupinyon rịkia phọ ọka ologh ạmi kụ ụ́logh eegu ịpe eḍighi bọ iigbia. Bịdi ụ́ngo ọgbaranaan igbo ịpe eḍighi bọ ịlo iigbia rꞌịpe íḍighi bọ. Bịdi rọ́tughemi ghan ọgbaranaan igbo ịdi ẹḅaal rꞌạraraar dị ị́ḅaal, ḅịle bịdi ọḅitonaan ḍio ophooghian phọ. Esi ịduon phọ awe phọ Ịzirel eghuan ịmi ụ́ngo.

Izikiel 22:6

Oomo abuḍiemiom Ịzirel oḍuom ologhi esi ịnyaam ạbidi kụ ọko enu.

Izikiel 44:23

“Ạbupinyon rịkia phọ kọtughemi weye ạmi ọgbatan ghan ịlo eḍighi iigbia rꞌịlo íḍighi, rꞌịlo ụ́upu rꞌịlo mọopu.

Hosia 9:7

Amem ọliom mẹteeny, mem dị awe kọsighe ịdi ẹkpianaan bịdi. Mem dị ịpe phọ emite, Ịzirel kolegheri ni! Nyina mọ, “Oyil phọ ọphon uwo elologhi. Oye phọ ọphon ẹsiiny bọ aḍighi ọpirighi ni.” Nyina awe phọ ighel ịmi iboom loor esi dị ịkaraph anyina ẹbugh ni.

Maika 2:11

“Awe phọ ạbuen rọwa ọdo oyil dị ratelhe yogh rꞌọkpe rꞌiikeleghian kụ ạḅem mọ, ‘Mị ạmiin mọ amiim, muphoneen rꞌạmughologhol, kakil kụ atu esi anyina.’

Maika 3:11

Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

Malakai 1:6

Ọmoogh-we Oomo Ịikpo phọ rạḅeni ghan bụpinyon rịkia phọ mọ, “Ọony rạngo ghan ni rughuenian ọde ọdi, ḅịle kẹn otelhedom rạngo ghan ni rughuenian ọde-otu ọdi. Mị kụ ọde anyina — eeghe kụ iḍighi bọ kụ nyina ịmi eegu ị́logh bọ? Nyina mịḅitonaan ịmi, kụ pụruku nyina repuru ghan mọ, ‘Ika kụ ẹdi yoor ọḅitonaan bọ nyịna?’

Malakai 2:7

Eḍighi ni oḍighi ariil ạrikia phọ ọtughemi ghan awe ogey olegheri-ịyaar Ẹnaan. Awe ọkpe ghan ọghi ọteeny ạbidi kụ olegheri ogbi phọ ạmi, loor esi dị bịdi kụ abutelhedom Ọmoogh-we Oomo Ịikpo phọ.

Malakai 2:8

“Kụ ọlo nyịidipho nyina ariil ạrikia phọ mẹḍua esi egey eten phọ. Ịtughemi phọ anyina meḍiemiom ịbadi awe ẹki oḍighi ịpe ị́nighe bọ. Nyina íiko ịyo phọ mị aghiran bọ rꞌanyina.

Matiu 7:15

“Igona loor anyina esi ariil ọkpe. Ẹphen ạnyu phọ bịdi ọkigh iyool-ịga, kụ iloghi phọ ạbidi eḍighi ịlo ilhom ịnam.

2 Bụo ạKorint 11:13

Awe phọ ạbuphe kábugey abutelhedom — bịdi eepua abutelhedom dị rọgbaam ọkpe oḍighi phọ ạbidi ọḅile okue rọwa ghan ọghigh aani abugey abutelhedom mọ aKraist.

1 Jọn 4:1

Iiḅi asiya, kémeeraam mun oomo ạbulo rọḅem ghan mọ bụno ọmoogh Uwaloor Iigbia phọ. Ịmaar ghan ẹeḅeghion ruwaloor phọ ephogh mọ ịḍua ni esi Ẹnaan kụ eru, ịdi eḍighi bọ ịbadi ariil ọkpe momite sịen aḅirini phọ.

Ogonanami Phọ 19:20

Usiph ni elhom ẹnam mọ rꞌoyil ọkpe phọ aḍighi yogh ghan bọ ịiḍaany ghisigh phọ ọdi ọlogh ikoli. (Ọdi ạsighe ịiḍaany phọ ịpe phọ kụ aakeleghiom bọ bụphe ọlogha yogh bọ elegh elhom ẹnam mọ rꞌạbuphe ooseeny bọ ịyaar ọotughianam ghan ọdi phọ.) Uroph ni elhom ẹnam mọ rꞌoyil ọkpe phọ imoom osumeeny ọodu ạnian phọ reemorom bọ sọlfa phọ.

Bụo Ịiruen 9:4

Bịdi ụghi ni obughotu phọ aBaal Berit kụ ọsighe oḍualdi ipoḍi asilva kụ ọngo nyọdi. Kụ Ạbimelek ạsighe ikpoki phọ ịphen aphirom we oḍighi, ighiilaani awe dị iloghi ímunughan bụdi ọdaph nyọdi.

1 Sạmuel 2:22

Ilai mạkpo iboom, kụ ọdi ạnaghan ghan ni oomo phọ ịpe ạnmuny phọ ọdi roḍighi bọ we phọ Ịzirel, ḅịle kẹn mọ bịdi rọki ghan kọrolan esi rꞌạnmariir phọ ạbuphe roḍighi ghan bọ oḍighi phọ sịphe ọnhu-aḍibuo ogbogo aruupuruan phọ Ẹnaan.