Zẹfanaya 3:3 - Ạḍinya Iigbia

³ Awe iiḍighi ọdi ọkigh ạnam-dịka dị remeephaghuan, abuugboom ịiruen phọ ọdi ọkigh ilhom ịnam dị ọkoony rasiph, esiphom dị kótue osugheeny rꞌọḅarara tụtu ẹteeny ḍịroor.

Zẹfanaya 3:3 Iomraidhean Croise

Asidogh 28:15

Aruwekulom ụ́moogh ẹḍogh risigh ọkaraph oye dị ạda we; ọdi ooto rꞌosooromineen mụdi ạnam-dịka dị regbophoghu, mụdi eephe-ạno dị rẹkughian.

Azaya 1:23

Abuḍiemiom mọ ạna ạbuo ịgbagharan rꞌạrighiri ạruḅa; oomo amem bịdi rọbonyi ghan ruunmo kolhe ịgara. Bịdi rọ́pel ghan bụnyigo ạnmuny lọ osoor erugh ịiruen, róler ghan rụru mem lọ arukpukele ạnmariir rọgba sịagba.

Azaya 5:29

Awe ẹgham mọ rọmophoghuan ghan ịdipho aḍita ạnam-dịka dị meghiigh ẹnam kụ ẹpham rẹḍuanam ọghi ekpisi dị oye bịdi kạ́boor ạḍuanam.

Jerimaya 22:17

Kụ ọlo nạ rạwa ghan ịpe okuru phọ ạna bịn; oye dị ụ́piom nạ rakiigh ni, ạḅile kẹn ạsighe ẹekpara ekpeḍien rạkpilighiom weye phọ ạna. Ọmoogh-we phọ kụ mạḅem.

Jerimaya 23:11

Ọmoogh-we phọ rạḅem ghan, “Ariil phọ rꞌariil ạrikia phọ Ẹnaan úlegheri; mị masiphom bịdi dị roḍighi yogh ịkaraph ọkaraghi ịsiphe Otu Ịiḅereghi phọ.

Jerimaya 5:6

Ẹphen kụ ịyaar phọ ạnam-dịka kẹḍua bọ ni ẹpe ẹekpua phọ etu ẹze bịdi; ilhom ịnam kẹḍua ni ẹpe ẹdala phọ etu ẹpanyi bịdi kụ ariitiir eḅinighu ghan ekitonom rạmha phọ ạbidi. Eḍighi ịyaar dị awe phọ ạbuphe omite erugh, ịnam mọ kẹpanyi ni bịdi loor esi dị ịkaraph phọ ạbidi eḍiza ni mọ ẹphughan ḅịle amem etum mem bịdi mọḍua esi Ẹnaan.

Izikiel 22:6

Oomo abuḍiemiom Ịzirel oḍuom ologhi esi ịnyaam ạbidi kụ ọko enu.

Izikiel 33:26

Nyina eḍuom ologhi rolhool ẹgham anyina. Ạraraar isa phọ anyina ekia weye. Tọrobo oye rale ghan ẹmha. Eeghe kụ iḍighi bọ kụ nyina ẹetughian bọ mọ ade phọ ạḍio anyina?

Hạbakuk 1:8

“Ịnam-ạsu phọ ạbidi ekiil epu riitiir, kụ ọmoogh eḍighinom dị eeph epu ịnam dị rẹsighe ghan ịga. Abukiilom ịnam-ạsu ạbidi ụḍua rikpisi dị ẹkel kụ oru; ạrusu phọ ạbidi eguph ude phọ. Bịdi eru kụ esoor ude phọ ịdipho aruga dị resoor ọsighe ẹnam ạa.