Zẹfanaya 3:2 - Ạḍinya Iigbia

² Ọdi kọ̋naghanan Ọmoogh-we phọ, ḅịle kőmeeraam mạlhiom. Ọdi kọ̋kpasi oḍuom ologhi ọdi esi Ọmoogh-we phọ, kọ̋lhom ọdi ọloghonaan ạḍighaagh.

Zẹfanaya 3:2 Iomraidhean Croise

Nehemaya 9:26

“Kụ awe phọ ạna ụḅaar ri ẹmhu kụ ụ́naghanan nyịna; bịdi ụgumom ni ọman Ologh phọ ạna. Bịdi ụze ni riil phọ ọphur ghan bọ bịdi rụru, bụphe ọḅeni ghan bọ bịdi mọ okiton osoman nyịna. Bịdi ụgilaam ni nyịna mem etum mem,

Ạsuor 10:4

Ọkaraph oye ọ́maghami Ẹnaan ịyaar; ịitughian ịlo Ẹnaan ologhi ọdi ílho ghan.

Ạsuor 50:17

Nyina ekel dị mị kiilemi inyina, ikpo ọnhu ọghaaph phọ ạmi nyina mẹgumom ọman.

Ạsuor 73:28

Kụ ẹlo ạmi, eḍighi ni ịiḍaany otuman Ẹnaan, ọmoogh eekpereghian esi Ọmoogh-we phọ ạda bọ aḅirini phọ, kụ rogbeelom ni oomo ịpe ọdi maḍighi bọ.

Ạsuor 78:22

loor esi dị bịdi ụ́moogh omeeraam esi ọdi ḅịle úmeeraam mọ ọdi katue ni ạpel bụno.

Asidogh 1:7

Tụtu nạ kạmoogh olegheri-ịyaar, nạ kạpur ạlogh eghuan Ọmoogh-we phọ. Ighiil awe rókueni ghan ologhi kụ úmeera ọtuugha.

Asidogh 5:12

kụ nyina ẹḅem mọ, “Eeghe kụ mị útue bọ ụ́tuugha? Eeghe kụ iḍighi kụ mị úmeera bọ oye uulhemi ịmi?

Azaya 1:5

Iḍighi ika kụ nyina ẹḅile bọ ni rẹgbagharan ghan? Nyina rẹwa ghan dị kịlhiom inyina opu sịen ḍụghum? Ịzirel, ẹmhu ạna mookpereghiom rꞌạreeḅephenu, kụ ekpom ạna rꞌologhi ạna ímoonogh.

Azaya 29:13

Ọmoogh-we phọ ạḅem mọ, “Awe phọ ạbuen okophora mọ ạbuno ruuseeny ghan ịmi, kụ ikpo ọnhu ạbidi ẹmhu ílho kụ iloghi ạbidi edi ni kịro ekpisi. Esi ạbidi ịyaar dị eḍighi ephigh, ọotughian oomo ịtooghi awe kụ ooko ghan eḍighinom ạraraar phọ ịpe awe ooko ghan bọ kꞌamem dị ebia.

Azaya 31:1

Moruule bụphe ọghi bọ Ijipt ọwa ọloghonaan ạḍighaagh! Bịdi roḍuom ghan ologhi esi iboom ịikpo ạbuo ẹgham Ijipt — ạrusu, arughuugh-ude, awe ẹgham. Kụ ọlo bịdi úḍuom ologhi Ọmoogh-we Ẹnaan, Iigbia phọ Ịzirel mọ opuru ọdi ọloghonaan ạḍighaagh.

Azaya 43:22

Ọmoogh-we phọ rạḅem ghan mọ, “Weye Ịzirel, kụ mị ịpher inyina, dị nyina ịmi íiseeny mun.

Azaya 9:12

ẠSiria ạga phọ ọpo erumuḍio phọ remite ghan bọ rꞌaFilistia ạga phọ ọpo erumuḍio phọ remeel ghan bọ mọnya ophiemi Ịzirel. Ghạlamo ịduon ni bịn, ọghagh ologhi Ọmoogh-we phọ kősi eekuna; ạḅile ni ạgbuton ḍịghaagh ọdi ịlo ọlhiom ạbidi.

Jerimaya 13:25

Ọdi mạḅem mọ ịphen phọ kụ keḍighi ọda anyina. Ịphen kụ ịdi ọdi magbiighi oḍighinom anyina, loor esi dị nyina mewula nyọdi bịn ẹsighe emooph anyina ẹkpasi esi ạrumugh ọkpe.

Jerimaya 2:30

Mị ịliom ni inyina, kụ ọlo ạsuo ọ́rol; nyina ímeera mọ mị iilemi inyina. Nyina mẹze riil phọ anyina ịdipho ạnam-dịka dị ịyaar repin ologhi.

Jerimaya 22:21

Ọmoogh-we phọ ịḅeni ni inyina mem mọ ọpo edughom mọ ịrolonaan bọ inyina; kụ ọlo nyina ímeera ị́naghanan. Ịpe kụ ịdi nyina meḍighi bọ oomo aghuḍum mọ anyina; nyina ímeera ị́naghanan.

Jerimaya 32:33

Bịdi ụgumom ịmi ọman; kụ ghạlamo ịduon mị ạphamanam bọ ni ọtughemi ạbidi, bịdi úmeera ni ụ́naghanan ḅịle ụ́tuugha.

Jerimaya 35:17

Kụ nyịidipho mị Ọmoogh-we Egbogh Ẹnaan phọ Ịzirel kiruomaan inyina awe phọ aJuda rꞌaJeruselem oomo oogulemi phọ mị aguanaan bọ. Mị kaḍighi ni ịphen phọ loor esi dị nyina rẹ́naghanan ghan mem lọ mị ạḅem, kụ ẹḅile rémegheron ghan mem lọ mị ịmagh inyina.”

Jerimaya 5:3

Ọkaraghi agey Ọmoogh-we phọ rạwa ghan weye dị ọphamanam omeeraam mọ ọdi. Ọdi ịgur inyina, kụ ọlo nyina ị́naghanan; ọdi iigbighiḍi inyina, kụ nyina ímeera kẹn ni ị́naghan. Nyina ịḅaar ẹmhu kụ ímeera íkiton esi ịkaraph phọ anyina.

Izikiel 22:24

Ọdi ạḅem mọ, “Oye dị kamugh ni, ḅẹni bụo Ịzirel phọ mọ ade phọ ạbidi ílho dọl iigbia, kụ iḍighi kụ mị rạliom nyọdi esi ọghagh ologhi ạmi.

Izikiel 24:13

Jeruselem, iiḍighi olhe ẹmha ạna mẹepu nyịna. Ghạlamo ịduon mị ạkparagha bọ ịlo ọosa ạna, nạ ụrolanaan ni esi ẹ́ḅaal. Nạ kạ́ḅaal mun tụtu nạ aloghoma ịdi ẹmanam ịikpo ọghagh ologhi phọ ạmi.

Zẹfanaya 1:6

Mị kapiemi bụphe mọgum bọ ọman kụ ịmi ụ́daph mun bọ, bụphe útu mun bọ esi ạmi ḅịle ịmi ụ́ḅeni mun bọ mọ ọmaar ooko bịdi.”

2 Timoti 3:16

Ẹnaan kụ iphum ghan we mọ ọge oomo phọ ịpe edi bọ sịphe Ạḍinya Iigbia phọ. Ịphen phọ ẹnighe ọtughemiom ghan igey phọ, rꞌọḅaam ghan ạbulo oḍighi ịkaraph, rꞌoolemiom ghan ịlo ẹpioman, rꞌoromoghiom ghan ịlo ạdol dị ẹkpe ọrol,

Bụo aHibru 10:22

Kụ ọtuan ịduon phọ oḍuraan ghan oru otuman Ẹnaan! Ọpham igey iloghi rꞌọokpara omeeraam rꞌiloghi dị mogbuurogh ọḅaalami esi ịitughian apum rꞌasiloor dị owur mụserereeny ạmuum kụ orumom!