Zẹfanaya 3:1 - Ạḍinya Iigbia

¹ AJeruselem maphe, ẹmha ạḍikaraph ạdol rꞌọḅaar ẹmhu rꞌọkpiloghom ghan aweye ạbidi.

Zẹfanaya 3:1 Iomraidhean Croise

Azaya 30:12

Kụ ịphen kụ ịdi Ẹnaan Oye Aghuḍuul phọ Ịzirel ẹḅem: “Nyina ẹḅitonaan ịpe mị ịḅeni bọ inyina kụ eḍuom ologhi ọwa asighiton rꞌamabi.

Azaya 5:7

Ịzirel kụ ozo iimuma avain Ọmoogh-we oomo ịikpo phọ; awe phọ aJuda kụ iimuma avain phọ ọdi ạzuph bọ. Ọdi ạwa mọ bịdi oḍighi ịpe ẹnighe bọ, kụ ọḅile ghụn bịn ọko enu. Ọdi ạwa bịdi oḍighi ịpe eḍighi bọ elhiom, kụ bụphe bịdi rọmiine bọ ọwaam ghan igey ịiruen.

Azaya 59:13

Yoor mọḅaar ẹmhu esi ạna, oghel nyịna, kụ úmeera ọdaph ạna. Yoor mọkpiloghom bụnon kụ ọḍua loor ạna. Ịitughian ayoor ị́nighe; ikpo ọnhu ayoor ọkpe.

Jerimaya 22:17

Kụ ọlo nạ rạwa ghan ịpe okuru phọ ạna bịn; oye dị ụ́piom nạ rakiigh ni, ạḅile kẹn ạsighe ẹekpara ekpeḍien rạkpilighiom weye phọ ạna. Ọmoogh-we phọ kụ mạḅem.

Jerimaya 5:23

Kụ ọlo nyina awe phọ ạbuen! Nyina ịgbagara awe oḅom ẹmhu; nyina mẹḅitonaan ẹḅile ịwile ịmi.

Jerimaya 6:6

Ẹnaan Oomo Ịikpo Ọmoogh-we phọ mạto ạḅeni bụdaam mọ ạbuen phọ mọ olher ireeny okpol rugu ọbo okpobiom Jeruselem. Ọdi mạḅem mọ, “Mị kạliom ni ẹmha phọ ẹphen loor esi dị ịgbiphoghom mọ ẹphughan.

Jerimaya 6:7

Ịdipho aghuḍia rạpam ghan bọ mụum mọ ọdi kụ ịdi aJeruselem ạphamanam ịkaraph phọ ọdi. Mị rạnaghan ghan mụzian rꞌọphueghi ạraraar dị edi sịphe ẹmha phọ; ạrelem dị obenogh weye rꞌariiphina kụ oomo ịdi mị rạmiin ghan.

Izikiel 22:29

Ạraalha phọ roogbegheḍiom komi. Bịdi ọmiine rukulom mọ kụ oogbegheḍiom ruuruen.

Izikiel 22:7

Rꞌoniin sịphe ẹmha phọ óghueni ọde rꞌonhiin ọdi. Nyina eegbegheḍiom ruuruen kụ ẹmiine rukpukele ạnmariir rꞌạbunyigo ạnmuny.

Izikiel 23:30

meruom nyịna ịphen phọ. Nạ uḍighi oliom ẹmha ọlo areelhe phọ kụ ạapuom loor ạna rꞌịkaaghineen ạrumugh ạbidi.

Lịvitikos 1:16

Ọdi ạpoghoron okuru ịḅal phọ odi bọ sịphe ooko ẹnun phọ rꞌasuphuugh phọ, ạsighe ạghi aseere atumeriom enmeny phọ, ạga emitenom erumuḍio phọ, ẹpe rozuughi ghan bọ ọoru phọ;

Ẹmos 3:9

Gbeel ạḅeni we phọ orughogh bọ ruutu ạbudaam mọ Ijipt rꞌẠsdod: “Iikpomoghan ẹpe ạraaḅaraph phọ ekoom bọ Sameria, kụ ẹmiin igbogh ịgbaragbara rꞌịkaraph phọ roḍighi bọ ẹpe.”

Ẹmos 4:1

Ịnaghan ịphen, nyina ạnmariir aSameria, nyina phọ ạbuen ẹbugh bọ mụdi ạsinam ạBasan dị elhe ẹpher, dị kẹtiroghom bụphe ịnyaam ụ́moogh bọ, ẹkpiloghom rukulom mọ kụ ẹkpaariom burulhom anyina ọngo anyina miim!

Maika 2:2

Mem lọ bịdi ọwa ọmoogh arere, bịdi oziton; bịdi ọwa ruutu, bịdi ọsighe. Oye lọ ạmoogh eghunotu ḅịle mꞌephua, pọ kẹ́lo ọdi.

Zẹkaraya 7:10

Kẹ́gbiphoghom ghan rukpukele ạnmariir mꞌạbunyigo ạnmuny mꞌaruuruen lọ orugh sịphe ogbo anyina, mꞌạtorobo oye lọ odi esi ịiḅaghami; ḅịle kẹn, oniin kúgbiighiom ghan ịkaraph nyoniin.’

Malakai 3:5

Ọmoogh-we Oomo Ịikpo phọ rạḅem ghan mọ, “Mị kamite ni sịphe ogbo phọ anyina oogbo ịiruen; ḅịle kẹn mị kạgba ni amitiom mem mem mọ bụphe ọta bọ rọogho phọ, rꞌabulhiom ẹmha phọ, rꞌạbuphe rọgba ghan bọ ịlo bịdi ụ́miin, rꞌạbuphe roogbegheḍiom ghan bọ weye lọ bịdi ophir oḍighinom oḍighi mem lọ mẹteeny ọkpe ịpe omerenyan bọ, rꞌạbuphe rọgbiphoghom ghan bọ rukpukele ạnmariir rꞌạbunyigo ạnmuny rꞌaruuruen loor esi dị oye ọ́moogh bịdi, ḅịle rꞌoomo ạbuphe ịmi ụ́logh bọ eegu.