Zẹfanaya 2:9 - Ạḍinya Iigbia

⁹ Ịduon mị kụ ạkar bọ aḍighi Ẹnaan phọ rémugh ghan bọ, Ẹnaan phọ Ịzirel, mị akunya mọ kopiemi ni weye ạMoab rꞌAmon ịdipho ạSodom rꞌaGomora. Bịdi koten riini aboph dị kágbo bịn kꞌagee-pọ, kụ ạroogho asi aakpereghiom. Bụphe okpetenaan bọ sịphe ogbo awe phọ ạmi kobum rạraar ạbidi kụ ọsighe de phọ ạbidi.”

Zẹfanaya 2:9 Iomraidhean Croise

Azaya 11:14

Bịdi kọḅophoghan kụ ozuom bụo aFilistia phọ ẹpe erumuḍio phọ remeel ghan bọ kụ ọpueghi rạraar awe phọ ạbuphe orugh bọ ẹpe erumuḍio phọ remite ghan bọ. Bịdi kọkpar opu we phọ Idom rꞌạMoab, kụ awe phọ Amon kọnaghanan ni bịdi.

Azaya 25:10

Ọmoogh-we phọ kaako ni Eegum ạZayon, kụ ọlo kọozeghi ni we phọ ạMoab ịdipho rọozeghi ghan bọ ịikpo ịbiakpa meḍighi atopha esi ạraraar dị ọde ude ọngo ẹnuum de phọ.

Azaya 49:18

Pogh aaghironom kụ ạmiin ịdi remite! Awe phọ ạna rookpomoghan — bịdi rotigheel ẹmha ạbidi! Ịdipho mị kụ aḍighi bọ Ẹnaan dị edi ghan eye, nạ kabagaam ni we phọ ạna, ịdipho ọnyani dị rạbal ilhom rabagaam ghan bọ ịbekulari phọ ọdi.

Jerimaya 46:18

Mị Ẹnaan Oomo Ịikpo Ọmoogh-we phọ, mị kụ ọdaam. Mị kụ Ẹnaan phọ edi ghan bọ. Ịdipho Eegum aTabor epeleghom bọ rạaḅaraph phọ kụ Eegum ạKarmel ephoph bọ epeleghom ọphiiny phọ, ịdipho kụ ẹdi ịikpo ọpo kizuom bọ inyina kẹtol.

Jerimaya 48:1

Ịphen kụ ịpe Ẹnaan Oomo Ịikpo Ọmoogh-we phọ ạḅem bọ ịlo ạMoab: “Ighirigiir ẹrolonaan weye aNebo — ẹmha ạbidi mophiemi! Mọkpar opu Kiriataim, esi ịikpo phọ ọdi mowunughi, kụ we phọ ọdi mọngo roofola.

Jerimaya 49:1

Ịphen kụ ịdi Ọmoogh-we phọ ạḅem bọ ịlo egbolomaam Amon: “Odi ẹghen awe phọ Ịzirel? Rꞌoniin oye ólho dị kabe ạpamam de phọ ḍụghum? Uḍighi ika kụ bịdi ọwilenaan bọ we dị rooseeny ghan Mọlek mọ ọsighe de eghun phọ ạGad orugh phọ?

Jerimaya 49:18

Eniin phọ ịyaar phọ kụ kemitenaan Idom ịdipho emitenaan bọ Sọdom rꞌaGomora mem mọ ophiemi bọ bịdi rꞌạramha phọ etuman bọ bịdi. Oye ólho dị kạ́tol mun sịphe phọ. Mị Ọmoogh-we phọ kụ mạḅem.

Jerimaya 49:33

AHazor katen de ịisaar kꞌagee-pọ, esi dị asuogh eḍum bịn kụ kẹtol ghan. Rꞌoye kạ́tol mun sịphe. Mị Ọmoogh-we phọ kụ mạḅem.”

Jerimaya 50:40

Eniin phọ ịyaar phọ kụ kemitenaan Bạbilon ịdipho emitenaan bọ Sọdom rꞌaGomora, mem mọ mị aphiemi bọ bịdi rꞌạramha phọ etuman bọ bịdi. Rꞌoniin oye kátugh mun ẹpe. Mị, Ọmoogh-we phọ, kụ mạḅem.”

Ẹmos 1:13

Ọmoogh-we ạḅem mọ, “Awe Amon mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Esi ẹgham ọmoogh egbogh eelhe, bịdi ụphanyi ni rụkuruḅaka ạnmariir dị ọrol rꞌarughunughun ẹpe Gịliad.

Ẹmos 2:1

Ọmoogh-we phọ ạḅem mọ, “Awe ạMoab mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụgilaam ni ịḅarara phọ ọdaam mọ Idom loor esi dị bịdi ụlogh ịḅarara phọ nịan kụ eemor eten ọoru.

Zẹfanaya 2:14

Keten esi dị asita ịga rꞌịnam kịrokiro kụ kẹmina ghan. Aruukughum ketugh pạ ikulha arughuugh phọ meegulaan bọ kụ etulughian ghan. Ạrighiligho kemoghi ghan rụnhu-aḍibuo phọ. Kotuph ni ireeny ọsaga ọsighiogh sịphe aruutu phọ ạbidi.

Zẹfanaya 2:7

Awe aJuda lọ okpetenaan kụ kọtol sịphe ade phọ anyina. Bịdi kookonom ghan sita ịga phọ sịphe phọ kụ ọki ọmina iloghi aruutu Askelon. Ẹnaan phọ ạbidi Ọmoogh-we phọ kạtolan rꞌạbidi kụ ạḅile aḍume bịdi.

Zẹfanaya 3:13

Awe Ịzirel lọ osugha kọ́pioman mun esi oye, ọkpe kọ́gba, ḅịle oye kóokeleghi. Bịdi kọmoogh ẹelha kụ ịyaar kẹ́ḅogh, oye kókiilaan.”

Zẹkaraya 2:13

Tọrotoro oye aḅoorian ghisigh Ọmoogh-we phọ, loor esi dị ọdi katu sịphe ạdol iigbia phọ ọdi atugh.

Igbiighi 14:21

Ageny ni, ịduon mị odi bọ ni, eegu phọ Ọmoogh-we phọ keekpereghiom ni oomo aḅirini phọ.

Bụo aRom 14:11

ịdi eḍighi bọ ạḍinya iigbia phọ rẹḅem ghan mọ, “Ọmoogh-we phọ rạḅem ghan mọ, ịduon mị odi bọ ni, tọrobo oye kakpuḍian ghisigh ạmi kụ ạgba ghan amitiom mọ ạmi Ẹnaan.”

Dutoronomi 29:22

“Oghiil ạnmuny phọ anyina, bụphe kọsighe bọ dọl phọ anyina, rꞌoye lọ ạḍua egher ekpisi kụ aru, kọmiin ni roopoph phọ edi bọ sịphe ade phọ rꞌạreezegh phọ ịpe Ọmoogh-we phọ asereghi bọ.

Dutoronomi 29:23

Oomo ade phọ ạḍiphe phọ, arabana rꞌaboph bịn. Ozo róḅeph ghan, eḍien résoor ghan. Ạroogho rási ghan, ịdipho ade phọ ạSodom rꞌaGomora rꞌAdma rꞌaZeboyim, ḍịphe Ọmoogh-we phọ ạsighe bọ ghẹlhe rꞌọghagh ologhi kụ aphiemiom bọ.