Zẹfanaya 2:8 - Ạḍinya Iigbia

⁸ Ọmoogh-we Oomo Ịikpo phọ ạḅem mọ, “Mị mạnaghan ni ịdi aweye phọ ạMoab rꞌAmon rọḅeni yogh kọnmoghoghoom weye phọ ạmi, kụ robaga mọ bụno kọsighe de ạbidi rꞌẹekpara ekpeḍien.

Zẹfanaya 2:8 Iomraidhean Croise

Emiighom 19:37

Okumoor ọnyani phọ ạmar mọony kụ aghol ḍien ọony phọ mọ ạMoab. Ọdi kụ azin ạnmuny ạnmuny awe phọ ạbuen rokol ghan bọ mọ ạMoabait phọ.

Emiighom 19:38

Kụ ọbam mọ ạmar aani ọony ọlo ọdi, kụ aghol ḍien ọony phọ mọ ạBen Ạmi. Ọdi kụ azin ạnmuny ạnmuny awe phọ ạbuen rokol ghan bọ mọ Amonait phọ.

Azaya 15:1

Ḍịen kụ adom ḍio ạMoab. Rạmha phọ Ar rꞌaKir kopiemi ḍiniin aḍughul, bịn ẹḍogh ạMoab kọ́naghan mun.

Azaya 16:6

Awe phọ aJuda ọḅem mọ, “Yoor mọnaghan ni ịdi awe phọ ạMoab robaga. Yoor olegheri ni mọ bịdi awe iituma dị ologhoma igbogh, kụ obaga phọ ạbidi aḍighi ni oopho bịn.”

Jerimaya 12:14

Ọmoogh-we phọ rạḅem mọ, “Mị ạmoogh ni ịyaar ọḅem dị egbolomaam bumatuman phọ Ịzirel, bụphe mophiemi bọ de phọ mị ạngo bọ weye phọ ạmi Ịzirel. Mị kạsighe ni bụkaraph awe phọ ạbuphe phọ sịphe areelhe phọ ạbidi ịdipho oreeny lọ oruphuron, ḅịle kẹn mị kạtagharan ni Juda ạsighe ḍịghaagh ạbidi.

Jerimaya 48:1

Ịphen kụ ịpe Ẹnaan Oomo Ịikpo Ọmoogh-we phọ ạḅem bọ ịlo ạMoab: “Ighirigiir ẹrolonaan weye aNebo — ẹmha ạbidi mophiemi! Mọkpar opu Kiriataim, esi ịikpo phọ ọdi mowunughi, kụ we phọ ọdi mọngo roofola.

Jerimaya 49:1

Ịphen kụ ịdi Ọmoogh-we phọ ạḅem bọ ịlo egbolomaam Amon: “Odi ẹghen awe phọ Ịzirel? Rꞌoniin oye ólho dị kabe ạpamam de phọ ḍụghum? Uḍighi ika kụ bịdi ọwilenaan bọ we dị rooseeny ghan Mọlek mọ ọsighe de eghun phọ ạGad orugh phọ?

Ịkunuma 3:61

“Nạ mạnaghan ni ịdi bịdi ụgilaam ịmi, Ọmoogh-we; nạ alegheri ni oomo aruuzue phọ ạbidi.

Izikiel 21:28

“Oye dị kamugh ni, mịinaan. Ḅẹni ịpe Ọmoogh-we dị ạmoogh oomo ịikpo phọ rạḅeni bọ bụo Amon phọ, bụphe rọgilaam bọ Ịzirel. Ḅẹni bịdi mọ, “‘Elhool ẹgham eekolobian ni ịlo ophiemi; elhool phọ ogbuur ịlo oghiigh, ịlo ọraphan ịdipho ọnmem.

Izikiel 25:1

Ọmoogh-we phọ ụḅaanaan ịmi.

Izikiel 35:12

Kụ nyina egbi olegheri mọ mị Ọmoogh-we phọ ụnaghan ni ịdi nyina ẹḅem ghan ẹgilaam mọ ạraaḅaraph phọ Ịzirel meegulaan, ḅịle mọ bịdi eḍighi bụo anyina ophiemi.

Izikiel 36:2

Ọmoogh-we dị ạmoogh oomo ịikpo ạmooghaan bọ bịdi: ạbumulogh-ḍien phọ Ịzirel ụnmoghoghoom kụ ọḅem, ‘Nyịidipho aroogbolom ageedi phọ ịpe ịlo ayoor!’

Ẹmos 1:13

Ọmoogh-we ạḅem mọ, “Awe Amon mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Esi ẹgham ọmoogh egbogh eelhe, bịdi ụphanyi ni rụkuruḅaka ạnmariir dị ọrol rꞌarughunughun ẹpe Gịliad.

Ẹmos 2:1

Ọmoogh-we phọ ạḅem mọ, “Awe ạMoab mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụgilaam ni ịḅarara phọ ọdaam mọ Idom loor esi dị bịdi ụlogh ịḅarara phọ nịan kụ eemor eten ọoru.

Zẹfanaya 2:10

Ịdipho kụ ịdi awe ạMoab rꞌAmon kọmiinom loor esi ophoophe rꞌobaga aloor ạbidi rꞌootuuny awe Ọmoogh-we Oomo Ịikpo phọ.

Josua 5:9

Kụ Ọmoogh-we phọ ạḅeni Josua mọ, “Rodon phọ ạḍien mị magbuurogh umugholoor phọ nyọpo Ijipt ạsighe loor anyina.” Ụtuan ịphen kụ oghol bọ sịphe phọ mọ ạGilgal kꞌarodon.