Zẹfanaya 2:7 - Ạḍinya Iigbia

⁷ Awe aJuda lọ okpetenaan kụ kọtol sịphe ade phọ anyina. Bịdi kookonom ghan sita ịga phọ sịphe phọ kụ ọki ọmina iloghi aruutu Askelon. Ẹnaan phọ ạbidi Ọmoogh-we phọ kạtolan rꞌạbidi kụ ạḅile aḍume bịdi.

Zẹfanaya 2:7 Iomraidhean Croise

Emiighom 50:24

ẠJosef ạḅeni bumor phọ ọdi mọ, “Mị kamugh. Kụ Ẹnaan kịsighe ni inyina sịen ade phọ ạḍien asiemi ẹpe ade phọ ạḍiphe ọdi aguanaan bọ Ebraham rꞌẠizik rꞌạJekob.”

Ạsuor 80:14

Kiton uphogh iyoor, Ẹnaan Oomo Ịikpo. Tọl ẹpe kꞌạke uphogh iyoor. Tue ạphel we phọ ạna.

Ạsuor 85:1

Ọmoogh-we, nạ mạnma ni ighirigiir de phọ ạna; nạ mạḅile ạngo Ịzirel ẹelha.

Ẹḍua 4:31

Kụ awe phọ omeeraam. Mem dị bịdi ọnaghan bọ mọ Ọmoogh-we phọ maru apogh we phọ Ịzirel ạḅile ạmiin ịminimiin phọ ạbidi, bịdi ozumeri yogh rụmhu ạbidi ude kụ ọoḅereghi.

Azaya 11:11

Aḍio phọ ạḍiphe ẹteeny, Ọmoogh-we phọ kạḅile kẹn ni ạsighe ịikpo phọ ọdi aḅulemiom we phọ ọdi bụphe osugha bọ ẹpe Asiria rꞌIjipt, ẹpe areelhe phọ ạPatros, Sụdan, Ilam, Bạbilonia rꞌạHamat rꞌịsiphe iigbom ạriphiiny phọ rꞌạnyu arukpu-ogbo ọphiiny phọ.

Azaya 11:14

Bịdi kọḅophoghan kụ ozuom bụo aFilistia phọ ẹpe erumuḍio phọ remeel ghan bọ kụ ọpueghi rạraar awe phọ ạbuphe orugh bọ ẹpe erumuḍio phọ remite ghan bọ. Bịdi kọkpar opu we phọ Idom rꞌạMoab, kụ awe phọ Amon kọnaghanan ni bịdi.

Azaya 11:16

Olhom oḅodo ọḍua kạtolonaan ni we phọ Ịzirel okpetenaan bọ dọl phọ ạbidi Asiria, ọkaraghi ịdipho ạrolonaan bọ bụrude ạburude ạbidi mem mọ bịdi ọḍua bọ Ijipt.

Azaya 14:1

Amem kẹḅile ni etu dị Ọmoogh-we phọ kạnma ighirigiir we phọ Ịzirel kụ ạḅile ạsaḅar bịdi mọ ạbuo ọno. Ọdi kameera ni bịdi ọḅile orugh sịphe ade phọ ạbidi, kụ aruuruen kotu ni otughan rꞌạbidi.

Azaya 32:14

Ghạlamo ogiga ọdaam mọ rꞌẹkpana ẹmha phọ kọḅile ni ọḍuaghu ọmadan. Asimarugh awe phọ rꞌaruutu ẹkpar ạbidi keḍighi ịzeghe kꞌagee-pọ. Ịnam adool eḍum dị oye ụ́moogh kekiraan ghan sịphe, kụ iyool-ịga ẹḅal ghan ịḅal sịphe.

Jerimaya 23:3

Mị kaakpomoghi weye phọ ạmi osugha bọ ọḍuaghu ẹpe areelhe phọ mị ạwalalami bọ bịdi, kụ mị ạsighe bịdi aḅulemi ẹpe ẹmha phọ ạbidi. Bịdi kọmoogh ni ịbadi ạnmuny ọḅile oḍiza we.

Jerimaya 29:10

“Ọmoogh-we phọ ạḅem, ‘Mem dị nyina mẹrol oḍualdi ạsia ẹpe Bạbilonia, mị kaḍeenaan ọnma ighirigiir ạmi esi anyina kụ aḍighi ịpe mị aguanaan bọ. Mị kịsighe ni inyina aḅulemi ẹmha phọ anyina.

Jerimaya 29:14

Ii, mị ạḅem, nyina kịmiin ni ịmi, kụ mị kịsighe inyina aḅulemi ẹpe ade phọ anyina. Mị kiikpomoghi inyina tọrobo eelhe, rꞌạtorobo ekpisi lọ mị ịwalalami inyina, kụ mị iḅulemi inyina sịphe ade phọ nyina ẹrol bọ kụ mị ịsighe bọ inyina ạghimom iiruen arikpisi phọ. Mị Ọmoogh-we phọ kụ mạḅem.’

Jerimaya 3:18

Ịzirel kọḅophoghan rꞌaJuda, kụ ọḅoph ọnhu ọḍua ẹpe iiruen ạramha phọ bịdi ọrol ghan bọ ẹpe ephunom mọ kụ otigheel ẹpe ade phọ mị ạngo bọ bụrude ạburude phọ anyina mọ ọmoogh kꞌagee-pọ.”

Jerimaya 30:3

loor esi dị amem retu ni dị mị kaḅulemi weye phọ ạmi, Ịzirel rꞌaJuda. Mị kaḅulemi ni bịdi sịphe ade phọ mị ạngo bọ bụrude ạburude phọ ạbidi kụ bịdi ọḅile ọmoogh. Mị, Ọmoogh-we phọ, kụ mạḅem.”

Jerimaya 31:7

Ọmoogh-we phọ ạḅem mọ, “Ịmooraan Ịzirel rꞌibo, ọkar egbogh ẹmha. Ịmoor ḍụor ọsephom mọ anyina, ‘Ọmoogh-we phọ mạphel we phọ ọdi, ọdi mạtagharan oomo ạbulo osugha.’

Jerimaya 32:44

Awe kokooghi ni rere, kụ ọge rịnya ibool, ọdaphari rạghaagh ạbidi ghisigh awe dị ọrol sịphe ọmiin aani. Ịphen phọ kemite ẹpe eelhe ạBenjamin, sịphe ịbam ạramha phọ ekoom bọ Jeruselem, sịphe igbogh ạramha phọ aJuda, rꞌạramha ịigaany ạraaḅaraph phọ, rꞌariisi ọḍua kụ ọsiiny aroogbolom mọ rꞌẹpe esoorom aJuda. Mị kạḅile ni aḅulemi we phọ sịphe ade phọ ạbidi. Mị Ọmoogh-we phọ kụ mạḅem.”

Jerimaya 33:12

Ẹnaan Oomo Ịikpo Ọmoogh-we phọ ạḅem, “Sịen ade phọ ạḍien ẹghigh bọ de ịisaar phọ, esi dị awe rꞌịnam ítugh, amem kẹḅile ni etu dị ạroogho kasi kụ abukoriom ịga ọkimom iyool-ịga.

Jerimaya 33:7

Mị kaḍume Juda rꞌỊzirel kụ ạḅile aselemi bịdi aseere ịpe ẹrol ghan bọ.

Jerimaya 47:5

Oboom ọto masooraan weye aGaza, kụ awe Askelon oḅoorian. Kꞌạpur amem kụ ẹdi bụeri phọ awe aFilistia kọtol ghan okururu?

Izikiel 39:25

Ọmoogh-we dị ạmoogh oomo ịikpo ạḅem, “Kụ ọlo nyịidipho mị kạnma ighirigiir ẹemara ẹemara ạJekob, weye phọ Ịzirel, ạḅile aḍume bịdi.

Hosia 6:11

“Kụ nyina anyina, we phọ aJuda, mị maseere mem ọliom anyina kẹn esi ịdi nyina reḍighi ghan.

Obadaya 1:19

“Awe dị kọḍua esoorom aJuda kụ kotugh Idom; ạbudi kọḍua ẹpe erumuḍio phọ remeel ghan bọ eeḍian aroogbolom mọ kụ kobianan ọsighe Filistia. Awe Ịzirel kụ kọmoogh eelhe phọ ẹpe Ifraim rꞌaSameria; awe ạBenjamin kụ kọsighe Gịliad.

Maika 2:12

“Kụ ọlo, mị kiikpomoghi inyina, oomo anyina awe phọ Ịzirel osugha bọ. Mị kịsighe inyina aakpomoghi ịdipho iyool-ịga dị retigheel ọteeny aḍita ạbidi. Ịdipho esi ạroogho dị iyool-ịga emuza, de phọ anyina awe kọḅile ni omuza.”

Maika 4:10

Iḅeleghu ẹkuph, weye aJeruselem, mụdi ạnir lọ rạmar mọony, loor esi dị nyịidipho nyina kẹbile ẹmha phọ kụ ẹki ẹyaghaghaany esi kụ ẹtol. Kisiphi ni inyina ọghimom ẹpe Bạbilon, kụ ẹpe phọ Ọmoogh-we phọ kịphel inyina rạghaagh ạbumulogh-ḍien phọ.

Maika 4:7

Bịdi moḍiku rụukunya kụ ọkelan ẹmha, kụ ọlo mị kamitiom ni emoom emiighom rꞌạbuphe osugha bọ kụ bịdi koḍighi egbogh eelhe. Mị kạda bịdi sịphe Eegum ạZayon kꞌamem mọ ọpo kụ kꞌagee-pọ.”

Zẹfanaya 2:9

Ịduon mị kụ ạkar bọ aḍighi Ẹnaan phọ rémugh ghan bọ, Ẹnaan phọ Ịzirel, mị akunya mọ kopiemi ni weye ạMoab rꞌAmon ịdipho ạSodom rꞌaGomora. Bịdi koten riini aboph dị kágbo bịn kꞌagee-pọ, kụ ạroogho asi aakpereghiom. Bụphe okpetenaan bọ sịphe ogbo awe phọ ạmi kobum rạraar ạbidi kụ ọsighe de phọ ạbidi.”

Zẹfanaya 3:13

Awe Ịzirel lọ osugha kọ́pioman mun esi oye, ọkpe kọ́gba, ḅịle oye kóokeleghi. Bịdi kọmoogh ẹelha kụ ịyaar kẹ́ḅogh, oye kókiilaan.”

Zẹfanaya 3:20

Amem mọ retu ni! Mị kạsighe weye phọ anyina ọwalala bọ atighelom; Mị kaḍighi ịdi nyina kemitiom ḍien oomo aḅirini phọ kụ ạḅile kẹn iḍume inyina.” Ọmoogh-we phọ kụ mạḅem.

Hagai 1:12

Pọ kụ amem dị ạZerubabel rꞌaJosua rꞌoomo awe phọ ạbuphe ọḍua bọ iiruen ạramha ẹpe Bạbilonia kụ origheel, oḍighi ịpe Ọmoogh-we Ẹnaan phọ ạbidi ạḅeni bọ bịdi oḍighi phọ. Bịdi ụmoogh ni oghiilaan kụ ọnaghanan oyil aHagai, otelhedom Ọmoogh-we phọ.

Hagai 2:2

Ọdi arom Hagai mọ ạḅaanaan ạZerubabel ọdaam eelhe phọ aJuda, rꞌaJosua ogbogh oyil ạrikia phọ, ḅịle rꞌoomo awe phọ, kụ ạḅile ạḅeni bịdi mọ,

Elegh aLuk 1:68

“Ạḍiseph ẹrolonaan Ọmoogh-we Ẹnaan phọ Ịzirel, ịdi eḍighi bọ ọdi maru ạnma ighirigiir ạtagharan we phọ ọdi.

Elegh aLuk 7:16

Kụ aḍiigu isiph ni oomo awe phọ, kụ oboom Ẹnaan mọ, “Ogbogh oyil kꞌẸnaan mamite sịen ogbo phọ ayira,” ḅịle kẹn mọ, “Ẹnaan meru ọnma ighirigiir we phọ ọdi.”

Iiḍighi 8:26

Kụ ọokpaany Ọmoogh-we phọ aru ạḅeni Filip mọ, “Ḅetenu ạghi eten ẹdala phọ ẹpe ẹḍua bọ Jeruselem rẹki Gaza!”

Iiḍighi 8:40

Kụ ụḅile ọmiin Filip ẹpe Azotos, kụ ọdi ạḍua ẹmha ạgba ẹmha ạghaaph ghan ooḅi ọghaaph phọ kụ agbi osi aSizaria.

Bụo aRom 11:5

Igina phọ kẹn kụ edi ni nyịidipho phọ. Mạman awe dị Ẹnaan ẹnma ighirigiir ẹsaḅar odi ni.

Rut 1:6

Mem dị ọony ẹnum amem reten kụ aNaomi ạnaghan mọ Ọmoogh-we phọ mạseph we ẹmha ạbidi ạngo bịdi igeny ibugha. Kụ ọdi rꞌạnmariir ạnmuny phọ ọdi ookolobian ọḍua ạMoab.