Zẹfanaya 2:5 - Ạḍinya Iigbia

⁵ Nyina mephe, we aFilistia, nyina phọ edi bọ ọogaany ọphiiny phọ. Ọmoogh-we phọ masoph ọoruen ịngo inyina. Ọdi kiphiemi ni inyina, kụ rꞌoniin ọnyo anyina kásugha.

Zẹfanaya 2:5 Iomraidhean Croise

Azaya 14:29

Weye aFilistia, ịkpara phọ ịpe ịguroghom bọ inyina mewunughian, kụ ọlo nyina ị́moogh ẹmhu oboh. Mem dị eniin ẹkaraph-ịyaar emugh, ẹnon ẹdi ẹkamakama epu ẹsighe esi phọ ọdi. Eghelhe ẹkaraph-ịyaar reḅom ghan elhom eru dị rẹpeeph ghan.

Azaya 14:30

Ọmoogh-we phọ kaḍighi okoriom arukulom awe phọ ọdi, kụ kameera ni bịdi ọrol dọl ẹereegh. Kụ ọlo, ọdi kamitiom ilhom ịgbakuro esi anyina ạbuo aFilistia phọ dị késugheeny rꞌoniin ọnyo anyina.

Jerimaya 47:7

Kepooghian bọ ika mem dị mị mạngo oḍighi oḍighi? Mị mạto mọ elhool ẹgham ezuom Askelon rꞌoomo awe phọ odi bọ ọgbal ọphiiny phọ.”

Izikiel 25:16

Kụ mị mạghaaph raleenye mọ mị kazuom we aFilistia ạze bịdi ạman. Mị kapiemi tọrobo ịyaar lọ esugha dị ẹmoogh ḍiphooghu sịphe ạḍiyaghaghaany ade phọ aFilistia.

Ẹmos 3:1

Weye Ịzirel, ịnaghanan ikpo ọnhu phọ Ọmoogh-we phọ mạḅem bọ ịkpulughiom inyina, oomo eelhe phọ ọdi ạphel bọ atene esi ịminimiin Ijipt:

Ẹmos 5:1

Ịnaghanan, weye Ịzirel, ḍụor amaḍi phọ mị rịmooraan ghan bọ inyina:

Zẹfanaya 1:11

Ịlooghi ẹḅile emoghi yogh mem dị nyina ẹnaghan ịphen phọ, nyina phọ ạbuphe edi bọ ạga ẹmha phọ esoorom bọ, loor esi dị oomo abugbogh abumuul ḍighi komuughu ni!

Zẹfanaya 3:6

Ọmoogh-we phọ ạḅem mọ, “Mị maphiemi ikpom areelhe; mị maagulemi rạmha phọ ạbidi kụ iikpe aruutu eedanien phọ ạbidi meegulaan. Rạmha phọ awe mosumughu; areten ogbo ẹmha phọ mepokoro — rꞌoye ósugha.

Zẹkaraya 1:6

Mị urom ghan butelhedom mọ ạmi riil phọ kụ ọḅeni ịto phọ ạmi ọḅile ọphur rụru bụrude ạburude phọ anyina, kụ ọlo bịdi úpogh riil phọ ụ́logh elegh kụ bịdi ụmiin ni ịikpia phọ. Pọ kụ amem dị bịdi ogbi okiton kụ ogbi ọlogh elegh mọ mị Ọmoogh-we Oomo Ịikpo phọ kụ mạlhiom bịdi ịpe ẹkpianaan bọ bịdi ḅịle kẹn rꞌịpe mị magbiighi bọ oḍighi phọ.”

Elegh ạMak 12:12

Kụ ạbuo ạrumhu aJu phọ oogonoghian Jịzos osiph, ịdi eḍighi bọ ulegheri ni mọ aḍidogh phọ ẹkpulughiom bụno, kụ bịdi ughiilaan ni we phọ kụ ọwile nyọdi ọḍuaghu.

Josua 13:2

Ḍịen kụ ade phọ esugha bọ: oomo areelhe phọ ạbuo aFilistia rꞌạbuo aGesurait,

Josua 13:3

emiigh kꞌaSihor oten bọ kụ ọteeny Ijipt, ẹghi ẹpe ephunom mọ ẹteeny esi ọku Ẹkron, ḍịphe ogbiom bọ ọloghom Kenan; (odi bọ oogh ạbuo ịtooghi ạbuo aFilistia — bụo aGaza, Ạsdod, Askelon, Gạt rꞌẸkron) rꞌareelhe ạbuo Avim;

Bụo Ịiruen 3:3

Ịphen kụ areelhe phọ: oogh ạramha phọ ạbuo aFilistia, rꞌoomo awe ạbuo aKenan rꞌaSaidon, rꞌạbuo aHivait phọ orugh bọ ẹpe ạraaḅaraph phọ ạLebanon, emiigh sịphe Eegum aBaal Hẹrmon ẹsighe ẹghi esi ẹpe eḍighom ạHamat.

1 Sạmuel 30:14

Yoor uruphiom ẹgham eelhe phọ aKeretait ḍịghaagh esoorom mọ aJuda, rꞌeelhe ẹkpigh phọ ạKeleb, kụ yoor ọsu nịan ẹmha phọ ạZiklag.”