Zẹfanaya 2:2 - Ạḍinya Iigbia

² kụ ogbi ophorogh anyina mụdi ịpherepher dị ookuugh aphula, kụ ophin ologhi Ọmoogh-we phọ agbi ọteeny anyina, kụ egbi ọteeny aḍio dị ọdi kaḍeenaan ophin ologhi ọdi.

Zẹfanaya 2:2 Iomraidhean Croise

Job 21:18

Ạḅile apula bịdi ạsighiogh ịdipho ịpherepher, ọbo ọbo ịdipho ophugh dị oghim maḅoorogh?

Ạsuor 1:4

Ịdipho ílhoonaan bụo ạsipioghom mọ. Ạbidi ọkigh ịpherepher dị ookuugh rapula kạsighe.

Ạsuor 2:12

Ipiigha kụ ekpuḍughian ghisigh Ọony phọ, ọbo ọdi kịliom ghan bọ inyina ghẹlhe phọ ekperenom bịn nyina eegborion emugh. Iboh edianaan bụphe oḍigh bọ ḍibuo ọdi.

Ạsuor 50:22

“Nyina ạbuphe mewula bọ Ẹnaan, ịnaghan ịphen phọ nyịidipho, ọbo mị kiphiemi ghan bọ inyina kụ oye dị kịphel inyina kạ́tol.

Azaya 17:13

Erumom dị areelhe phọ rotu bọ ẹkigh ịdipho ạmuum oologh, kụ Ẹnaan ẹkpalham ghan bịdi oḅula ọman, oporogh ọḍua ịdipho ịisaar ọogaany ẹeḅaraph, ịdipho ịpherepe ookuugh iphoroḅoor.

Jerimaya 23:20

kụ kásophe tụtu ọdi aḍighi oomo phọ ịpe ọdi magbiighi bọ oḍighi phọ. Siḍughul-otu dị retu awe phọ ọdi kọnaghan ni dị iikia kẹ́tol.”

Jerimaya 4:4

Ịmaar eeko ịyo phọ nyina eghiran bọ rꞌạmi Ọmoogh-we phọ anyina, ẹḅile ẹḅogh siloor anyina ịngo ịmi, nyina aweye aJuda rꞌaJeruselem. Eḍighi ịyaar dị nyina ímeera, ọghagh ologhi phọ ạmi kaamor ịdipho ạnian loor esi ịkaraph phọ nyina meḍighi bọ. Ọghagh ologhi phọ kaamor ri, kụ oye ólho dị katue aḍime.”

Ịkunuma 4:11

Ọmoogh-we phọ amitiom oomo ophin ologhi phọ ọdi; ọdi ạsu nịan ẹpe Zạyon dị elhe ẹmha phọ kꞌude.

Izikiel 12:25

Mị Ọmoogh-we dị ạmoogh oomo ịikpo kạḅaanaan bịdi, kụ ịpe mị ạḅem bọ kemite ni. Oobinya kạ́tol mun. Sịen amem aghuḍum mọ anyina, nyina ạbuo ẹ́naghanan, mị kaḍighi ni ịpe mị mịphur bọ inyina rụru mọ mị kaḍighi phọ. Mị mạghaaph,” Ọkar Ogbogh Ọmoogh-we phọ ạḅem.

Hosia 13:3

Kụ iḍighi kụ awe phọ ạbuen oowalanu ịdipho ooto ạḍiroor, ịdipho ooto dị ạḍuaghu mem dị aḍio ẹḅaal. Bịdi kọkigh ịpherepher dị ookuugh aphula ạsighiogh esi dị rọgbe ghan ikpo, mụdi ạmughi arughol.

Nẹhum 1:6

Mem dị ophin ologhi odianaan nyọdi, ạnhian kụ kakpetenaan? Ọdi raakuom ghan ophin ologhi ọdi mụdi anem ạnian; asighiigh eetughuḍian eten ophugh ghisigh ọdi.

Zẹfanaya 1:18

Ḍio dị Ọmoogh-we phọ aḍeenaan ọghagh ologhi ọdi, ghạlamo oomo asilva rꞌagol ạbidi bịn kẹ́pel bịdi. Ạnian ophin ologhi ọdi kele epiemi oomo ade phọ. Ekperenom bịn ọdi kakunughi tọrobo oye lọ odi sịen ade phọ.

Zẹfanaya 3:8

“Ikori kụ,” Ọmoogh-we phọ ạḅem, “Ikori ḍio phọ mị kaḅetenu bọ ọkpalham areelhe phọ. Mị mạnya ookpomoghi areelhe rꞌạramar kịrokiro, ọbo bịdi ologhoma ịdi ạnian ophin ologhi phọ ạmi ạrol. Oomo ade phọ kopiemiom nịan ophin ologhi ạmi.

Matiu 24:35

Ạke phọ rꞌade phọ kepe ni. Ikpo ọnhu phọ ạmi képe aani.”