Zẹfanaya 2:1 - Ạḍinya Iigbia

¹ Nyina aweye eelhe dị umugholoor úlegheri, iloghoma siloor anyina,

Zẹfanaya 2:1 Iomraidhean Croise

2 Krọnikuls 20:4

Oomo ạramha aJuda, awe ọḍua kụ oogborion ọghi Jeruselem ọlom Ọmoogh-we phọ mọ arelhiom

Nehemaya 8:1

Esi omuneniom oḍual ụnwanyu phọ, awe phọ Ịzirel mọmoogh sịdol dị memiigh ẹpe ạramha phọ. Ḍịḅel aḍio ụnwanyu phọ ọpo, oomo awe uukpomoghan ni ẹpe Jeruselem sịphe egbogh erugh phọ, ologhi ịsiphe rokol ghan bọ mọ Ọnhu-aḍibuo Ạmuum mọ. Kụ bịdi ọḅeni Ẹzra, oyil ạrikia rꞌoye ịtuugha Ologh phọ ọpo Ọmoogh-we phọ kụ ạngo bọ we phọ Ịzirel esi aMozis, mọ ạghi ạsighe ḍịnya Ologh phọ.

Nehemaya 9:1

Ḍio dị emuneniom ịyaldi rꞌinya sịphe ụnwanyu phọ ọpo phọ, awe phọ Ịzirel uukpomoghan ni ọrol ọkoony esi ịiḅereghi oḍeenaan ọto esi ịkaraph phọ ạbidi. Bịdi mọgbatan ni siloor ạbidi esi aruuruen kụ ọkpologhian rụsuoma ọto, ọḅile ophugha rụmhu ạbidi ọoru oḍeenaan ẹ́ḅaal ologhi, kụ ọmeregha kụ omiigh ootuma ịkaraph dị bịdi rꞌạburude ạburude ạbidi moḍighi.

Esta 4:16

“Kịa aakpomoghi oomo ạbuo aJu phọ sịphe Sụsa eniin esi. Ịkaagh ẹḍogh ịiḅereghinaan ịmi. Kéle ḅịle kẹ́pughol rꞌeniin ịyaar esi ịraar ootaany rꞌaḍughul. Abutelhedom ạnmanyaan ạmi rꞌạmi koḍighi ni iniin phọ. Ịpe reten, mị kạki ni kꞌọdaam mọ, ghạlamo eḍighi ni ịdi ologh phọ úmeeraam. Eru mạar dị kughiigh ịmi loor esi oḍighi ịphen, pọ mị ạnya ni omugh.”

Jerimaya 3:3

Ẹpe kụ ịyaar phọ ọlophia phọ ụ́loph mun bọ, oyiririph aghozogh kẹn bịn óru. Nạ ạkar ghụn ạkigh ọnyo akunakuna; umugholoor nyịna rásiph ghan.

Jerimaya 6:15

Umugholoor asiph ni bịdi loor esi ạraraar isa phọ bịdi oḍighi yogh bọ ḍụghum? Eeye, umugholoor ósiph bịdi rꞌẹnum; bịdi úlegheri rolegheri ịlo okiriri. Kụ iḍighi kụ bịdi komeel li ịdipho ạbueri phọ momeel bọ; mem dị mị ạliom bịdi, ẹpe kụ keḍighi eekuna ạbidi. Mị Ọmoogh-we phọ kụ ụḅem.”

Joel 1:14

Ịto ẹḅeni we mọ ọkaagh ẹḍogh; ẹḅeni bịdi mọ oru ookpomoghan. Iikpomoghi buḍiemiom mọ rꞌoomo awe phọ aJuda mọ oḍigh Otu Ịiḅereghi Ọmoogh-we Ẹnaan phọ anyina kụ omoghiom nyọdi.

Zẹfanaya 3:5

Kụ ọlo Ọmoogh-we phọ odi ni sịphe ẹmha phọ; ọdi raḍighi ghan ni ịlo ẹnighe, kị́lo eeph. Tọrobo ạḍiroor ọdi rạ́piom ghan, ọdi rạngo ghan iiḅi ịiruen weye ọdi. Kụ ghạlamo rꞌịduon phọ, awe ạsipioghom lọ odi roḍighi ni ịkaraph phọ kụ umugholoor ósiph.

Zẹkaraya 11:8

Mị útue mun ụ́kparam ịdi ịraar abukoriom iyool-ịga dị ụlogh ịmi ḍien oḍighi kụ mị aphorogh oomo phọ ạbidi esi oniin ụnwanyu.

Matiu 18:20

Mọ ịyal mọ ịraar kụ oghol ḍien phọ ạmi kụ ookpomoghan, pọ mị odi aani ni pạ ogbo phọ ạbidi.”