Zẹfanaya 1:8 - Ạḍinya Iigbia

⁸ “Ḍio phọ kọze bọ,” Ọmoogh-we phọ ạḅem, “Mị kạliom ni bụo iiḍighi, rꞌạnmuny ọdaam mọ rꞌoomo ạbulo ọphamanam eeruen eḍighinom ịyaar.

Zẹfanaya 1:8 Iomraidhean Croise

2 Ạbudaam 10:22

Kụ aJehu ạḅeni oye phọ ọpo aru bọ uwo ẹmhu ạbuphe ropogh ghan bọ ẹpe otu phọ roseere ghan bọ rukpe phọ mọ ạsighe rukpe ịlo oomo ạbuphe rọoḅereghi ghan bọ Baal ạsighe aru. Kụ ạsighe rukpe phọ ịlo oomo ạbuphe rọoḅereghi ghan bọ Baal, kụ ạsighe rukpe phọ aruomonaan bịdi.

Azaya 10:12

Kụ Ọmoogh-we phọ rạḅem ghan mọ, “Mem dị mị ạmadan ịpe mị raḍighi bọ sịphe Eegum ạZayon rꞌaJeruselem, mị kạliom ni ogbogh ọdaam mọ Asiria loor oomo obaga rꞌophoophe aloor phọ ọdi.”

Azaya 2:6

Ẹnaan, nạ mạḅitonaan we phọ ạna, ẹemara ẹemara phọ ạJekob! Oḍighi yogh ịiḍaany dị rẹḍua ẹpe erumuḍio phọ remite ghan bọ rꞌẹpe aFilistia kụ keru memuza de phọ. Awe phọ rọdaph ghan eeruen eḍighinom ạraraar.

Azaya 24:21

Amem retu ni dị Ọmoogh-we phọ kạliom ịikpo phọ edi bọ kꞌạke rꞌạbudaam ade phọ.

Azaya 39:7

Buniin alephiri ạnmuny phọ nạ kạmar bọ kosiphi ni ọḍuanam kụ opooghi kụ ọtol ghan okumu sịphe ogiga ogbogh ọdaam mọ ạBabilon.”

Hạbakuk 1:10

Bịdi ropoghom ghan rạalha rꞌạrigilaam, kụ ọmilogh bugbogh awe iiḍighi. Esi okikimaam ílho dị kesoph bịdi — bịdi kokpol ọogha egu ọkpaariom kụ obe ọsighenom.

Dutoronomi 22:5

“Ạnir-ephoph kúunmenaan ghan ibura alephiri ạnmuny; ḅịle kẹn, olephiri ọony kúunmenaan ghan ibura ạnir-ephoph. Tọrobo ọlo aanmenaan ịphen phọ ạḅaphanya ni esi Ọmoogh-we Ẹnaan phọ anyina.