Zẹfanaya 1:5 - Ạḍinya Iigbia

⁵ Mị kapiemi tọrobo oye lọ ạsiiny ạnyu otu kụ ạaḅereghi erumuḍio phọ, mꞌụnwanyu phọ rꞌạraanaan phọ. Mị kạḅaram apiemi bụphe moghunya bọ mọ bụno kuuseeny ghan ịmi, kụ ọḅile bọ oghiran ịyo rꞌeru aMilkom.

Zẹfanaya 1:5 Iomraidhean Croise

1 Ạbudaam 11:33

Ịyaar phọ eḍighi bọ bịdi mughel ịmi ọḅile rọoḅereghi ghan Astarte ẹya-eru phọ aSaidon rꞌaKemos ẹmugh phọ ạMoab rꞌạMolek ẹmugh phọ Amon, ụ́daph mun reten phọ ạmi kụ rotelhe ghan, ọbile oḍighi ghan ịpe ẹḅeeraan bọ riḍien phọ ạmi rꞌooko ghan ịtooghi phọ ạmi rꞌịiruen phọ ạmi, ịdipho aDevid ọde phọ ọdi.

1 Ạbudaam 11:5

ẠSolomon ạdaph Astarte, ẹya-eru phọ aSaidon rꞌạMolek ḅạphanya phọ Amon.

1 Ạbudaam 18:21

Kụ Ilaija ạghi ạteeny we phọ Ịzirel, kụ ạḅeni bịdi mọ, “Kꞌạpur amem kụ ẹdi iloghi phọ anyina kẹbile bọ oyeela phọ? Eru mạar dị Ọmoogh-we phọ kụ aru Ẹnaan, pọ ịdaph nyọdi; kụ eru Baal, pọ ịdaph nyọdi.” Kụ awe phọ nyọdi ụ́pagharanaan.

2 Ạbudaam 17:32

Bịdi ughiilaan ghan ni Ọmoogh-we phọ kụ ọlo bịdi ụsighe sịphe ogbo phọ ạbidi ọdo kịrokiro awe oḍighi riil ạrikia sịphe aruutu phọ edi bọ ẹpe ạnyu ạraaḅaraph phọ, bụdi kọpinyon ghan rịkia sịphe aruutu phọ ẹdi bọ sịphe ạnyu ạraaḅaraph phọ.

2 Ạbudaam 17:33

Bịdi ooseeny ghan Ọmoogh-we phọ, kụ ooseeny ghan kẹn ọdo kịrokiro aruru phọ bịdi ooseeny ghan bọ ẹpe ạramha phọ bịdi ọḍua bọ kụ oru.

2 Ạbudaam 17:41

Awe phọ ạbuen phọ ughiilaan ghan ni Ọmoogh-we phọ kụ ụḅile ghan ni ooseeny ịkaaghineen ạrumugh phọ ạbidi, bịdi rꞌạnmuny ạbidi rꞌạnmuny ạnmuny ạbidi. Ịdipho ạburude phọ ạbidi oḍighi yogh bọ kụ ịdi bịdi oḍighi yogh aani kẹn.

2 Ạbudaam 23:12

Kụ ọdi alhereghi renmeny ạrikia phọ ịpe ẹrol bọ ẹpe ạnyu ologhi otu phọ Ehaz ịpe ạbudaam mọ aJuda ọkanagh bọ, ḅịle rꞌarenmeny ạrikia phọ ịpe ạManase ọdaam mọ ạkanagh bọ sịphe ịyal phọ aroghoony Otu Ịiḅereghi phọ aruph ạsighiogh kụ ạsighe oomo ạbidi ạghi aroḅologhi ẹpe okol ạmuum mọ ạKidron.

Azaya 22:1

Ḍịen adom ḍịo esi phọ oghol bọ mọ Eḍiiny Ịmiin phọ. Eeghe kụ remite? Uḍighi ika kụ oomo awe ẹmha phọ ọmoogh bọ ọḍe ạnyu aruutu phọ?

Azaya 44:5

“Oniin atum nyoniin, awe kọḅem ni mọ ‘Mị ọlo Ọmoogh-we phọ.’ Bịdi kotu ọḅophan rꞌawe phọ Ịzirel, Tọrobo oye kạge ḍien Ọmoogh-we phọ ẹgba ạḍighaagh ọdi kụ akola mọ ọno oniin oye Ẹnaan.”

Azaya 45:23

Oguan ạmi pọ ịne phọ ni ọkpe ólho ghan kụ kónme. Mị akunya esi aḍien phọ ạmi rꞌoomo ịpe mị ạman bọ: Tọrobo oye katu kụ akpuḍian ghisigh ạmi kụ akunya mọ ọno kaler ri loor ọdi ụngo ịmi.

Azaya 48:1

Iler rụru ẹnaghan ịphen phọ, weye Ịzirel, nyina ẹemara ẹemara phọ aJuda. Nyina ekunya esi aḍien Ọmoogh-we phọ kụ ekophora mọ nyina reeseeny ghan Ẹnaan phọ Ịzirel — kụ rꞌeniin ekpo ọnhu ạna dị ẹman ịyaar ílho.

Jerimaya 12:16

Eḍighi ịyaar dị bịdi omeera mọ awe phọ ạmi ọtughemi bụno ịlo ooseeny ạmi rꞌoomo ologhi phọ kụ kokunya ghan mọ ‘Esi dị Ọmoogh-we phọ odi bọ ni’ — ọdo ịpe bịdi mọtughemi ghan bọ ni weye phọ ạmi oghunya rꞌaḍien aBaal — pọ bịdi kẹn koḍighi aani ni pạkiri awe phọ ạmi ḅịle kẹn edughom kẹtolonaan ni bịdi.

Jerimaya 19:13

Aruutu phọ aJeruselem, aruutu ạbudaam-ẹmha phọ aJuda, ḅịle kẹn rꞌoomo aruutu dị mọrol ghan ẹpe ạnyu otu phọ ọsu ịnsens ọngo rạanaan phọ ḅịle kẹn rꞌesi lọ mọrol ghan omoor miim ọngo ịnon ạrumugh — oomo ariisi phọ ịpe phọ meḍigh ẹenir ịdipho aTofet.”

Jerimaya 32:29

kụ ọsu nịan. Bịdi kọsu ni ẹmha phọ ọḅile ọḅaram ruutu lọ awe mọrol ghan oḍighi ịlo kẹkagh ologhi ạmi esi ọsuughi ịnsens ọngo aBaal ẹpe ạnyu aruutu phọ ọḅile omoroghi miim ọngo ịnon aruru.

Jerimaya 4:2

pọ keḍighi ni sụo ịngo inyina dị nyina kekunya ghan rꞌaḍien ạmi. Pọ kụ amem dị oomo areelhe phọ kụlom ịmi ọseph ạbidi, ḅịle kẹn bịdi kuboom ni ịmi.”

Jerimaya 49:1

Ịphen kụ ịdi Ọmoogh-we phọ ạḅem bọ ịlo egbolomaam Amon: “Odi ẹghen awe phọ Ịzirel? Rꞌoniin oye ólho dị kabe ạpamam de phọ ḍụghum? Uḍighi ika kụ bịdi ọwilenaan bọ we dị rooseeny ghan Mọlek mọ ọsighe de eghun phọ ạGad orugh phọ?

Jerimaya 5:2

Ghạlamo ịduon nyina ẹḅem bọ ni mọ nyina rẹeḅereghi ghan ni Ọmoogh-we phọ, nyina rẹḅem aani ghan ni bịn.

Jerimaya 5:7

Ọmoogh-we phọ apuru mọ, “Eeghe kụ iḍighi kụ mị kạbilenaan bọ ịkaraph awe phọ ạmi? Bịdi mụwile ịmi ọki ọoḅereghi rụmugh dị ị́moogh ịyaar oḍighinom. Mị ụngo ni weye phọ ạmi eḍien dị ẹpher bịdi, kụ bịdi ọḅile ghụn olhe ghan ẹmha ọsighe mem mọ ạbidi ọtolan ghan rꞌạbuo oliom ẹmha.

Jerimaya 7:10

Nyina reḍighi ghan rạraar phọ ịpe mị aghel bọ, kụ nyina egbi nụun oru ọmeera aghisigh ạmi, sịphe Otu Ịiḅereghi phọ ạmi kụ ọḅem mọ, ‘Ịiḅaghami ílho!’

Jerimaya 7:9

Nyina remiighi ghan, kẹze weye, kele ẹmha, keghunya kụ egbi ọgba ọkpe, kẹphinyon rịkia ẹngo Baal, kẹḅile ẹeḅereghi rụmugh dị nyina ke̋lhegheri ghan.

Jerimaya 8:2

Kpạripe rꞌookpomoghi oḍi, ịḅarara phọ ạbidi kẹtol ạnyu ade phọ ẹngo ẹnuum de phọ. Kọotarion esi lọ erumuḍio phọ kesoorom rꞌụnwanyu phọ rꞌạraanaan phọ kụ ịdi ịpe awe phọ ạbuen phọ ọphomoghian ghan bọ ọḅile okumu, ọḅile kẹn ọoḅereghi ghan ọḅile ọghi ghan ḍipuru.

Hosia 10:2

Awe phọ ạbuphe iloghi phọ ạbidi ẹḅaram bọ iikeleghian nyịidipho kọmiinom ni loor ịkaraph ạbidi. Ẹnaan kelereghi ni renmeny phọ ạbidi kụ egborion epiemi rọko igbudu iigbia phọ ạbidi.

Hosia 4:15

“Ghạlamo nyina awe Ịzirel ịmi ị́meeraam, aJuda kụ́tol aani ịduon anyina. Kéeseeny ghan ẹpe Gịlgal mꞌẹpe Bẹt Aven. Ḅịle kẹn, kékunyian ghan ẹpe phọ esi aḍien Ẹnaan phọ edi ghan bọ bịn.

Ẹmos 5:26

Kụ nyịidipho, loor esi dị nyina mẹeḅereghi ghan bọ ịkaaneen ạrumugh phọ aSakut, ẹmugh-ọdaam mọ anyina rꞌạKaiwan, ẹenaan-ẹmugh phọ anyina, pọ nyina ketool li ịkaaneen ạrumugh phọ ịphen

Matiu 6:24

“Oye ólho dị katue ạdaph ịyal ạburude-otu. Ọdi kạlogh ni nyoniin ḍien, ạpomoghian nyọori phọ. Ọdi kạpamanam ni nyoniin akel nyọori phọ. Nyina kétue ẹḅar Ẹnaan rꞌikpoki kụ ẹdaph.

Iiḍighi 10:9

Rẹḅaal ḍịeri phọ aḍio phọ bịdi oten rọki, ọtol ropogh ẹmha phọ, kụ aPita ạsiiny ạnyu otu phọ ogbo ootaany ịlo ọoḅereghi.

Bụo aRom 14:11

ịdi eḍighi bọ ạḍinya iigbia phọ rẹḅem ghan mọ, “Ọmoogh-we phọ rạḅem ghan mọ, ịduon mị odi bọ ni, tọrobo oye kakpuḍian ghisigh ạmi kụ ạgba ghan amitiom mọ ạmi Ẹnaan.”

Dutoronomi 10:20

Ikueni Ọmoogh-we Ẹnaan phọ anyina. Ọdi kụ ọdi nyina keeseeny ghan. Iḍighom ghan nyọdi, eghunya ghan ḍien phọ ọdi,

Dutoronomi 4:19

Ọbo nyina kẹnmanaghian ghan bọ epogh ẹpe ạnyu ạke bịn nyina rẹmiin erumuḍio phọ mꞌụnwanyu phọ mꞌạraanaan phọ rꞌaḍita ạraraar phọ edi bọ ẹpe kꞌạke, bịn rinyuughi inyina ọghi ọoḅereghi ghan okumu ạbidi. Ịphen phọ Ọmoogh-we Ẹnaan phọ anyina madiemi bọ oomo ịnon areelhe phọ edi bọ sịen aḅirini phọ mọ ọoḅereghi,

Josua 23:7

ọbo nyina keeḍikuan ghan bọ rꞌareelhe phọ ịphen esugha bọ sịen ogbo phọ anyina eeghologhan siḍien ạrumugh phọ ạbidi. Íkunya ghan rụmugh phọ ạbidi, eeseeny bịdi. Ísooromi ghan siloor anyina ẹngo bịdi.