Zẹfanaya 1:3 - Ạḍinya Iigbia

³ oomo awe rꞌịnam, ịnun rꞌina. Mị kaḍighi ịdi bụo ẹkaraph eḍighinom ịyaar kopeeghu. Mị kapiemi ni oomo ọmar awe kụ rꞌoniin kásugha. Mị Ọmoogh-we phọ mạghaaph.

Zẹfanaya 1:3 Iomraidhean Croise

Emiighom 6:7

Kụ Ọmoogh-we phọ ạḅem mọ, “Mị kapiemi we phọ ạbuen mị ạlhem bọ, we rꞌịnam, rꞌoomo ịpe rekuura bọ sịen ade phọ, rꞌịnun okuaḍio phọ. Mị rạkunu ni mọ mị ạtuan eeghe kụ ạlhem bọ ọnyo ạbidi.”

Azaya 27:9

Kụ kọsar ọbilenaan ịkaraph phọ Ịzirel bịn mem dị mọgbe iiḅoghoḍi asighiigh arenmeny aruru ạbidi ịdipho ameleph, kụ mem dị arenmeny ịnsens rꞌelegh igbudu um-ạke Asera ílho mun.

Azaya 6:11

Mị apuru mọ, “Kꞌạpur amem kụ ẹdi kẹtol bọ ịduon, Ọmoogh-we?” Ọdi ụphagharanaan ịmi mọ, “Tụtu oogulemi rạmha phọ ọman — tụtu útughogh mun ruutu phọ — tụtu ade phọ rꞌaloor eḍighi ọkpagha.

Azaya 6:12

Mị kạsighe we phọ ạkele kụ aḍighi oomo ade phọ ọkpagha.

Jerimaya 12:4

Ade phọ kẹkaraghar ịduon phọ kꞌạpur-aḍio, ḅịle kẹn ạroogho phọ kạnuughi ịduon phọ kꞌạpur-aḍio? Ịnam mọ rꞌịnun phọ remuughu loor esi ẹkaraph eḍighinom ịyaar awe phọ ayira, weye dị rọḅem ghan mọ, ‘Ẹnaan rẹ́miin ghan ịphen yoor roḍighi bọ.’”

Jerimaya 50:3

“Eniin eelhe mẹḍua ẹpe ephunom mọ retu ozuom ạBabilon kụ ketene ẹmha phọ de ịisaar. Awe rꞌịnam kekiil ẹḍua, kụ rꞌoye sịphe kạ́tol.”

Jerimaya 7:20

Kụ iḍighi kụ mị Ọkar Ogbogh Ọmoogh-we phọ kaakuom ni ogbogh ọghagh ologhi phọ ạmi Otu Ịiḅereghi phọ ọphon. Mị kaakuom ni weye phọ rꞌịnam mọ iniin phọ, ghạlamo kẹn ireeny phọ rꞌịizupha phọ. Ọghagh ologhi phọ ạmi kạkigh ịdipho ạnian dị oye kátue aḍime.

Jerimaya 9:10

Mị ụḅem mọ, “Mị kamoghinaan ruugum mọ, ḅịle kẹn rꞌạroogho phọ, loor esi dị bịdi mẹnuughi ḅịle kẹn oye ráten ghan mun ẹpe phọ. Rọ́naghan ghan mun ẹḍogh ịnam; ịnun rꞌilhom ịnam mesumughu.”

Izikiel 44:12

Kụ ọlo loor esi dị bịdi kụ oḍiemiom ghan bọ weye Ịzirel esi iiḍighi ooseeny ịkaaghineen ạrumugh phọ kụ oḍighi ịdi awe phọ oḍighi ịkaraph, mị Ọmoogh-we dị ạmoogh oomo ịikpo akunya ni mọ kọliom ni bịdi.

Izikiel 7:19

Bịdi kotoḅologhi ni sigol rꞌasilva ạbidi sịphe areten phọ ịdipho ịiya, ịdi eḍighi bọ agol ḅịle mꞌasilva kátue ạpel bịdi mem dị Ọmoogh-we phọ azuom bịdi ọghagh ologhi. Bịdi kótue oḍighinom ịdi kẹgbaanyan ẹephua ạbidi mꞌomuzeḍi ạrukuruḅaka ạbidi. Asigol rꞌasilva phọ kụ irorori bọ bịdi ẹlogh esi ịkaraph.

Hosia 14:3

Asiria kótue ụphel iyoor kụ ịnam-ạsu ẹgham kétue iikpereghi iyoor. Yoor kọ́ḅeni mun ịkaaghineen ạrumugh mọ bịdi kụ Ẹnaan ayoor. Ọmoogh-we, nạ bịn kụ raḍeenaan ghan ọnma ighirigiir bụnyigo ạnmuny.”

Hosia 14:8

Awe phọ Ịzirel kọ́moogh mun ịyaar oḍighinom ịkaaghineen ạrumugh. Mị kạnaghanan ni ịiḅereghi phọ ạbidi kụ ạmaar ạpam bịdi. Ịdipho oreeny dị ọnam rákeel ghan kụ ịdi mị kakoph bịdi; Oomo ạḍiseph ạbidi kẹḍua esi ạmi kụ emite.”

Hosia 4:3

Kụ iḍighi kụ ade phọ kẹkaraghar, ḅịle tọrobo ịyaar lọ edi sịphe kemugh ni. Oomo ịnam rꞌịnun ghạlamo rꞌina kemuughu ni.”

Zẹkaraya 13:2

Mem mọ ạmuphe phọ mị kạsighiogh ni siḍien aruru phọ sịphe ade phọ, bịn oye kạ́atughian mun bịdi. Mị kapiemi ni tọrotoro oye lọ ạḅem mọ ọno oyil, ḅịle kẹn mị kạsighe sịphe aloor phọ ạbidi ẹephua ọoḅereghi aruru.

Matiu 13:41

Ọony phọ Oye katom ni rụukpaany phọ ọdi, kụ bịdi ọki ẹpe ọmar phọ ookpomoghi oomo ạbulo ọkom ịkaraph rꞌabuḍighinom ịkaraph ọsighe

Matiu 23:39

Mị rịḅeni ghan inyina mọ emiigh kꞌạnyiidipho ẹghiom ghisigh nyina ịmi kị́miin mun, tụtu nyina ẹḅem mọ, ‘Ẹnaan ẹseph ni nyọpo aghol bọ ḍien Ọmoogh-we phọ kụ aru!’”

Ogonanami Phọ 2:14

Kụ ọlo ịphen kụ ạnmuny ariisi dị nyina esughanam, mọ buniin anyina rọdaph ịtughemi ạBelam mọ ọpo ạtughemi bọ Bẹlak mọ aḍighi ịdi aweye phọ Ịzirel mọtuan olhe ghan eḍien dị ọphighironom ẹkia ọngo ruru, ḅịle rꞌopesi ghan ipesi, omeel oḍighanaan ịkaraph.