Rut 4:10 - Ạḍinya Iigbia

¹⁰ Ḅịle kẹn, aRut ọnyani ọlo ạMoab phọ aMalon aphin ghan bọ maḍighi ạnir ạmi, ọbo aḍien ọpo mamugh bọ kepe ghan bọ sịphe abumor phọ ọdi rꞌaḍibuo otu phọ ọdi. Ịphen phọ kẹpamanam rạraar oye phọ mamugh bọ sịphe otu phọ ọdi, bịn eghunotu phọ ọdi képe sịen ẹmha phọ. Nyina mẹmeera enye rodon.”

Rut 4:10 Iomraidhean Croise

Emiighom 29:27

Kori amuneni eeḍio ọḍe apinien phọ, kụ mị ạngo nyịna nyọori phọ, lọ nạ kukumunaan ni ịmi ịnon oḍual ạsia.”

Emiighom 38:9

Onan alegheri ni mọ ạnmuny phọ ạbuphe kọmaraghi bọ kạ́buo ọno; kụ tọrobo amem lọ bịdi ọrolan esi, Onan azuughi ghan osiim aloor phọ ọdi ude, ọbo ọdi kạmaraghinaan bọ umor phọ ọdi nmụny.

Ạsuor 109:15

Ọmoogh-we phọ ạatughian oomo amem ịkaraph ạbidi, kụ ọlo oomo awe owula ni bịdi ọmadan!

Ạsuor 34:16

Arisigh Ọmoogh-we phọ ókpoghoronu esi abuḍighinom ịkaraph phọ. Kapiemi ni bịdi sịen aḅirini phọ, kụ kọ́otughian ghan mun bịdi.

Asidogh 18:22

Mọogh ạnir bịn nạ ạteeny egey ịyaar; eḍeenaan mọ Ọmoogh-we phọ ạphomoghian ni nyịna.

Asidogh 19:14

Oye kale ni erua otu rꞌikpoki ọde rꞌonhiin ọdi, kụ Ọmoogh-we phọ bịn kụ kạngo nyọdi ạnir lọ ạsu ologhi.

Azaya 48:19

Ạnmuny ạnmuny anyina muḍiza mụdi ikpo ịisaar kụ mị mụmiin ni mọ bịdi útue uguulemi.”

Hosia 12:12

Ịkpianaan ni Jẹkob ọde ọde phọ ayira osuma ogheel aMesopotamia, ekpisi dị ọdi kạmoogh ạnir, ọdi aḍighinaan oḍighi ọnon oye kụ aphogh ghan iyool-ịga oye phọ.

Hosia 3:2

Kụ mị ụkpe ḍioph rꞌoogh ipoḍi asilva rꞌoniin okuron rꞌooghdi igbogh ịtoom ẹemor ịbiakpa abali otene ẹmhu ọdi.

Zẹkaraya 13:2

Mem mọ ạmuphe phọ mị kạsighiogh ni siḍien aruru phọ sịphe ade phọ, bịn oye kạ́atughian mun bịdi. Mị kapiemi ni tọrotoro oye lọ ạḅem mọ ọno oyil, ḅịle kẹn mị kạsighe sịphe aloor phọ ạbidi ẹephua ọoḅereghi aruru.

Malakai 2:14

Nyina epuru ịpe eḍighi bọ kụ ọdi ụ́sighe mun bọ. Ịyaar phọ eḍighi bọ ịduon, ọdi alegheri ni mọ nyina íiko oguanaan phọ ọpo nạ ạngo bọ ạnir phọ ọpo nạ aphin bọ mem mọ ọpo ugheel phọ ạna. Ạnir phọ aḍighi ghan ni ọḅarama ạna, bịn kụ nạ óoko oguan phọ ạna esi ọdi, ghạlamo ịduon nạ aguanaan bọ ni risigh Ẹnaan mọ nạ kạmaar ri ạpam ạnir phọ, mọ nạ kábi nyọdi.

Bụo ạEfesos 5:25

Burulhom, ịpomoghian nmạriir phọ anyina, ịdipho aKraist ạphomoghian bọ bụo ạsiosi phọ kụ ạtuan bọ amughanaan.

Dutoronomi 25:6

Ọḅel olephiri ọony lọ ạnir phọ ạmar, pọ ọony ạsighe dọl aḍien umor phọ ọdi ọpo amugh bọ, ọbo aḍien ọpo mamugh bọ kepe ghan bọ Ịzirel.

Bụo aHibru 13:4

Apinien ạkpe ni dị oomo awe kọlogh ghan eghuan. Olhom mọ rꞌạnir phọ oniin ameelom nyoniin! Ẹmina aḍughul phọ bịdi kụ́pue, ịdi eḍighi bọ Ẹnaan keegbo ni ịiruen ẹngo bụwaam ạnmariir rꞌabulhiom ẹmha.

Josua 7:9

AKenanait phọ rꞌoomo ạbuphe orugh bọ ẹpe ade phọ kọnaghan ni ịphen phọ. Bịdi kuuko iyoor okitonom, kụ opiemi ḍien phọ ayoor sịen aḅirini phọ. Kụ oḍighi ika ḍiboom mọ aḍien phọ ạna?”

Rut 4:9

Kụ ạBoaz ạḅeni ikumoor awe rꞌoomo ạbueri phọ odi bọ pạ mọ, “Nyina ẹmeera enye rodon ẹmiin mọ mị magho ḍịghaagh aNaomi oomo ạraraar phọ Ẹlimelek rꞌạnmuny phọ ọdi Kilion rꞌaMalon.