Rut 4:1 - Ạḍinya Iigbia

¹ ẠBoaz ạghi ni sịphe rọpam ghan bọ rạghaaph phọ sịphe ọnhu-aḍibuo ẹmha phọ kụ ạrol ude. Kụ íbia bịn oyogo phọ ọpo ọnyo asiya phọ Ẹlimelek ọpo ạBoaz aghol ghan bọ aru, kụ ạBoaz ạmagh nyọdi mọ, “Yạghiri ạmi, tue ẹphen ạrol ude.” Kụ oye phọ ạghi ạrol ude.

Rut 4:1 Iomraidhean Croise

Emiighom 19:1

Mem mọ ịyal phọ ạruukpaany phọ Ẹnaan osi bọ Sọdom dulhe, ạLot ạtol atuman ọnhu-aḍibuo oḍigh ẹmha phọ. Kụ ọmiin ạbidi bịn ọdi aḅetenu ọghi ọteeny ạbidi. Ọdi azumeri ni ghisigh ọdi ude ọngo ạbidi eghuan.

Emiighom 23:10

Efron rꞌaloor ạrol aani ni rꞌạbueri ạHitait phọ pạ esi aruupuruan phọ sịphe eḍighom ẹmha phọ kụ ạphagharanaan ịdi tọro lọ ạrol pạ ạnaghan ni mọ,

Emiighom 34:20

AHamor rꞌạSekem ọony phọ ọdi ụghi ni esi ookpomoghan sịphe eḍighom ẹmha phọ kụ ọghaaphan we ẹmha phọ ạbidi mọ,

2 Sạmuel 15:2

Ọdi aḅon ghan aḅetenu bịn ạghi ẹpe eten phọ ạmeera sịphe eḍighom ẹmha phọ. Tọrotoro amem lọ oye ạpham ḍighiton arumom ọwa ọdaam mọ mọ ạghaaph, Ạbsalom kạmagh oye phọ kụ apuru mọ oye phọ ạḍua ẹghen kụ aru bọ. Kụ oye phọ roghol ẹmha phọ ọdi ạḍua bọ kụ aru,

2 Krọnikuls 18:9

Ịyal phọ ạbudaam mọ, dị ọkpologhian rụsuoma ạbidi, oye ye ạrolom ạgada ọdaam ẹmha phọ ọdi, esi dị rọgbe ghan ịbiakpa sịphe eḍighom ẹmha phọ aSameria kụ oomo ariil phọ rọmiin ghan ịmiin risigh ạbidi.

Job 29:7

Tọrotoro amem lọ ikumoor awe ẹmha phọ ookpomoghan kụ mị ạrolom aani ạgada ạmi sịphe igbo phọ ạbidi,

Job 31:21

Eḍighi ịyaar dị mị maagbegheḍiom ghan ọnyigo ọony, loor esi dị mị alegheri bọ ni mọ mị katue ni ạkpar apu nyọdi mem lọ ọghi otu asighiton,

Ạsuor 69:12

Bịdi rọkaaph ghan ịlo ạmi sịphe oomo ịbam areten phọ, ḅịle ạbupughol miim rụmooroghom ịmi sụor.

Asidogh 31:23

Olhom ọdi, okpolom oye dị aaleghaan.

Azaya 55:1

Ọmoogh-we phọ rạḅem ghan mọ, “Tue, tọrobo oye lọ ạmuum rạpu — pọono sịen ạmuum. Tue, nạ phọ ọpo ụ́moogh bọ ikpoki, agho ọbiakpa alhe! Tue agho miim rꞌạmamaam ẹnam — okpoki rạ́ḍua ḍịghaagh ạna!

Jerimaya 32:10

Mị ạdaphari ḍịghaagh ạmi ạḅile ạdaphari oba elegh ḍịnya ibool phọ, oye dị ạrol aani ạdaphari kẹn ḍịghaagh, kụ ạto ẹemor ikpoki phọ ạnyu ọtoom ẹemor phọ.

Ẹmos 5:15

Ikel ịkaraph, ẹphomoghian ịlo eru elhiom. Ịmaar ephogh mọ iiḅi ịiruen kụ edi ghan sịphe aruutu ịiruen phọ. Ịduon sịen, Ọmoogh-we phọ kạnma ni ighirigiir we eelhe phọ ẹphen, bụphe odi bọ eye.

Zẹkaraya 2:6

Ọmoogh-we phọ ạḅeni ni weye phọ ọdi mọ, “Mị kụ ụuwalalami bọ ni inyina. Kụ ọlo nyịidipho nyina edi bọ dọl iiruen phọ ẹpe Bạbilonia, isumughu erigheel Jeruselem.

Dutoronomi 16:18

“Ikori ẹmaaghi bụo ịiruen rꞌạbuo ịtooghi sịphe ạramha phọ anyina, ịpe Ọmoogh-we Ẹnaan phọ anyina rịngo bọ inyina, ịdaph rughunughun phọ anyina, kụ bịdi oogboonaan ghan we phọ riliom ịiruen.

Dutoronomi 17:5

pọ ịsighe oye phọ ọpo mꞌolephiri mꞌạnir phọ ạpioghom bọ sịpioghom mọ ịphen emitiom sịphe eḍighom ẹmha phọ, ẹsighe ikpo eroḅol nyọdi tụtu dị amugh.

Dutoronomi 21:19

pọ ọde phọ ọdi rꞌonhiin phọ ọdi osiph nyọdi ọsighe ọghiomonaan ikumoor awe ịsiphe ẹmha phọ ạbidi ọmeremi sịphe esomanan amarugh phọ ạbidi,

Dutoronomi 25:7

“Eru mạar dị umor oye phọ ọpo amugh bọ úmeera olhe erua, ophin ạnir phọ, pọ ạnir phọ ạghi ạteeny ikumoor awe ịsiphe ẹmha phọ ạḅeni mọ, ‘Umor olhom mọ ạmi ómeera ophin ạmi omitiom aḍien umor phọ ọdi sịen Ịzirel. Ọdi ómeera oḍighi ịdi ẹrol dịadi dị umor olhom ạmi ni.’

Josua 20:4

Ọdi aghiil asuma agheel eniin ẹmha sịphe ạramha phọ ịpe phọ. Ọdi ạmeera sịphe eḍighom ẹmha oghoony ẹmha phọ, ạghaaph ịpe emitenaan bọ nyọdi ạḅeni ikumoor awe ẹmha phọ. Bịdi ọsighe nyọdi oḍighom ologhi ẹmha phọ, ọngo nyọdi dọl, kụ dị ạrolan rꞌạbidi.

Rut 3:12

Agey phọ ni, mị oyogo ạna ni dị ạkpe ni ooko ạna, kụ ọlo ọnon oye odi ni dị rꞌanyina esian ipu ịmi.

Rut 3:18

ANaomi ạḅeni nyọdi mọ, “Nyạni ạmi, koriom tụtu nạ ạmiin ịpe kemite bọ. Oye phọ kápooghian rodon tụtu ọghaaph phọ ọphon asi eekuna.”