Rut 3:9 - Ạḍinya Iigbia

⁹ Kụ ọdi apuru mọ, “Nạ ạnhian?” Kụ ọnyani phọ ạphagharanaan mọ, “Oye phọ, mị aRut ọnyani-otu phọ ạna. Nạ aḍighi bọ ni ọnyo asiya ayoor, ẹkpe ni dị nạ kạmaar uphogh ịmi. Ịduon kụ iḍighi kụ uphin ịmi.”

Rut 3:9 Iomraidhean Croise

Izikiel 16:8

“Ịdipho mị ạḅile bọ aten, mị ạmiin mọ meru esi ạna omeel esi ẹphomoghian. Mị aakpereghi ẹdaḅa aloor phọ ạna rꞌạsuoma ạmi dị ạay ekpologhi kụ mị aguanaan ọphomoghian ạna. Agey ni, mị ughiran ịyo apinien rꞌạna, kụ nạ aḍighi ọlo ạmi.” Ịphen kụ ịdi Ọmoogh-we dị ạmoogh oomo ịikpo ạḅem.

Elegh aLuk 14:11

ịdi eḍighi bọ tọrobo oye lọ aphophe loor ọdi kosooromi ni, kụ oye lọ asooromi loor ọdi kopophe ni.”

Rut 2:20

ANaomi ạlho kụ ạḅem mọ, “Ọmoogh-we phọ ạseph Bọaz! Agey ni, Ọmoogh-we phọ rạpamanam ghan ni ịlo ọdi aguanaan oye, ghạlamo oye phọ amugh ni. Oye phọ ọpo phọ asiya ayira ni, oye dị ạkpe ni ophogh ayira.”

Rut 3:10

Kụ ạBoaz ạḅem mọ, “Ọmoogh-we phọ ạseph ni nyịna, nyạni ạmi. Ịma phọ ịphen nạ alher bọ loor phọ ạna ạngo eghunotu phọ ayoor epu ni oomo ịma phọ ịpe nạ maḍighinaan bọ onhiin olhom mọ ạna. Nạ mutue ni ạghi ạdaph tọrobo onyugheel ọony lọ nạ ạwa mụghumo ọolha mꞌuwekulom, kụ nạ ịdipho óḍighi.

Rut 3:12

Agey phọ ni, mị oyogo ạna ni dị ạkpe ni ooko ạna, kụ ọlo ọnon oye odi ni dị rꞌanyina esian ipu ịmi.

Rut 3:8

Ẹteeny ogbo aḍughul kụ oye phọ akperenom ạsuma, akiton ọgho, kụ iḍighi ni iikia esi ọdi ọmiin mọ ạnir-ephoph ạmina ni sịphe ruwol phọ ọdi.

Rut 4:4

Kụ mị ragbiom ghan mọ nạ ạkpe ni olegheri. Kụ eḍighi ịyaar dị ẹḅeeraan ni nyịna ogho, pọ ko sịen awe phọ ạbuen odi aani bọ. Kụ eru mạar dị nyịna ị́ḅeeraan, pọ ḅẹm ni, loor esi dị ạraraar phọ ịphen phọ ẹpur esi nyịna kụ egbi ọteeny ạmi.” Kụ ọdi ạphagharanaan mọ, “Mị kako ni.”

Rut 4:6

Kụ ọnyo asiya phọ ọdi ạḅem mọ, “Eḍighi ịdipho, pọ mị kạnyagharanaan ni riliom mọ ạmi. Mị káko de phọ, loor esi dị ịduon phọ rẹḅem ghan mọ ạnmuny ạmi kóle erua de phọ. Nạ ko, mị káko.”

1 Sạmuel 25:41

Kụ Abigel azuman asi ude kụ ạḅem mọ, “Mị ọnyani-otu phọ ọdi kụ mị aakolobian ni ootologh ghan aruwol abutelhedom ọde-otu phọ ạmi.”