Rut 3:7 - Ạḍinya Iigbia

⁷ Kụ mem dị ạBoaz malhe eḍien ạphughol miim, ologhi ọdi ạḅaal, kụ ọdi ạghi sịphe eekuna egu ịbiakpa abali phọ kụ ạmina rạnaani, kụ aRut aḍighi lẹeph ạghi aphoophe ukpe phọ oye phọ azua bọ kụ ạmina sịphe ruwol phọ ọdi.

Rut 3:7 Iomraidhean Croise

Emiighom 43:34

ẠJosef ạsighe eḍien phọ nyẹpe ọdi adiemi bịdi, kụ abin mụo ạBenjamin kụ ạbugh apu mụo ạbidi oogh amem. Kụ bịdi olhe ọphughol, kụ iloghi ạbidi ẹḅaal kụ robo.

2 Sạmuel 13:28

kụ ọdi ạḅeni butelhedom ọdi mọ, “Ịmaar egon mem lọ Amnon mạphughol miim dị mạphughan, kụ mị rọto rịḅeni inyina bịn eghiigh nyọdi. Kékiilaan. Mị katool li ịiḅaghami lọ eru rꞌaloor ạmi. Ịmoogh ạkpo ologhi. Képogh ọman!”

1 Ạbudaam 21:7

Kụ ạJezebel ạnir phọ ọdi apuru nyọdi mọ, “Nạ kụ ọ́da bọ Ịzirel nyịidipho? Ḅetenu alhe eḍien, ologhi ạna ạḅaal. Mị kạngo ni nyịna ozo ịghol phọ aNebot ọlo ạJezreel phọ.”

Esta 1:10

Ḍio dị emuneniom oḍual esi olhe ẹyaal phọ, ọdaam mọ rạpughol kụ ạmoogh ọḅaal ologhi. Esi ịduon phọ ọdi ạmagh oḍual aroophoony awe phọ, bụphe oḍighi bọ butelhedom ọdi mọ oru ologhi otu: Mehuman, Bizta, Habona, Bigta, Abagta, Zetar rꞌaKakas.

Ạsuor 104:15

kụ aḍighi miim mụo ọḅaalami ologhi ạbidi, mụnum-ọliv ọbo aghisigh ạbidi ạmaar ạḅaal, ḅịle rꞌạbred ọlo ọngo ạbidi ịnyaam.

Ọtughemia Phọ 10:19

Ọḍe rạngo ghan ọḅaal ologhi kụ amiim rạngo ọyigh, kụ nạ kátue ạteeny rꞌeniin dị ikpoki nyịna ílho.

Ọtughemia Phọ 2:24

Ọkar ịma ịyaar dị oye kaḍighi, olhe ọphughol rꞌọghelom ịlo ọdi ạmoogh. Mị aloghoma mọ rꞌịphen phọ kẹn ni bịn rẹḍua ghan esi Ẹnaan kụ keru.

Ọtughemia Phọ 8:15

Esi ịduon phọ mị ạkar kụ ameeraam mọ ẹnighe ni dị oye kạkelom ghan ịlo ọdi ạmoogh, loor esi dị ẹnon ịyaar dị kẹḅaalami ologhi ọdi ílho emuton olhe ọphughol rꞌọḅaalami ologhi ọdi. Ịlo eḍighi eḍighi, ẹkpianaan nyọdi oḍighi ịphen phọ sịen phọ ọdi rakumuan bọ oomo amem mọ Ẹnaan kẹngo bọ nyọdi ọrol ịsien aḅirini phọ.

Ọtughemia Phọ 9:7

Lọgh ni ẹmhu. Le eḍien ạna ạmoogh ọḅaal ologhi; ạphughol miim aafola ọghaaph. Oomo phọ ịdi esel li esi Ẹnaan.

1 Bụo ạKorint 10:31

Kụ mị ạpagharanaan ạḅeni we mọ, “Tọrobo ịlo nyina eḍighi, mꞌamale ḅịle mꞌịpughol, iḍighi ghan oomo phọ ịne eghueniom Ẹnaan.

Bụo ạEfesos 5:18

Kéḍighi rọoko amiim, ọbo kiphiemi ghan bọ inyina. Uwaloor Iigbia phọ ghụn kụ amuza ghan loor phọ anyina!

Bụo Ịiruen 16:25

Mem dị iloghi ạbidi ẹḅaal, bịdi ọḅem mọ, “Ịki ẹmagh Sạmsin dị aru aḍighi yogh ịlo ạreegh risigh ayira.” Kụ bịdi ọsighe nyọdi ọmeremi ịbaay ịyal ạroko.

Bụo Ịiruen 19:22

Bịdi odi ni role rọpughol bịn awe ịsiphe ẹmha phọ, kụ ạruuḍueneen abulhiom ẹmha ọsar oru okoom otu phọ kụ omiigh ọgurogh eghuugh otu phọ oḅonyon, kụ ọḅeni okumoor oye phọ mọ, “Sịghe oye phọ odi bọ kꞌạna amitiom yoor ọrolan esi.”

Bụo Ịiruen 19:6

Kụ ḍita ạbidi ọrol ude ọḅophoghan olhe eḍien ọphughol. Kụ ọde ọnyani phọ ạḅeni ọyogo phọ ọdi mọ, “Ẹḅeeraan ni nyịna, seseeny, pọ ḅịle ạrol oomo aḍughul phọ sịen, ologhi ạna ạḅaal.”

Bụo Ịiruen 19:9

Kụ mem dị oye phọ rꞌọyuga phọ ọdi rꞌotelhedom mọ ọdi oḅetenu rokeel, kụ ọyogo phọ ọdi, ọde ọnyani phọ, ạḅeni bịdi mọ, “Ịmiin, nyịidipho aḍughul rekul, ịmina, iḍue kụ eḅon eḅetenu egheel.”

Rut 3:6

Kụ aRut aten ạghi ẹpe rọponyon ghan bọ ịbiakpa phọ kụ ạtuugh oomo ịpe onhiin olhom mọ ọdi ạḅeni bọ nyọdi aḍighi.

Rut 3:8

Ẹteeny ogbo aḍughul kụ oye phọ akperenom ạsuma, akiton ọgho, kụ iḍighi ni iikia esi ọdi ọmiin mọ ạnir-ephoph ạmina ni sịphe ruwol phọ ọdi.