Rut 3:3 - Ạḍinya Iigbia

³ Kịa awura mụum, agbula elho, ạkpologhian ogey ạsuoma kụ ạghi ẹpe ọdi rạponyon ghan bọ ịbiakpa abali phọ, kụ ọlo kámeera ọdi ạmiin nyịna tụtu ọdi malhe eḍien ạḅile ạpughol miim.

Rut 3:3 Iomraidhean Croise

2 Sạmuel 12:20

ADevid aḅetenu sịphe ade phọ, awura mụum, ạzaranaan sịlaal ẹmhu ọdi, ạḅile anme ạsuoma ọdi, kụ ọdi aten ạghi ạaḅereghi ẹpe otu Ọmoogh-we phọ. Mem dị ọdi arigheel bọ ẹpe otu ọdaam mọ, ọdi apuru eḍien olhe kụ rọḅam bọ eḍien phọ bịn ọdi alhe ni.

2 Sạmuel 14:2

Kụ iḍighi kụ ọdi arom ọghi ọmagh ạnir dị ạsu iboom ologhi dị ạrol ghan ẹpe Tekoa. Mem dị ạnir phọ aru bọ asi, ọdi ạḅeni nyọdi mọ, “Kue bịn aḍighi mụdiadi nạ odi esi ọto: kpọloghian rụsuoma ọto, ḅịle kẹn kạ́zaranaan sịlaal ẹmhu ạna. Kue bịn aḍighi ịlo ạnir lọ odi esi ọto dị mebia ni iboom.

Esta 5:1

Ḍio dị emuneniom ịraar esi ạdol ọkoony phọ ọdi, Esta ạkpologhian iinmenan ạnir ọdaam ẹmha mọ kụ ạghi ạmeera sịphe erugh ogiga ạrol bọ rapogh bọ osoph ọdaam mọ. Ọdaam mọ odi ologhi ạtol sịphe ạgada ọdaam ẹmha phọ rapogh ghan eḍighom mọ.

Ạsuor 104:15

kụ aḍighi miim mụo ọḅaalami ologhi ạbidi, mụnum-ọliv ọbo aghisigh ạbidi ạmaar ạḅaal, ḅịle rꞌạbred ọlo ọngo ạbidi ịnyaam.

Ọtughemia Phọ 9:8

Tọl ghan dọl ọḅaal ologhi rꞌọyigh oomo amem!

Izikiel 16:9

“Pọ kụ amem dị mị ạsighe mụum kụ aatolom ịḅaal phọ ạsighe esi ạna. Mị agbul mụnum-ọliv ạnyu aḍizu phọ ạna.

Matiu 6:17

Mem lọ nyina edi dọl ọkoony esi ịiḅereghi, iitola ghan risigh anyina egbula elo rụmhu anyina,

Rut 3:2

Legheri mọ ạBoaz phọ, ọphon ạnmanyaan-otu phọ ọdi rꞌạna eḍighi ghan bọ, ọnyo asiya ayira ni. Nạghan. Dulhe phọ arodon ọdi kạponyon ịbiakpa abali phọ ọdi.

Rut 3:4

Mạar aphogh sịphe ọdi kạmina bọ, kụ mem dị ọdi rạnaani, kịa aphoophe ukpe phọ ọpo ọdi azua bọ, kụ ạmina ẹpe aruwol phọ ọdi.”