Rut 2:8 - Ạḍinya Iigbia

⁸ Kụ ạBoaz ạḅeni Rut mọ, “Nyạni ạmi, nạghan ịphen mị kạḅeni bọ nyịna. Kạ́ki ghan ọnon ozo ọson ịbiakpa abali phọ omuton sịen ozo phọ ọphon bịn; ḍighi ghan rꞌạnmariir bụen ịsien.

Rut 2:8 Iomraidhean Croise

2 Ạbudaam 5:13

Kụ abutelhedom mọ ọdi ọghi otuman nyọdi kụ ọḅeni nyọdi mọ, “Ọde-otu ayoor, eru mạar dị oyil phọ Ẹnaan ạḅeni nyịna oḍighi ịdi ẹbugh epu ịphen phọ, nạ múḍighi? Uḍighi ika kụ nạ kạ́ki bọ aḍiiny mụum mọ oḍual phọ amem mọ ạmoogh rookonom?”

Lịvitikos 19:9

“Mem lọ nạ ạghi ibugha ozo ạna, úbugha ghan oomo ịiku phọ ụ́madan; ḅịle kẹn úukoroghi ghan iikoma phọ ụ́sighiogh ụ́madan.

Matiu 9:2

Kụ ụmuneen ni ẹmina oye dị ạḍighaagh rꞌaḍuwol emugh ọsighe oruom Jịzos. Mem dị ọdi ạmiin bọ oḍuom ologhi ạbidi, kụ ạḅeni oye phọ mọ, “Mọony ạmi, kpạrami ologhi ạna. Mọsar ịkaraph ạna ọwilenaan nyịna.”

Matiu 9:22

Kụ ạJizos akiton ạmiin ạnir phọ, kụ ạḅeni mọ, “Nịr phọ, oḅio ạna kúkaph. Omeeraam mọ ạna maakonom nyịna.” Kụ mem mem mọ ọpo bịn ạnir phọ aḍum.

Bụo aFilipai 4:8

Ịlo okureriom mọ, bụo asiya ạmi, tọrobo egey, tọrobo ịlo eghuan, tọrobo ịlo eelenyan, tọrobo ịlo eseleman, tọrobo ịlo ẹnighe, tọrobo eeḅi, tọrobo ịlo eḍighi ịma, tọrobo ịlo ẹkpianaan oboom, iseere ni ologhi ịlo ịphen phọ.

Rut 2:7

Kụ ọdi ụlhom ịmi mọ omeera mọ ọno ạdaph ghan weye oḍighi phọ aakpomoghi aani ghan ịbiakpa abali phọ. Kụ ọdi raḍighi ni kꞌesoph ạḍiroor phọ kụ pụruku ạrol li ude rapooghian ghan sịphe uba phọ.”

Rut 2:9

Gon ghan ạmiin esi lọ bịdi rọku bịn ạrolan rꞌạbidi. Mị mạḅeni ni ugheel ạnmuny phọ mọ bịdi nyịna kụ́uḅaghami. Kụ tọro amem lọ ạmuum rạphu nyịna, kịa ghan ạphughol aani sịphe aroko ạmuum mọ bịdi ọpham bọ.”

1 Sạmuel 3:16

Kụ Ilai ạmagh nyọdi mọ, “Sạmuel, ọony ạmi!” ẠSamuel ameera mọ, “Ii, ọde-otu ạmi.”

1 Sạmuel 3:6

Kụ Ọmoogh-we phọ ạḅile ạmagh Sạmuel. Ọony phọ ólhegheri mọ Ọmoogh-we phọ kụ rạmagh bọ nyịno, loor esi dị Ọmoogh-we phọ kọ̋ḅaanaan ghan nyọdi. Kụ iḍighi kụ ọdi aḅetenu ạghi ạteeny Ilai kụ ạḅem mọ, “Nạ ụmagh ni ịmi. Kụ pọrono ạmi.” Kụ Ilai ạphagharanaan kụ ạḅem, “Mọony ạmi, mị nyịna ụ́magh; kịa ạmina.”