Rut 2:3 - Ạḍinya Iigbia

³ Ẹpe kụ esi dị aRut aten ạghi ẹpe iizo phọ kụ arelhe ghan ạdaph bụphe rọku bọ ịbiakpa abali phọ, ạson aani ghan ịlo bịdi oteneghom. Ẹghi bịn eḍighi ịdi ọdi ạghi aḍigh ozo ạBoaz kụ ạson ghan bọ.

Rut 2:3 Iomraidhean Croise

2 Sạmuel 1:6

Kụ ọdi ạphagharanaan mọ, “Iizuanaan dị mị ạrol ẹpe eegbolom mọ aGilboa, kụ mị ạmiin dị ạSol ạminanam ọsoph phọ ọdi sịphe phọ, kụ ẹpomoghian phọ bụdi oḍiku rughuugh ẹgham rꞌawe dị rokiilom rụsu mọghi ọkpaariom nyọdi.

2 Sạmuel 20:1

Oniin oye ạrol li ẹpe Gịlgal dị ạroozo phọ ị́moogh ịyaar oḍighinom kụ ughol mọ aSiba ọony aBikri ọlo eghun phọ ạBenjamin. Ọdi aphula ni ọkuodu kụ ạlho ạmagh, “ADevid kạ́da mun! Yira kọ́daph mun nyọdi! Weye Ịzirel, ụgua ogheleghu kꞌayira!”

2 Ạbudaam 8:5

Ịdipho aGehazi rạkaaph bọ kạḅeni ọdaam mọ ịpe Ilaisa aḅeton bọ mọony dị amugh aḍume, bịn ạnir phọ ọpo Ilaisa aḅeton bọ mọony phọ ọdi aḍume aru asi. AGehazi ạḅeni mọ, “Ọde-otu ạmi ọdaam mọ, ọphon kụ ạnir phọ, ọphon kụ ọony phọ ọdi ọpo Ilaisa aḅeton bọ aḍume.”

Matiu 10:29

Ịkiom ologhi ịdipho robool ghan bọ ịyal ạsimighor egbem ạkobo phọ. Kụ oniin ọnyo ạbidi kámeel ude, dị Ọde phọ anyina úmeeraam.

Elegh aLuk 10:31

Esi amaazuan bịn oniin oyil ạrikia ạghi asoor aani oḅodo phọ, kụ rọmiin oye phọ bịn ạgbal ḍịeri phọ ạḍighaagh phọ aten.

2 Bụo ạTesalonika 3:12

Esi aḍien phọ ạJizos Kraist Ọmoogh-we phọ, yoor ọto ni rọpurom rụru, ịdo awe phọ ạbuen mọ bịdi osereghian oḍighi ghan oḍighi, ọbo bịdi ọmoogh ghan ịyaar ole.

Rut 2:2

Eniin aḍio aRut ạḅeni Naomi mọ, “Mị kạki ạson aani ịbiakpa lọ ạbuo ibugha phọ oteneghom. Iini sịen mị kạmiin ni oye dị kameera lọ mị kaḍighi rꞌọdi.” Kụ aNaomi ạphagharanaan mọ, “Kịa ạa, nyạni ạmi.”

Rut 2:4

Íbia iboom kụ ạBoaz rꞌaloor ạḍua ẹpe Bẹtilihem aru asi kụ ạseph we phọ roḍighi bọ oḍighi phọ mọ, “Ọmoogh-we phọ ạrolan rꞌanyina!” Kụ bịdi omeera mọ, “Ọmoogh-we phọ ạseph ni nyịna!”