Rut 2:12 - Ạḍinya Iigbia

¹² Ọmoogh-we phọ aanmo ni nyịna ruunmo esi ịphen nạ maḍighi bọ. Mọogh ni ruunmo amuzeḍi ḍịghaagh Ọmoogh-we Ẹnaan phọ Ịzirel, ọpo nạ maḍigh bọ ḍibuo ọdi.”

Rut 2:12 Iomraidhean Croise

Ạsuor 17:8

Uuko ịmi ịdipho ọony ekpeḍien phọ ạna, umuphonom ịmi, ạaghi ịmi eeḍian araphaaph phọ ạna.

Ạsuor 19:11

Rịngo ghan ịmi otelhedom mọ ạna olegheri ịyaar, kụ ịikpia dị ụkpe ghan ịmi esi ooko ạbidi ẹbugh ni.

Ạsuor 36:7

Ẹnaan, pọ eeghia ịdi ẹphomoghian phọ ạna rémuneen ghan bọ ẹnighe, Awe rọbooghian ghan sịphe uba araphaaph phọ ạna.

Ạsuor 57:1

Ẹnaan, ụnma ịmi ighirigiir. Ụnma ịmi ighirigiir loor esi dị mị atu esi ạna ọmoogh eekpereghian. Sịphe uba araphaaph phọ ạna kụ ẹdi mị ạaghian tụtu oboom oghim mọ ạgber.

Ạsuor 58:11

Awe kọḅem mọ, “Ọkar agey, roonmo ghan ni ruunmo weye aruukuan. Ọkar agey, Ẹnaan edi ni dị resoph ghan ọoruen aḅirini phọ.”

Ạsuor 61:4

Mị ụtol sịphe otu iigbia phọ ạna oomo aghuḍum mọ ạmi; mị ụmiin esi ạaghian eeḍian araphaaph ạna.

Ạsuor 63:7

loor esi dị oomo amem nạ kụ rụlhoghonaan ghan ịmi ḍịghaagh, Sịphe uba araphaaph phọ ạna kụ ẹdi mị ạrol ạmoor sụor iboh.

Ạsuor 91:4

Ọdi kaakpereghiom nyịna raphaaph ọdi; nạ kạmaar ri ạtol sịphe ẹphamam mọ ọdi; amabi-ólho phọ ọdi kaakpereghi ni nyịna ạḅile ạphel nyịna.

Asidogh 11:18

Awe ẹkaraph eḍighinom ịyaar róḍum ghan iboom, kụ nạ aḍighi ịdi ẹnighe, nạ kạmoogh ni ruunmo.

Asidogh 23:18

Eḍighi ni ịduon, pọ kẹnighenom ni nyina iḍueneen.

Jerimaya 31:16

Isophe emoghi phọ anyina kụ egbuurogh izin phọ anyina. Oomo ịdi nyina meḍighinaan nmụny phọ anyina kékeel oopho; bịdi kọḍua de ạmulogh-ḍien phọ otigheel.

Matiu 23:37

“Weye aJeruselem, weye aJeruselem, nyina mẹze riil phọ Ẹnaan, kụ etoḅol ikpo bụphe orom bọ kụ oru bọ ịteeny inyina. Ika ọdo amem kụ ẹdi mị mạwa bọ oghuraam anyina, ịdipho ạkenegh ramuphonom ghan bọ nmụny ọdi pạ araphaaph phọ ọdi, kụ nyina ímeera bọ.

Matiu 5:12

Iboh ni, ẹmoogh ọḅaal ologhi loor esi aruunmo phọ kiinmo bọ inyina ẹpe kꞌạke. Ịdipho kụ ịdi ọgbiphoghom bọ ni riil phọ ạbuphe ọrol bọ kụ egbi bọ ọteeny amem mọ anyina.”

Matiu 6:1

“Igona ghan loor anyina. Kéḍighi ghan iiḅi anyina egananami, ọbo awe kọmiin ghan bọ ịseph inyina. Kụ nyina eḍighi ịphen egananami, Ọde phọ anyina odi bọ kꞌạke phọ, inyina ruunmo kíinmo.

Elegh aLuk 6:35

Ịpomoghian ghụn bụmulogh-ḍien anyina eḍighi ghan bịdi iiḅi. Iteneghi ghan ịimugh bịn képuru ghan mọ ọḅile ịkpeeghi inyina. Ịduon kụ ẹdi nyina kẹmoogh iboom aruunmo. Nyina kụ keḍighi nmụny Egbogh Ẹnaan phọ. Ọdi ạnighe ni esi ạbuphe rólegheri ghan bọ iiḅi lọ oḍighi bịdi rꞌabuḍighinom ịkaraph.

Bụo ạKolosi 2:18

Kémeera bụphe ophophe bọ loor phọ ạbidi isophonaan inyina ịkaraph ịiruen. Bịdi rọḅem ghan mọ ạbuno rọmiin ghan ịmiin. Ịitughian ạbidi ịlo ạraraar ịsien aḅirini phọ bịn. Bịdi rotoma ghan we mọ osooromi loor ọoḅereghi ghan rụukpaany phọ Ẹnaan.

2 Timoti 1:18

Mị rạaḅereghian ghan mọ Ọmoogh-we phọ ạnma ni nyọdi ighirigiir ḍio ịiruen phọ. Nạ alegheri ni agey oomo phọ iiḅi phọ dị uḍighi bọ ịmi ẹpe Ẹfesos.

2 Timoti 4:8

Kụ nyịidipho abin ọkpar opu phọ rukori ni ịmi. Ọmoogh-we phọ aḍighi bọ oogboom ịiruen aruukuan phọ kuzu ni ịmi eghoony aruukuan phọ ḍio phọ ạḍiphe. Ọdi kázu ogina ạmi bịn, kazu aani ni oomo ạbuphe ọphomoghian bọ nyọdi kụ rokori ghan bọ mem mọ ọdi kamite bọ egaan phọ.

Bụo aHibru 11:26

Ọdi agbiighiom ni mọ oghol aMesaya phọ ọminoghom ịgilaam, kụ ịman ịyaar epu oomo phọ ẹelha phọ Ijipt, ịdi eḍighi bọ ọdi agbi ni riḍien ọdi ọmiin aruunmo dị edi ghisigh.

Bụo aHibru 11:6

Oye dị ụ́moogh omeeraam kátue ạḅaalami ologhi Ẹnaan. Oye lọ ratu otuman Ẹnaan kameeraam mọ Ẹnaan edi ghan ni, ẹḅile ghan reenmo ruunmo bụphe ọsighe bọ oomo ologhi phọ ạbidi kụ rọwaam bọ nyọdi.

Bụo aHibru 6:10

Ẹnaan kóye dị kabula oḍighi phọ nyina eḍighi bọ, ḅịle rꞌẹphomoghian phọ nyina ẹmooghom bọ nyọdi sịphe ạḍighaagh phọ nyina ẹloghonaan ghan bọ kụ rẹloghonaan bọ ni bụo asiya phọ anyina.

Rut 1:16

Kụ aRut ạphagharanaan mọ, “Ịmi kúphorogh. Bịle mị ụdaph nyịna ukeel. Tọrobo ekpisi lọ nạ ạghi, mị kẹn kạki aani ni. Kụ esi phọ ẹpe nạ katugh bọ kụ ẹdi mị katugh aani. Awe phọ ạna koḍighi we phọ ạmi. Ẹnaan phọ ạna, pọ Ẹnaan phọ ạmi aani.

Rut 2:11

ẠBoaz ạphagharanaan kụ ạḅeni Rut mọ, “Mị mạnaghan ni oomo ịpe nạ aḍighinaan bọ onhiin olhom ạna kꞌaḍio phọ olhom mọ ạna amugh bọ. Mị alegheri ni ịpe nạ ạwile bọ ọde rꞌonhiin rꞌẹmha phọ ạna kụ aru orughan rꞌawe dị nạ úlegheri ghan.

Rut 2:13

Kụ aRut ạḅem mọ, “Oye phọ, maḍighi iiḅi phọ ịphen nạ uḍighi bọ ịmi. Nạ mạsighe ịma ikpo ọnhu ụudereghiom ịmi ghạlamo ịduon mị ụ́man bọ ni oniin otelhedom ạna.”

Rut 4:15

Ạnir ọony phọ ạna ạphomoghian ni nyịna, kụ maḍighinaan nyịna rạraar dị epel oḍual ạnmuny. Kụ nyịidipho ọdi mạngo nyịna mọony-oko dị kạsighe kumoom aghuḍum aruomonaan nyịna mem lọ nạ mạkpo.”

1 Sạmuel 24:19

Ịphen phọ imite ghan ẹghen, dị oye kasiph mụlogh-ḍien ọdi, bịn kụ ạbile mọ agheel oopho? Ọmoogh-we phọ ạseph ni nyịna esi ịphen nạ uḍighi bọ ịmi rodon phọ.

1 Sạmuel 24:20

Nyịidipho phọ mị mạkaraghi alegheri mọ nạ kụ kaḍighi ni ọdaam mọ Ịzirel, kụ eelhe phọ kẹki ni risigh mem lọ nạ ạda.