Rut 2:10 - Ạḍinya Iigbia

¹⁰ Kụ aRut azumeri ghisigh ọdi akaram ude, kụ ạḅeni nyọdi mọ, “Eeghe kụ nạ ruphogh bọ ịmi kꞌịphen kꞌịphen phọ? Eeghia kụ nạ rạloghonaan bọ ḍịghaagh dị eleeny ịduon ooruen?”

Rut 2:10 Iomraidhean Croise

Emiighom 18:2

kụ ạnmanaghian aphogh ạnyu kụ ạmiin ịraar awe dị ọmeregha elhor ọdi. Mem dị ọdi ạmiin bọ bịdi kụ aghiil ạghi azuan bịdi eten, kụ azuman akaram ghisigh ọdi ude,

2 Sạmuel 19:28

Oomo eghunotu ọde phọ ạmi ọkpe ni dị Ogbogh Ọdaam mọ kạze, kụ ọlo nạ ụngo ịmi ịikpo mọ mị ule ghan eḍien sịphe kꞌạna. Mị ụ́moogh riliom ọḅile ọlom ọloghonaan ạḍighaagh ḍịghaagh ạna Ogbogh Ọdaam mọ.”

2 Sạmuel 7:18

Kụ aDevid ọdaam mọ ạghi aḍigh Ogbogo ạrol ude egbodo Ọmoogh-we phọ kụ ạaḅereghi mọ, “Mị ụ́kpianaan oḍighi ịphen nạ muḍighinaan bọ ịmi, nạ Ogbogh Ọmoogh-we phọ, ghạlamo eghunotu phọ ạmi kẹn ni bịn ị́kpe.

2 Sạmuel 9:8

Kụ ạMefiboset ạḅile kẹn azuman kụ ạḅem mọ, “Mị ụ́nighe úpu ghoogh dị mamugh, oye phọ! Iḍighi ika kụ nạ ruḍighi bọ ịmi iiḅi dị eleeny ịduon phọ?”

Lịvitikos 19:34

Ịloghoma ghan ooruen lọ arugh sịphe ẹmha phọ anyina, ẹloghomaam nyọdi ịdipho oniin ọnyo anyina, ịdi eḍighi bọ nyina ịrol li iiruen ẹpe Ijipt. Mị kụ Ọmoogh-we Ẹnaan phọ anyina.

Matiu 25:35

Mị ụrol li ọkoony, kụ nyina ịngo ịmi eḍien. Ạmuum ụphu ni ịmi, kụ nyina ịngo ịmi mụum. Mị uḍighi ni ooruen, kụ nyina ịlogh ịmi otu.

Elegh aLuk 1:43

Uḍighi ika kụ iboom mọ ịphen rimitenaan bọ ịmi, dị tụtu nạ onhiin Ọmoogh-we phọ ạmi kụ maru ophogh ạmi?

Elegh aLuk 1:48

ịdi eḍighi bọ ọdi mụlhoghomaam ịmi otelhedom mọ ọdi mạar ụ́man bọ. Egbi nyịidipho ẹghiom ghisigh, oomo awe kughol ghan ịmi mọ ọnyani dị ọseph,

Bụo aRom 12:10

Oniin ạphomoghian ghan nyoniin ịdipho ạnmuny-onhiin! Oniin ạphurom ghan aghueni nyoniin!

Rut 2:11

ẠBoaz ạphagharanaan kụ ạḅeni Rut mọ, “Mị mạnaghan ni oomo ịpe nạ aḍighinaan bọ onhiin olhom ạna kꞌaḍio phọ olhom mọ ạna amugh bọ. Mị alegheri ni ịpe nạ ạwile bọ ọde rꞌonhiin rꞌẹmha phọ ạna kụ aru orughan rꞌawe dị nạ úlegheri ghan.

Rut 2:13

Kụ aRut ạḅem mọ, “Oye phọ, maḍighi iiḅi phọ ịphen nạ uḍighi bọ ịmi. Nạ mạsighe ịma ikpo ọnhu ụudereghiom ịmi ghạlamo ịduon mị ụ́man bọ ni oniin otelhedom ạna.”

Rut 2:19

Kụ aNaomi apuru nyọdi mọ, “Ẹghen kụ ẹdi nạ ạson bọ oomo phọ ịphen phọ? Ozo ạnhian kụ ẹdi nạ akumuan ghan bọ? Ẹnaan ẹseph ni oye phọ ạloghonaan bọ nyịna ḍịghaagh phọ!” Kụ aRut ạḅeni Naomi mọ ọno akumuan ghan ozo oye dị oghol mọ ạBoaz.

Rut 2:2

Eniin aḍio aRut ạḅeni Naomi mọ, “Mị kạki ạson aani ịbiakpa lọ ạbuo ibugha phọ oteneghom. Iini sịen mị kạmiin ni oye dị kameera lọ mị kaḍighi rꞌọdi.” Kụ aNaomi ạphagharanaan mọ, “Kịa ạa, nyạni ạmi.”

Rut 2:9

Gon ghan ạmiin esi lọ bịdi rọku bịn ạrolan rꞌạbidi. Mị mạḅeni ni ugheel ạnmuny phọ mọ bịdi nyịna kụ́uḅaghami. Kụ tọro amem lọ ạmuum rạphu nyịna, kịa ghan ạphughol aani sịphe aroko ạmuum mọ bịdi ọpham bọ.”

1 Sạmuel 25:23

Mem dị Abigel ạmiin bọ Devid kụ ọdi akem ạḍua ạnyu ẹnam adool phọ asoor akpuḍughian ude,