Rut 2:1 - Ạḍinya Iigbia

¹ ANaomi ạmoogh ni siya dị oghol mọ ạBoaz. Ọdi aḍighi ọdaam ọlo eghun Ẹlimelek olhom mọ ọdi.

Rut 2:1 Iomraidhean Croise

2 Ạbudaam 15:20

AMenahem ạar ikpoki phọ ịpe phọ ḍịghaagh igbogh awe phọ Ịzirel bụphe ọmoogh bọ ikpoki ịlo ọngo ọdaam mọ Asiria oye oye ooghdi ipoḍi asilva. Kụ ọdaam mọ Asiria ạḍua sịphe ade phọ, ọ́rol mun sịphe phọ.

Job 1:3

kụ ạḅile ạmoogh oḍual ọonir iyool-ịga, ịraar ọonir ạsikamel, oniin ọonir ạsinam ḅịle rꞌoogh okuron ịnam adool. Ọdi kẹn ạmoogh ni ḍiboom aḍita abutelhedom kụ ọdi ạkar ri aḍighi ọdaam oomo ẹpe erumuḍio phọ remite ghan bọ.

Job 31:25

ọbo kẹn aphoophe loor ạmi loor esi ẹelha phọ ạmi.

Matiu 1:5

aSalmon kụ ọde ạBoaz (onhiin phọ ọdi aRehab); ạBoaz kụ ọde Obed (onhiin phọ ọdi aRut); Obed kụ ọde ạJesi;

Elegh aLuk 3:32

ADevid phọ ọony ạJesi. ẠJesi phọ ọony Obed. Obed phọ ọony ạBoaz. ẠBoaz phọ ọony aSalmon. ASalmon phọ ọony aNason.

Rut 2:2

Eniin aḍio aRut ạḅeni Naomi mọ, “Mị kạki ạson aani ịbiakpa lọ ạbuo ibugha phọ oteneghom. Iini sịen mị kạmiin ni oye dị kameera lọ mị kaḍighi rꞌọdi.” Kụ aNaomi ạphagharanaan mọ, “Kịa ạa, nyạni ạmi.”

Rut 3:12

Agey phọ ni, mị oyogo ạna ni dị ạkpe ni ooko ạna, kụ ọlo ọnon oye odi ni dị rꞌanyina esian ipu ịmi.

Rut 3:2

Legheri mọ ạBoaz phọ, ọphon ạnmanyaan-otu phọ ọdi rꞌạna eḍighi ghan bọ, ọnyo asiya ayira ni. Nạghan. Dulhe phọ arodon ọdi kạponyon ịbiakpa abali phọ ọdi.