Rut 1:8 - Ạḍinya Iigbia

⁸ kụ aNaomi ạḅeni ịyal phọ ạnmanyaan phọ mọ, “Ikeleghu kꞌaburunhiin anyina. Ọmoogh-we phọ ịkpe ni inyina igey esi ịma ạdol phọ nyina ẹrolan bọ rꞌạmi ḅịle kẹn rꞌạbuphe momuughu bọ.

Rut 1:8 Iomraidhean Croise

2 Sạmuel 2:6

Kụ nyịidipho phọ Ọmoogh-we phọ ạmoogh ghụsan esi anyina ḅịle inyina kíbi! Mị phọ kẹn kịpham ni inyina ịdi ẹnighe loor esi ịphen phọ nyina meḍighi bọ.

Bụo ạEfesos 5:22

Nmạriir ilom, isooromi ghan loor ẹngo burulhom mọ anyina, ịdipho nyina esooromi bọ rẹngo ghan Ọmoogh-we phọ,

Bụo ạKolosi 3:18

Nmạriir ilom, isooromi ghan loor esi aburulhom mọ anyina. Ịphen kụ ịkpianaan bụphe rọdaph bọ ịgbaranuom aruwol Ọmoogh-we phọ.

Bụo ạKolosi 3:24

Ilegheri mọ ophin aani abin ạraraar phọ ịpe Ọmoogh-we phọ maseenaan bọ we phọ ọdi, kụ ịikpia phọ ọdi kịkpe bọ inyina. AKraist kụ ọkaraghi Ọde-otu phọ nyina rekumu bọ kẹngo.

Rut 1:5

aMalon rꞌaKilion omuughu aani kẹn ni. Sịen phọ ịyal phọ ạnmuny phọ rꞌolhom mọ omuughu bọ, aNaomi bịn kụ asugha.

Rut 1:7

Kụ bịdi oḅetenu ogheel aJuda. Ẹpe eten

Rut 1:9

Ọmoogh-we phọ aḍighi ni ịdi nyina kẹḅile ẹbalagh ilom ẹmaraghian; oye ye anyina ạmoogh ni otu kꞌolhom ọdi!” Kụ aNaomi ạkpun bịdi, kụ ạḅeni mọ, “Egheel anyina ẹnighe.” Kụ bịdi omiigh emoghi.

Rut 2:20

ANaomi ạlho kụ ạḅem mọ, “Ọmoogh-we phọ ạseph Bọaz! Agey ni, Ọmoogh-we phọ rạpamanam ghan ni ịlo ọdi aguanaan oye, ghạlamo oye phọ amugh ni. Oye phọ ọpo phọ asiya ayira ni, oye dị ạkpe ni ophogh ayira.”

Rut 3:10

Kụ ạBoaz ạḅem mọ, “Ọmoogh-we phọ ạseph ni nyịna, nyạni ạmi. Ịma phọ ịphen nạ alher bọ loor phọ ạna ạngo eghunotu phọ ayoor epu ni oomo ịma phọ ịpe nạ maḍighinaan bọ onhiin olhom mọ ạna. Nạ mutue ni ạghi ạdaph tọrobo onyugheel ọony lọ nạ ạwa mụghumo ọolha mꞌuwekulom, kụ nạ ịdipho óḍighi.