Rut 1:5 - Ạḍinya Iigbia

⁵ aMalon rꞌaKilion omuughu aani kẹn ni. Sịen phọ ịyal phọ ạnmuny phọ rꞌolhom mọ omuughu bọ, aNaomi bịn kụ asugha.

Rut 1:5 Iomraidhean Croise

Azaya 49:21

Pọ kụ amem dị nạ kạḅenian loor ạna mọ, ‘Ạnhian kụ ụmaranaan bọ ịmi oomo ạnmuny phọ ạbuen? Ạnmuny ạmi umuughu ni kụ mị ụ́moogh mun. Uphorogh ịmi uroph ịmi ọlogh ikoli ẹgham — ạnian kụ aakonom bọ nmụny phọ ạbuen aḍume? Ụwile ogina ạmi bịn — ạnmuny phọ ạbuen ụḍua ẹghen kụ oru bọ?’”

Jerimaya 2:19

Ịkaraph phọ ạna kẹliom ni nyịna, kụ ọwile ạmi phọ nạ ạwile bọ kesoph ni ọoruen ephume nyịna. Nạ kalegheri ni eghiḍim dị ẹdi rꞌịdi eeph ọwile ạmi Ọkar Ogbogh Ọmoogh-we phọ, ḅịle rꞌịduon nạ ịmi ụ́naghanan mun bọ. Mị Ọkar Egbogh Ẹnaan Oomo Ịikpo Ọmoogh-we phọ kụ ụḅem.”

Elegh aLuk 7:12

Ọdi atu atuman ọnhu-aḍibuo ẹmha phọ, kụ aazuanan oye dị orool rọki ọdi. Onhiin phọ ekpukele ạnir, dị ạmar ogina ọony phọ ọphon bịn. Kụ aḍita awe ẹmha phọ ụdaph aani ni ạnir phọ.

Dutoronomi 32:39

“‘Mị, ogina ạmi kụ Ẹnaan; umuton ịmi, ẹnon ẹmugh ílho. Mị akiigh kụ ạḅile ạngo ghuḍum. Mị amitiom esi kụ ạḅile aakonom. Kụ oye dị katue ạtagharan ạsighe sịphe ạḍighaagh phọ ạmi ólho.

Rut 1:4

Ạnmuny phọ ophinogh nmạriir, nmạnyaan ạMoab dị ooghologh mọ Opa rꞌaRut. Mem dị ḍioph ạsia reten,

Rut 1:6

Mem dị ọony ẹnum amem reten kụ aNaomi ạnaghan mọ Ọmoogh-we phọ mạseph we ẹmha ạbidi ạngo bịdi igeny ibugha. Kụ ọdi rꞌạnmariir ạnmuny phọ ọdi ookolobian ọḍua ạMoab.