Josua 9:9 - Ạḍinya Iigbia

⁹ Kụ bịdi ọgba iphirigba phọ ịphen ọḅeni Josua mọ, “Yoor abutelhedom mọ ạna ụḍua kꞌekpisi ẹmha dị ẹkel kụ oru, loor esi dị yoor ọnaghan ịlo Ọmoogh-we Ẹnaan phọ anyina. Yoor rọnaghan ghan ni ọdu aḍien ọdi rꞌoomo ịpe ọdi aḍighi bọ ẹpe Ijipt,

Josua 9:9 Iomraidhean Croise

1 Ạbudaam 8:41

“Ịdipho kẹn, mem lọ ooruen dị útu ọlo kꞌawe phọ ạna Ịzirel, dị ạḍua egher ẹmha kụ aru loor aḍien phọ ạna,

Nehemaya 9:5

Bụen kụ ạbuo aLivai dị ọma ḍịmagh ooseeny Ẹnaan: aJesua, Kạdmiel, Bani, Hasabneya, Serebaya, Hodaya, Sebanaya rꞌaPetahaya. Bịdi ụḅem mọ, “Ịmeera eboom Ọmoogh-we Ẹnaan phọ anyina; iboom nyọdi kꞌagee-pọ kꞌagee-pọ! Tọrobo oye aboom ḍien eghuan phọ ọdi, ghạlamo ịdipho oboomi ọdi dị oye kạngo úlho bọ ni dị ạbugh ạgbaanyan.”

Ạsuor 148:13

Oomo ạbidi oboom ḍien Ọmoogh-we phọ! Aḍien ọdi kụ ipu oomo ịnon asiḍien; eegu ọdi epeleghom de rꞌạke phọ.

Ạsuor 72:19

Iboom ḍien oghur phọ ọdi kꞌagee-pọ. Oghur phọ ọdi amuza oomo aḅirini phọ. Ẹrol li ịdipho! Ẹrol li ịdipho!

Ạsuor 78:12

Ạburude ạburude ạbidi ọrol ropogh ghan kụ Ẹnaan eḍighi ghan ịiḍaany sịphe ẹyaghaghaany eelhe phọ aZoan ẹpe ade phọ Ijipt.

Ạsuor 83:18

Bịdi olegheri mọ nạ bịn kụ Ọmoogh-we phọ, ọkar oye ịtooghi oomo ịsien ade phọ!

Ẹḍua 15:14

Awe ịnon areelhe mọnaghan kụ aḍiigu esiph bịdi; awe phọ ẹpe Filistia odimom rꞌọto.

Ẹḍua 9:16

Esi ịphen phọ kụ ịdi mị ạwile bọ nyịna mọ tọl: oḍeenaan ạna ịikpo phọ ạmi, ọbo aḍien phọ ạmi eleeny oomo aḅirini phọ.

Azaya 55:5

Nyịidipho nyina keekpomoghi iiruen areelhe; eniin amem bịdi inyina ílegheri kụ nyịidipho bịdi kokiil otu ọḅophan anyina! Mị Ọmoogh-we Ẹnaan phọ anyina, Ẹnaan Iigbia phọ Ịzirel, kaḍighi ni ịphen phọ amitiom. Mị kịngo inyina rughuenian rꞌeegu.”

Azaya 66:19

kụ kolegheri ni mọ mị kụ ọpo rạliom ghan bọ bịdi. “Kụ mị kasugheeny ni buniin ạbidi ạsighe ạkiighi we areelhe rꞌịikela arere dị kọ̋naghan ghan ḍien phọ ạmi, ḅịle kọ̋miin ghan igbogh phọ rꞌịikpo phọ ạmi: ẹpe Spen, Lịbia rꞌạLidia rꞌạbuo ẹmaar ọraph ạsikumugh ạbidi, rꞌẹpe Tubal rꞌaGris. Sịphe igbo oomo areelhe phọ ịphen bịdi kogbeelom ghan igbogh phọ ạmi.

Igbiighi 14:15

Kụ eru mạar dị nyịidipho nạ ạze ḍita awe phọ ạbuen, oomo phọ ạbidi dịadi oniin oye, pọ bụphe mọnaghan bọ ịlo ạna kọkaaph ghan mọ

Igbiighi 20:14

AMozis ạrol sịphe Kades kụ arom dom ạghiom ọdaam mọ Idom mọ, “Adom mọ ạḍien ẹḍua kꞌabumor phọ ạna, arughunughun phọ Ịzirel. Nạ alegheri ni oomo ịminimiin phọ yoor mọmiinom bọ;

Iiḍighi 8:7

Ịkaraph aruwaloor ịlooghi ghan ni emiteghu loor ịbadi awe ẹḍuaghu, kụ ịbadi ạrukugha rꞌạbudi ạraghaagh rꞌaruwol emuughu uḍumogh ni.

Dutoronomi 20:11

Kụ eru mạar dị ịphagharanaan inyina mọ edughom kụ ịrolonaan inyina, pọ oomo awe phọ ạbuphe odi bọ sịphe ẹmha phọ kiḍighinaan ghan inyina ọokpara oḍighi, ikumu ghan inyina.

Dutoronomi 20:15

Ịduon kụ ịdi nyina keḍighi ghan oomo ạramha phọ ịpe ẹkelan bọ rꞌanyina, ịpe ítu bọ ịlo ẹphen.

Josua 9:10

rꞌoomo ịpe ọdi aḍighi bọ ịyal phọ ạbudaam mọ Ạmorait bụphe orugh bọ ẹpe ạga emitenom mọ ạJodan, ịpe ọdi aḍighi bọ Sihon ọdaam mọ aHesbon, rꞌịpe ọdi aḍighi bọ Ọg ọdaam mọ ạBasan, bụphe orugh bọ ẹpe Astarot.

Josua 9:16

Rẹman ịraar aḍughul-otu bịdi oghiran bọ ịyo phọ, kụ bịdi ọnaghan mọ awe phọ ạbuen phọ amatuman ạbuno ni, mọ bịdi ooḍikuan ni marugh.

Josua 9:17

Kụ awe phọ Ịzirel oḅetenu erelhe kụ esi ịraar aḍughul-otu bịn osi rạmha phọ awe phọ odi bọ: Gịbion, Kefira, Beerot rꞌạKiriat Jiarim.

Josua 9:24

Kụ bịdi ọḅeni Josua mọ, “Yoor uḍighi ịduon, oye phọ, ịdi eḍighi bọ ụḅeni iyoor abutelhedom mọ ạna mọ Ọmoogh-we Ẹnaan phọ anyina ạlogh ologh ạngo Mozis otelhedom mọ aphiemi bụphe orugh bọ sịphe ade phọ edi bọ ẹpe esomanan phọ anyina mọ ọno mịngo inyina oomo ade phọ. Yoor uḍighi ni loor esi dị aruugu usiph iyoor iboom. Yoor ughiilaan loor aghuḍum mọ ayoor loor ẹmhu anyina.