Josua 9:7 - Ạḍinya Iigbia

⁷ Kụ awe phọ Ịzirel opuru bịdi mọ, “Esi ika kụ ẹdi yoor rꞌanyina kekiran bọ ịyo? Iini sịen amarugh anyina ọ́kel.”

Josua 9:7 Iomraidhean Croise

Emiighom 10:17

awe aHivait, awe Ạrkait, awe Sịnait,

Emiighom 34:2

Mem dị ạSekem, ọony phọ aHamor ọlo aHivait phọ, ọpo aḍighi bọ ọdaam eelhe phọ ẹpe, ạmiin ọnyani phọ bịn asiph nyọdi ạka.

2 Sạmuel 24:7

Kụ bịdi ọghi ẹpe esoorom mọ ẹpe egbogh ẹmha phọ oghoony bọ Taya, kụ ọḍua ọghi oomo ạramha awe aHivait phọ rꞌawe aKenan, kụ ekureriom mọ bịdi osi ẹpe Beersheba, ạga esoorom aJuda.

Ẹḍua 23:22

Kụ ọlo eḍighi mạar lọ nyina ẹnaghanan nyọdi ẹḅile eḍighi tọrotoro ịlo mị ạto, mị katuphiom ghan oomo ẹpomoghian phọ anyina.

Ẹḍua 3:8

kụ mị maru ọtagharan ạbidi ḍịghaagh ạbuo Ijipt phọ, rꞌọsighe ạbidi ọḍuanam sịphe ade phọ ạḍiphe, rꞌọsighe ạbidi ọghi ḍiiḅi ade dị ẹetool rꞌọninom, de dị ạmamaam ạnam, rꞌẹnuum aḍiowo kụ rekilogh, ẹpe aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ odi ghan bọ nyịidipho.

Ẹḍua 34:12

Gona loor ạna, ọbo nạ rꞌạbuphe orugh bọ sịphe areelhe phọ nạ rạki bọ oḍigh phọ kókiran ghan bọ ịyo, bịn bịdi oḍighi ḍiphil dị ọkpaminaan nyịna.

Igbiighi 33:52

iporogh oomo ạbuo ade phọ, bụphe orugh bọ sịphe ade phọ, bịdi ọḍuaghu. Ẹphueghi egbonyon oomo phọ asighiigh phọ ịpe bịdi ọkaaghi bọ ọghighemian siloor, rꞌoomo ịkaaghineen ạrumugh phọ ạbidi, ḅịle rꞌoomo ariisi ooseeny aruru phọ ạbidi.

Dutoronomi 20:16

“Kụ rạmha awe phọ ạbuphe Ọmoogh-we Ẹnaan phọ anyina ịngo bọ inyina mọ ịmoogh phọ, ísugheeny ghan rꞌẹnum ịyaar lọ repooghu.

Josua 11:19

Kụ ẹmha dị rꞌawe phọ Ịzirel ọmoogh mụḅoph ụ́tol, omuton Hivait phọ orugh bọ ẹpe Gịbion. Oomo ạbueri phọ rꞌạbidi eeghi ni rạagham.

Josua 9:1

Ọdu ọkpar opu phọ Ịzirel aaleghaan ni ạteeny oomo ạbudaam-ẹmha phọ bụphe orugh bọ ạga emeelom erumuḍio phọ ạJodan, kꞌẹpe aroogbolom mọ rꞌẹpe aruugum mọ, rꞌẹpe ọgbal Ọphiiny aMeditarenian phọ ẹteeny eelhe dị etuman Lẹbanon: bụen kụ ạraalha ạHitait phọ rꞌẠmorait phọ rꞌaKenanait phọ rꞌạPerezait phọ rꞌaHivait phọ rꞌaJebusait phọ.

Bụo Ịiruen 2:2

Nyina rꞌạbuen orugh bọ sịen ade phọ íkiran ghan ịyo. Ilereghi renmeny ạrikia phọ ạbidi. Kụ ọlo nyina ẹḍogh phọ ạmi ị́naghanan. Nyina meḍighi ịdi mị ụ́ḅem.

Bụo Ịiruen 3:3

Ịphen kụ areelhe phọ: oogh ạramha phọ ạbuo aFilistia, rꞌoomo awe ạbuo aKenan rꞌaSaidon, rꞌạbuo aHivait phọ orugh bọ ẹpe ạraaḅaraph phọ ạLebanon, emiigh sịphe Eegum aBaal Hẹrmon ẹsighe ẹghi esi ẹpe eḍighom ạHamat.